كورونا والاجر على الله

نورى المصباح

– عمر ….السلام عليكم
– وعليكم السلام خالد
– حمدلله على السلامه قالو لى كنت مسافر ضربت ليك زى مليون تلفون!- الله يسلمك يا غالى يادوب رجعت.
– أسمع اخش ليك فى الموضوع انا ياخ مفلس و محتاج قروشى العندك، بتاع الدكان مطاردنى ومدرسه الاولاد معذبانى، حق الرغيف فى البيت ماعندى.
– طوالى يا حبيب، قروشك جاهزه
– عمر بالله ما تلعب بى اعصابى، عاوزها كلها وكاش…

شيكات ما بتنفع معاى.
– يازول قروشك جاهزه فى كيس اصفر تعال شيلها طوالى.
– انت وين ….حسى دى جاييك !
– انا راقد فى رويل كير…من ما جيت من الصين عندى بعيد عنك كحه وشويه حمى، جيت قبيل افحص رقدونى …حبابك.
– ياخ الف سلامه ليك وبالنسبه للقروش انا مسامحك لله والرسول.
– ياخ انا مستنيك…تعال شيل القروش، ولو مشغول بغشيها ليك فى البيت واهو اسلم على اولادك بعد ما اطلع.
– يازول عفيتك…وعلى بالطلاق لاتجينى لا اجيك انشاء الله الاولاد لا اكلو لا اتعلموا…مافى حاجه اهم من راحتك وبالمناسبه انا رحلت وحاغير الرقم ده بكره….

يلا بضرب ليك من رقمى الجديد…توت توت توت.

?