عِـشْقٌ سَرْمَـدِيٌّ – هُـوَيْـدَا الـمـاحى- هلال الروح داخراك عيد راجياك تهل.! -سانت جورج صعب والنار بتجلى الدرر والماس -الهِزَبْر الفاضل التوم أبر وعده الاضاءة تقدل صوب الجوهرة 

عِـشْقٌ سَرْمَـدِيٌّ – هُـوَيْـدَا الـمـاحى

هلال الروح داخراك عيد راجياك تهل.!
سانت جورج صعب والنار بتجلى الدرر والماس

الهِزَبْر الفاضل التوم أبر وعده الاضاءة تقدل صوب الجوهرة 

@ الله الوطن الهلال1898..!!

الله النصر الهلال..الله الوعد الهلال ..الله العشق الهلال ..الله العشم الهلال ..

الله الامل الهلال ..الله الفرح الهلال ..!

@سلاطين العشاق ..متفائلين وبى أذن الله منتصرين..ليتنى كنت يا حبيبى احيا فى روضه من ورودك ..جسدى فى “ملبورن _استراليا”- “جته” هامده ..والروح هنااااك فى الجوهرة المفخره الما مسخره ..-شاحدة الله الهلال وتداً ماينقلع..وجبلا ماينطلع..

الله يحميك ويغطيك..بجناح جبريل اللا بنكسر لا بلين..وما يشمت فينا الدلاقين !
@اللهم يا مسخر الجبال الراسية ..سخر لنا الفوز العظيم..اللهم يا مسخر النار لنبينا ابراهيم سخر لنا الفوز العضيم ..اللهم يا

ملين الحديد طوع “سانت جورج” ..يا مفكك الشديد ضعضعهم وزغلل اعينهم واحجب عنهم شباك الزعيم الهلال. .اللهم يا مفكك الشديد فك شفرتهم وسخر اجناد كتيبة سمو الهلال للرجم والردم والدفن فى المقبره.!
@الكهرباء (الكهربه العقربه) لا مأمن من لدغتها ..المولد الكهربائى لازم يكون فى التايم ..ولا عزاء لامة سمو الهلال فى المنازل والمقاهى باختصار “البره” الجوهرة لن تعتقهم قطوعات الكهربه تبا يوووووخ .
@ “الغضنفر”- “الفاضل التوم”..اوفى ما وعد ..والاضاءة تم تخليصها وهى تتهادى الآن فى طريقها من بورتسودان لى امدرمان ..ستحط رحلها يوم باكر الاثنين .
@والله العظيم وكتابه الكريم ليهو حق حازم يبكى ..دى جنازة بحر عديل..والله يا “سلارا”سقطتى من نظرى ايتها العاهرة ..وكت انحرفتى وانجرفتى ومرقتى للربا والتلاف.. كان تحرسو ليكى شوقار دادى بى فهم يهز ويرز..لكن خساره طلعتى رخيسه ووضيعه
ومن جماعة قوس قزح ..والله عبتى وخبتى..معقوله عملتى “حليمه” مع “النجيمه”..وا رخستك..وا هملتك.!
@ما اقسى ان يتبرأ الوالدان من الاجنة المشوه ..الكاف قال ليتنى لم افكر فى اتاحة الفرصه للوصيف وسلارا الجنين “المجهض”..! مصنفا عك وبيع بحر دار بالاسوأ فى تاريخ الكاف..
@فى بريد العشق وانا بريد الوطن الهلال
& عاشق سمو الهلال “مبارك حسين جعلى”:(ارجو ان يشدو الجميع مع دخول اللاعبين والاولتراس ..اغنية وقف مشاهدك يازمن راجع دفاترك يامحال في السكه موج 🌊 أزرق هدر تاريخ ندر اسموا الهلال يجب أن نكون كجماهير “الليفر”)
&من عاشق سمو الهلال “الهندي الصديق الامين بامسيكا”:(الغربال قائد التيم واحد افضل المهاجمين السودانيين صحيح في تدهور طرأ علي مستواه بس ده ما بعني اننا نهاجمو..الغربال لاعب تم استهلاكه ما بين المنتخب والهلال وهو في مرحلة يحتاج فيها الي الدعم المعنوي ولو ما دعمناهو نحن مين البدعمو..ما تدعمو موهبة الراجل بالنشر الضار والتعليقات السالبة
نحن في زمن سرعة توصيل المعلومة الافضل لينا وللغربال انو يوصلو دعمنا له لا للمساهمة في اعدام موهبته..وباذن الله غدا الغربال سيكون كلمة السر في تأهل الهلال باذنه تعالي.)
&من عاشق سمو الهلال “عبدالحليم. جنيداب”:(الاستاذه هويدا الماحي نهارك.سعيد عندي سوال لماذا يقود كتله الممتاز الجاكومي وللهلال مجلس منتخب عكس المريخ الذي به لجنه تسير بقياده حازم والجاكومي وسودكال هو اخر رئس منتخب بعد محمد الياس حسب علمي بعد مل هذا لماذا لايقود الكتله الهلال وباي حق يمثل الجاكومي الكتله.ودمتي بخير)

