Take a fresh look at your lifestyle.

غناء ( هسع) مجدى الفاضل سعيد

احنا كدا

مجدى الفاضل سعيد

غناء ( هسع)
في انقلاب نعم.. انقلاب.. وكما اي انقلاب.. في منتصف الليل.. ونفس الشئ من حال الي حال.. وفجأة.
ده.. هو واقع غنانا.. اصوات جبخانية.. ودانات.. وقنابل.. وقونات كمان.
وعادي جدا جدا.. تذهب لحفل ما لتجد كل اثاث البيت محمولا علي الرؤوس والاكتاف وفي منتصف ساحة الحفلة.. وبمشاركة ( كلاب وقطط) الحلة.. اكرم الله القارئين..
وحركات التوائية كمن اصيب بنوبة مصران عصبي او الم كليتين حاد.
واغرب( العجائب) ان يقلد بعض الفنانين الشباب.. الفنانات.. اااي نعم صوتا وشكلا.. وحنة كمان و تسبسب ( وكتلان) عيون.
والشغلة وهي متمادية وسرحانة والناس طربانة.. جابت ليها بنات.. ( يحلقو) حلاقة رجال.. اي نعم ( بي قطعية عديييل)… يا اااا لطيييييف .
في (قلبنة) غريبة.. ومرات كثيرة اصبحنا نلبي دعوات ( العقد) فقط ونعتذر من ( جنس الشغاليت) دي.. يعني عقد في البيت عادي.. والعقد الجامع والواضح ما فاضح بسأل من المأذون واذا مان هو نفسه الامام.. واذا كان الامام هو نفسه. َاللي ( بتفتفت) في المايك داااك.. بعتذر علي طول مع الكرووونا الحايمة دي.
واحنا.. كده

شاركها على
أكتب تعليقك هنا

لن يتم نشر عنوان بريدك الإلكتروني.