شاحده الله تحاربك الكورونا واختها “هانتا”

عفيت منك يا سيد الطيب قسمت بى الله كلام المخلوق ده فقع مرارتى ما ياها ذاتها عنتريات البشير سحقا لهم

كتب سيد الطيب

لما تكون ضابط في الجيش وتقول لي مواطنيين مدنيين لو عاوزين تحاربونا حاربونا
اول حاجة يقلعوا منك الكاكي دا احتراما لي شرف المهنة الداسو عليه الزيك ديل
المؤسسة العسكرية حالها ما بنصلح وفيها ضابط بعتبرو الشعب عدو ليهم
البشير البتدافع عنو دا سقط بأمر الشعب والضحايا هم اليقولو يتسلم ولا يبدلوه بي شحنة كمامات
البشير دا ما ابوك ولا مطلوب شيكات من محكمة الجنايات الدولية ولا عندنا معاه مشكلة شخصية حول رقيصه كان رقاص ولا ما بعرف يرقص بشيرك دا مجرم حرب وابادة جماعية لمواطنيين سودانيين ذلاهم وشردهم .
مركب ليك رتبة فريق اول لا محترم شرف مهنتك ولا محترم ضحايا حروب
ليك حق تطلع في جريدة الهندي عز الدين شبهك والله قبحك
*سيد الطيب*

سيداللبن