@الدلاقين الحاقدين (المندسين)..ارعوا بى قيدكم ..الجدع من فوق.. كاتلك قاتلك مايتعرف “يامريخابي” خاشنها بالقوه وبالرجاله..هلالاب اسياد بلد ما بنرضى الحقاره والدايرنها بلقانا ..!
@ احتفالات هستيرية عمت احياء وشوارع العاصمة الليبية طرابلس
عقب الفضيحه الدلقونيه السولاريه..ياخ الفرحه لم يسلم منها حتى مراقب مباراة سيد البلد اليوم الراجل يشيل ويحلف :(مباراة الزعيم الهلال) بلا جمهور ..فتصدى له الجنرال حسن محمد صالح ليخرسه نائب رئيس لجنة المسابقات بالكاف ..بى جمهور يعنى بى جمهور ..المراقب :ما كلمونى ولا حدثونى ..زول الكاف هاك جاك الايميل الكوره بى جمهور والجوهرة سوف تغلى كالمرجل اكرب قاشك شعب سمو الهلال صعب شديد ..!
&كتب عاشق سمو الهلال “بابكر سرالختم “:(عندى وصية للأسياد وكل القوة أزرق وأبيض ألبس وبدرى جوة..نظم نفسك التشجيع فنون مامروة..شمر أنسى الجيرة أنسى الخوة..أملأ المقبرة أزأر دوبى هز..بكى عشوشة خل تسفاى يفز..ياخدوا الخمسة شوتهم لز..كل أفريقيا تعلم نحنا عز..تأريخ مأصل جبنا فن ودعك..دفنا الأهلى قبلو أسيك..تسفاى هوى أخيرلك لا تعك..كل الجانا أدبناهو قطم تك..خضنا ملاحم التاريخ يمد..وقودا رجال غيرة بساله جد..إنت ياجربان معاهم مابنعد ..أقطر عشوشتك ويلا قد )
@ سمو الهلال هيبة وعظمة وجلال من الكاف للفيفا..كعبنا عالى ..البارح الكاف قدم رقاع الدعوه لى اولاد دولة سمو الهلال “هيثم مصطفي ومهند الطاهر” لحضور قرعة كأس الأمم الإفريقية للمحليين بالجزائر.!
@هلال الساحل اسعد الهلالاب كافة باذن الله اليوم نرفع راية تأهل هلالنا سيد البلد .
@اللهم يا يامسخر البحر لي موسى..ومسخر الريح لسليمان..والحديد ل داؤود..طوع المستدير للوطن الهلال .!

@نبض العشق السرمدى ..نقرات عشق نمة ريد هلاليه

يا غرام الروح :(سنزلزل الدنيا معا ..سنفوز فوزا ساحقا)- “ويبقى العشق ما بقى الهلال.حفظ الله سمو الهلال

زرقاء العشق