عوض شبو في حوار ناري لصحيفه عشق البلد :قناه الهلال فيلم سينمائي-الزعيم الطيب عبدالله موسوعه

عوض شبو في حوار نارى لصحيفه عشق البلد

قناه الهلال  فيلم سينمائى الزعيم الطيب عبدالله موسوعه

صحيفة عشق البلد

عبد الرؤوف سيكون له شأن كبير في المستقبل..اصبح الاستغناء عن كباتن الهلال ظاهره سئيه في الاونه الاخيره تنظيم الهلال وبس عليهم بالاجتهاد ومهيرات الهلال سيكون لهم مكان شاغر في ادارة الهلال 

حاوره: اواب ابوضلع

أمجد الامين الجاك

قناه الهلال عباره عن فلم سينمائي وسنقوم بلم الشمل لإزالة الاحتقان في الوسط الهلالي

-اداراة الكره في السودان م عاجباني

-الحديث عن الزعيم الطيب عبدالله لن ينتهي وهو موسوعه هلاليه لا يمكن ان نتخطاها بسهوله

فنان عوض المفضل ؟
والله افتكر انو انا بحب الاغنيه الحلوه الجميله البكون ليها ايقاع جميل لكن بسمع لي وردي ابراهيم عوض محمد الامين وغيرهم

هل يوجد لاعب سوداني يستحق الاحتراف حاليا ؟؟
عبدالرؤوف لاعب الهلال سيكون له شأن كبير جدا

في الآوه الأخيره أصبح شطب الكباتن ظاهرة في الهلال ما رأيك في هذا الأمر ؟
انا بفتكر دا شغل كلو كان في السنين الاخيره وانا بفتكر دي حاجات مفروض تكون واضحه واجبات وحقوق اللاعبين وكيفيه الاداره وكل حاجه لازم تكون واضحه

اذا اتيحت لك فرصة ان تقيم في دوله ما اي دوله تختار ؟؟
انا شايف الإمارات من ناحيه العمل افضل وهي بلد متكالمه في كل شي

الصرف على الأندية كبير جدا هل لديك القدرة الماليه الكافيه لإدارة الهلال ؟
المساله ما مساله مال بس المال ما بقود الهلال دا المال انتو شفتوهو وجاء الهلال لكن المال هو م البقود الهلال نحن عندنا الفكره ومساله المال ان شاء الله ح نعمل علي توفيرها مهم جدا انو الناس اتكاتفو ابناء الهلال عشان نقود الهلال بعمل جماعي باذن الله بننجح بالعبور بنادي الهلال الي الاجواء العالميه ان شاء الله واملنا كبير وان شاء الله سنستعين بكل الاخوه القدامنا في نادي الهلال والخبرات المتراكمه ونسال الله ان يوفقنا

وصية توجهها لتنظيم الهلال وبس ؟
عليهم بالاجتهاد و ما يكلوا و لا يفتروا و يطرقوا كل الأبواب و يبتدوا بالرؤوساء السابقين و هكذا

عانت مهيرات الهلال من الاهمال كثيرا في عده مجالس هل لديكم مجال يسع مهيرات الهلال في تنظيمكم ؟؟

المرأه في كل مناحي الحياه وجودها لابد منه وضروري جدا لذلك سنعد ميهرات الهلال بانهم سيكون لهم مكان شاغر في الهلال و سوف يجدوا كل الاهتمام و الرعاية المناسبه

ما رأيك في قناة الهلال ؟
بالنسبه لقناه الهلال دا فلم سنمائي قائم بذاته ونحن زاتنا داير نشوف الورق بتاع القناه وتسجيله والاسم وتاسيسه دا ح يكون برنامج طويل وعريض وح نكون لجنه حتي تشوف القناه والبيها والعليها وان شاء الله م ح نخليهو ولابد من البحث في ملف هذه القناه جتي يعلم الجهمور الهلال الحقائق حول هذه القناه

حدثنا باختصار عن رؤيتكم في التدريب في الهلال ؟؟ وايهما تفضلون المدرب الاجنبي ام المحلي ولماذا ؟؟

