رمضانيات / هشام صديق

رمضانيات
الزوج وولدو قاعدين في الصالون بتفرجو في التلفزيون جات الام مارقة من المطبخ وقعدت معاهم وبروووقة قالت ليهم : رمضان كريم يا حلوين. شوفو : انتو قاعدين محبوسين . يعني مافي جاي من الشغل وتعبان وما قادر. شغل البيت كلو مشاركة.لو عملت الفطور تغسلو العدة. تغسلوها الاتنين تعملو قرعة ما شغلتي. الشاي والقهوة لا محتاجه وزنة ملح لابكتلو ليها بصلة اي واحد فيكم بعرف يعملا. واشربو بالكبابي الكسرتوها في كبستكم دي. قصدي حبستكم. وحذاري تعملو فيها مهمين وتطلعو اطقم الضيوف. تاني حاجه اكلة ما بتقدر تعملا ما تتشهاها .وركزو مع الطعمية عشان حترموها براكم.
يلا جينا للمهم .التلفزيون قبيل قلنا شنو؟ نتشارك. . انا عندي مسلسلات من ١٠ لغاية ٢ صباحا .ومرات في اعادة . وقت المسلسل ده ما تطلب مني حاجه لاني ما حارد عليك . وكان صاقرتوني ما تنضمو جنكم اسئلة تقول نكير خالكم. وكان دايرين مشاكل بين الاعلانات غيرو قناة .عشان اغير لونكم.التلفزيون قدامكم من ٣ لغاية ٨ صباحا اشبعو بالاخبار وبرامجكم البايخة دي..٠عشان ما تقولو حارماكم حاجه. اول ما مشت . الابو قال لولدو براااحة :بركة الما عندك اخو برضع.