Take a fresh look at your lifestyle.

عِـشْقٌ سَرْمَـدِيٌّ – هُـوَيْـدَا الـمـاحى- هلالك امـدر..قاتلى.!-“سوط “للسوباط  وكرباج للعليقى..وحريقه فى المافيا -غرقنا الحبش فصرعنا اللبش 

عِـشْقٌ سَرْمَـدِيٌّ – هُـوَيْـدَا الـمـاحى

 هلالك امـدر..قاتلى.!

“سوط “للسوباط  وكرباج للعليقى..وحريقه فى المافيا

غرقنا الحبش فصرعنا اللبش 

@ الله الوطن الهلال1898..!!..الله النصر الهلال..الله الوعد الهلال ..الله العشق الهلال ..الله العشم الهلال ..الله الامل الهلال ..الله الفرح الهلال ..!

نحنا اهلة مكتوب لينا  نتعلى .. وفوق ارض الله النور بنتجلى 

هلالنا مناره ساميه سامقه جذورها..وجهابذة  الشعر  عبقريه بحورها

ان قلت الكفر اسياد بلد والكوره.. وبت سيده النجيمه  تلقاها فى “العيكوره”

جبابره اهلة..عظيم تاريخنا تالد فخر فى  المعموره..وفى القرآن تنزل اسمى ايه وسوره ..!

@يا الفكيتوا الشماريخ الله ما كسبكم خير ولا قذ فوقكم بركه ..لو اصابت حارس الخصم لاصابتنا فى مقتل ..!!

سلاطين العشاق أسمعونى يا الاحباب..قال الله تعالى (إِنَّ الْإِنْسَانَ خُلِقَ هَلُوعًا -إِذَا مَسَّهُ الشَّرُّ جَزُوعًا -وَإِذَا مَسَّهُ الْخَيْرُ مَنُوعًا-)..انا البارحه شفتهن كلهن مجتمعات (هَلُوعًا-جَزُوعًا-مَنُوعًا)وهزتنى اللخيره (-مَنُوعًا)وناكر للجميل وجاحد بالمعروف رأيتهم البارحه ..كفروا و تنكروا ..لصنائعه حكومة دولة سمو الهلال ..ما لذنب جنته سوى الامتناع عن التلفزه..والله العظيم انا معاكم بموووت فى الثانيه مليارات المرات كمدا على عدم التلفزه ولكن أدبنى ربى({ ولا تَبْخَسُوا النَّاسَ أَشْيَاءهُمْ } )..خلونا نقول جنت الاداره بقرارها الجائر على امة سمو الهلال جمعاء والجوهرة لا تسع ربع 1 %..من سلاطين العشاق وكانت البارحه شاهدة سلاطين العشاق المتحولقين حول اسوار الجوهرة المفخره غطوا سواد الليلل ..مناهضة القرار حق اصيل للسلاطين ولكن أدب سمو الهلال “منهاجنا وديدننا “..وعلى حكومة الهلال التبرير وحتما الاسباب والمبررات كثر ولربما كان وراء الاكمه خيرا لا نعلمه.

@”سوط ” للسوباط ووكرباج للعليقى..وحريقه فى المافيا

وكت حرمتوا التلفزه ..لما لم تتصدوا للسرقات والبث المباشر فى المواقع ..لا وكمان بثهم مصحوب بالاعلانات ..؟ يعنوا انتوا بى كدا بتحموا مقدرات وثروات دولة سمو الهلال ..؟ ياخ وكت فاكنها سداح ومداح للارزقيه المنتفعين ..التلفزه حق اصيل للعشاق “المتيمين”المحرومين فى اصقاع الكون ..بعدين سؤال( لا برئ ولا الله قال ):انتوا “عراف الجماهير” المصرى دا ماسك عليكم زله..؟ ….؟؟؟؟؟؟؟؟؟؟؟؟؟؟؟؟؟؟ فاكين ليهو الحبل على القارب وفاكين لامة سمو  الهلال العقارب ..!

مصرى مستقل شعار دولة سمو الهلال والدولارات عليه تنهال.. وانتوا عامل طناش ياخ جحا اولى بلحم توره ..!!