انا بفتكر المدرب الاجنبي اذا كان مدرب يستحق وعندو شهادات و حاليا بجونا مدربين مغمورين لكن زمان بجونا مدربين ما شاء الله عليهم التدريب الاجنبي ليهو اثر اذا كان يحمل شهادات عاليه وسيره ذاتيه فخمه وقاد بطولات و قاد انديه لبطولات ولا بد من ان يكون المدرب المحلي معاو وافتكر في مدربين ممتازيين وعندنا برنامج عشان نطور من كفاءات المدرب السوداني ان شاء الله ح نستعين بكل الشباب وح نحاول نأهلهم وعندنا مدربين في الخارج ممتازيين جدا ح نستعين بيهم وبي خبراتهم وبتمني كلهم يلبو النداء وصراحه نحن ما عايزين ندير النادي دا برانا وعايزين نشرك كل الناس في ادارة الهلال ودايرين مجتمع الهلال كلو يشارك في ادارة الهلال وما نحن الا تنفييذين وخدام في الهلال

برأيك افضل مدرب اجنبي مر علي الهلال ؟؟
مر علي الهلال الكثير من المدربين المتميزيين و كلهم متقاربين ولكن أفضل مدربين مدربين العصر الذهبي تركو لنا بصمه جميله جدا

ماذا أنتم فاعلون حيالة الاحتقان والانقسام والشتات في الوسط الهلالي ؟
ملف لم الشمل وازالة هذا الاحتقان هذا اهم ملف عندنا نحن حتي نعيد للهلال سيرته الاولى وسوف نعمل علي لم الشمل لكل الاهله ودا همنا الكبير انو نحن نجمع كل الهلالاب في كفه واحده ومافي انقسامات ولا شتات وح نشرك الجميع في حكم الهلال

هل لديكم برنامج انتخابي معين تدريدون تنفيذه لأن البعض يقولون البرامج الإنتخابيه عبارة عن شعارات فقط ؟
نحن باذن الله تعالي ح ننفذ اي كلام بنقولو ان شاء الله ونحن عايزين نخلي الهلال من الادارة الأحاديه والفرديه و دا م ح يتم الا بوقفه الهلالاب حول الهلال

المعارضه الهلاليه متهمه بانها تهدم اكثر من ما تبني وانت جزء من المعارضه ما رايك ؟؟

هذا الحديث بالنسبه لينا نحن عار من الصحه وبالنسبه لينا المعارضه الهلاليه معارضه بناءا وهي تراقب العمل الاداري وعمرنا ما حاولنا نهدم او نعيق العمل الاداري انما كانت مطالبنا واضحه زي الشمس برحيل هذا المجلس و نحن كنا واضحين في مطالبنا دي وابدا ما كنا هدامين للعمل ونحن بهمنا انتصارات الفريق والانجازات الفريق ونحن كنا حريصين كل الحرص م نتدخل في هذا العمل بطريقه معوجه ولا نسعي لإعاقه فريق الكره او مجلس الادارة

حدثما عن اتحاد كرة القدم ؟
ملف كره القدم ملف شائك صراحه يعني انا ما عاجبني اسلوب ادارة الكره انا بفتكر في مشكله في ادارة الكره مفروض يكون في استحداث للطريقه بتاعت اداره الكره وافتكر مفروض لقدام تتغيير القوانين في الاتحادات ويكون في توصيف وظيفي وشروط وان شاء الله القانون الجديد دا يخت بصماتو ويحدد كل فتره وبتمني حقو الناس تستفيد من شداد وعلاقتو وكدا وهنالك حلقه مفقوده

حدثنا عن الطيب عبدالله ؟؟

الحديث عن زعيم امه الهلال الطيب عبدالله لن ينتهي ولكنه كان رجل ما شاء الله عليهو عاصرناهو كتير وما شاء الله كان رجل اداري فز وكان رجل يحب الهلال جدا وتعاملاته كلها حكم وكان رجل موسوعه اداريه كبيره وديل من جيل القادو الهلال بحنكه وجداره وضحي كثيرا بماله و وقتو وجهدو من اجل الهلال نسال الله له الرحمه والمغفره كان رجل صراحه اسطوره اداريه وللان انا بفتخر وبمشي سنويا للتأبين بتاعو وبحضرو وشهادتنا مجروح في هذا الرجل الذي عمل بكل اخلاص وتفاني لخدمه هذا النادي العظيم