حبوبة قالت شنو( حكم وأمثال سودانية)
- حبوبه قالت
ما ضروري تعرف اي حاجة في الدنيا لأنو مرات الضي الزايد بيعمي”*وقالت كمان
إنو رب الخير كان عدَلاَ ..زول بعوجا مافي
وانو حيلك كان كمل فرحمة ربك ما بتكمل ..
*والدمعة غالبها بالصنقيع ، بس دنقر واجبرها تنزل لما تشحد فرج الكريموالدنيا لو كترت عليك صارعها بالرضى واعرف انو الشي المقسوم ليك ما بختاك*
و الصبر طيب بس حلاتو فى نارو والداير طعم العسل ما يخاف النحل*
حبوبة قالت : القروش رايحة والسماحة مع العمر بتروح إختار القلب والروح وأمسك بالعشرة وخليك لين في العشرة
وقالت
كمان البيوت بتتجير والقلوب بتتغير…
ومافي داعي للفك عشان الله في .وقالت
*السر لو شالوا أكتر من نفرين مابيبقي سر*وقالت حق الناس إن بقى شجرة ماتشيل منو صفقة ..
- *وقالت*
*البعزك جد بخاف من نفسه عليك وبشيلك في عيونه
وقالتيا ولدي الريدة الحقيقية في السند في الزول البشيل همك ويقسم معاك وجعك.. والريدة بتظهر ليك في الفعل وكتر الكلام لا بودي ولا بجيبتعظيم سلام لحبوبات الزمن الجميل*
المزيد من المشاركات