موقعكم الرسمى “الهلكان دا” كان يتكفل بالبث المباشر ..هو ذاته سلاطين العشاق لليلى ماهم قادرين يميزوا بين موقع دولة سمو الهلال الرسمى والمواقع الاخرى التى تحمل نفس الاسم ..(ضاع سيد الاسم)..انتوا قدرتوا تستردوا الشعار قالبكم تحسموا الفوضى ..؟ وتحظروا الصفحات دى ..؟ يعنى غلبتكم الصفحه الموثقه المؤسسها فى الامارات ومستقل شعار دولة سمو الهلال ..؟

وعشان ما تعملوا فيها رايحين وما عارفين التصوير صوره وصوت تم من فوق من اعلى الجوهرة ..طبعا فى واحد “وضيع وخسيس “

اسمه “هـيـثم” دا انا بفضى ليهو بى مزاااااااج ..وبنشر غسيله وكله بى دليله ..؟

الندل دا “اوشى “اللعراف” مسكين “قايلنى بخاف”.. بان “هويدا الماحى” حربا عليه فقام المسكين بحجب البث المباشر عن “هويدا الماحى” ..للاسف خانه ذكائه..اول ما جانى الاخطار انتى ممنوعه من مشاهدة البث المباشر دا وكنت اتحسب للنداله من اهلها ..طلبت من (عرفات محمد) بالمانيا يجيب لى الزيت وجابه حاااااار ..وكشحته للعليقى .! الباعه المتجولين ولا العصابات وكمان الاجانب المتربحين المتكسبين من ريع سمو الهلال بالدولار يا مجلس السوباط ……..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

تنفسوا الصباح حُبًا ورضا فلا شيء أروع من قلوب باتت راضية وأصبحَت مُبتسمة اللهُمَّ خاطرًا طيبًا ونفسًا هنيّة وصدرًا راضيًا.💙

ا-السوباط: نتمنى ان يكون ما حدث من تلاحم الجماهيري، مقدمة لصحوة هلالية تدفعنا الى الامام

ملوك و”علوق” ناس الهلال يواجه “يانج أفريكانز” التنزاني بدار السلام يوم 8 اكتوبر ومباراة الإياب في الأسبوع التالي..وناس “حزومى بكى فى بيت البكى “قابلوا الشويفعه سلارا

@فوق بريد العشق وانا بريد الوطن الهلال..

-راسلنى “عاشق سمو الهلال ” عزالدين حسن الخاتمه” صاحب عمود (نبض الاوفياء):(اسعد الله اوقاتكم..دشليون مبروك اختنا والعزيمة..و الحمدلله علي نعمة الفرحة والانتصار والصمود والصعود والترقي والقادم باذن الله احلى..بس مجرد سؤال الجوهرة بتشيل ٦٠ الف والا ما اعتقد التذاكر المطروحه ٥٠ الف وإذا اعتبرناها كلها في الف اصبح القيمة ٥٠ مليار وليس ٣٢ إذن هناك خلل لأن الجوهرة ما فيها شبر فاضي و هناك مشاهدة بعض السلبيات والممارسات الغير مقبولة فلا بد من الاعتماد علي شركة أمنية لحراسة الابواب لمنع الظواهر السالبة من ضعيفي النفوس و حفظ حقوق الهلال ولكي تحياتي..افتكر الرسالة واضحة وما عايز اديك التفاصيل أكثر من كدا

دخل مباراة الهلال وسانت جورج بامدرمان بلغ 33 مليار و780مليون جنيه سوداني)..

2\من عاشق سمو الهلال “عبدالغفار عطاية الله”:(استاذه هويدا بعد التجلا والتغدير والاحترام اتمني من قلبي ان تصل هذه الرساله عبرك لمجلس الهلال حتي يتراجع عن قرار عدم التلفزه اولا نحنه ناس ولايات وصعب معانا الحضور في الجوهره ( المقبره) ولو كان الامر بيدي لمشيت سيرآ علي الاقدام من الولايه الشماليه للخرطوم واستاد الهلال من المسانده ولاكن الامر صعب جدآ ياريت تكون في تلفزه لنعلن التحدي وننتصر بازن الواحد الاحد امام اعين الجميع( والحاقدين بصفه خاصه )

ثانيآ شكرا علي العامود الجميل وتطرقك ولفت نظر المجيع من حضرتك كي يضع جمهور وانصار وادارة الهلال الف حساب ومراقبت جماهير الدلاقين داخل الاستاد من اجل الشغب فقط عمودك جميل جدآ ولو كتبت من الان لغدآ لن ولم اوفيكي حقك ولكي خالص الشكر)

3\من عاشق سمو الهلال “يوسف الجيادى”:(سلام من الجزيرة الخضراء قرية الدوحة..عباراتك تشدنى وتستفزنى ما بين اعى الاشياء وتمرد الحروف اننى ادخل فى مأزق كلماتك وكأنها تحسسنى بطورتى فى هدؤها واتزانها ووقارها انسابت فى دواخلى مدرارا غيثا طيبا تدفقت حتى احسست بالارتياح النصر والفوز احسستها تغسل دواخلى وتنتشلنى من المأزق إنها العطاء فى ابهى صوره صورة زاهية لوحة قدسية علو وشموخ وسخاء بلا حدود وقيود إنه شعور بعظمة الخالق التى اوجد فيك هذه الموهبة وسحر الكلمات التى خلبتى بها عقولنا لنعيد تشجيع تشجيع غير عادى وي بخت حظ الهلال ((ببت الماحى))لك ودى واحترامى..الرجاء السماح لبعض الهفوات ان وجدت حب الهلال وحب من يحب الهلال جعلنا لانشعر بالخطأ✋🏿

4\ من عاشق سمو الهلال “محمد على حضيرى)الادارة سيدة القرار تحمي حقوق الهلال دفعت دم قلبها نتقبل اي قرار تصدره يجب ان نحترمها وجهازها الفني اهداف بنراها علينا التحلي بالصبر

@ فال الخير على يا الريال ..مدريد يرقص على أوجاع أتلتيكو  ..؟ منتشيه فرحانه بفوز سيد قلبى وروحى وهلال ..سقيتنى فنجان العسل ..هل تصدق احتاج الريال إلى 21 تمريرة من أجل أن تسكن كرة فالفيردي شباك أتلتيكو مدريد.

@جماهير العشاق المتعطشه كانت فى الموعد كالعهد بها وكان الفارس الزعيم الهلال وكانت ساعة النصر هدية الفتى الغربال وهدف “مكابى ليليبو” واكتمال الهلال ..نعم الفرحه تأخرت كثيره والامل لم يتسرب من افئدتنا لحظة ..الفريق فى طور التجانس والهنات بتتعالج وسيرتفع نسق الاداء مباراة تلو الاخرى ..كان الاداء بطولى فصرخ سانت جورج لعبنا معركة حربية شرسه وقودها شعب الزعيم الهلال وبسالة اخوان الغربال وبراعة فلوران ..المبارات ابانت العديد من السلبيات التى ستتم معالجتها وعلى رأسها اهدار الفرص والاهداف والتمريرات الطويله وغيرها .

@هاكم الفشخره والبوباره ..بى عز الهلال ..نوهائى ما فوت فرصة دخول بوابات تاريخ معشوقى السرمدى ..وقلت كدى كوركت .وآ سلاطين العشاق وقالوا كدى اتدافعوا وعرضوا ..قت ليهن النجده تزكرة “باركود” لزوم الفشخره وجاتنى التزكره من عاشق هلالى نبيل ..كطع لى ديييك يا التزكره هيبة وجلال ..وصورها ..رقمها ORDER(00034-002-0048)”من دار الرياضه امدرمان اموووت فى امدر واندفن فى الهلال .. وقال لى شنو  قال :لو عندك زول يدخل بيها ..قتلو حرمت على الملأ اجمعين تزكرتى ومفخرتى وانا ستها انت دسها وعزها لامن نتلاقى ولا تشحنها لى لاعن استراليا واوعك تكرفسها ولا تعفصها ..قال لى ابشرى فى الحفظ والصون ..وحاتكم يا الغاليين تانى الا اكان يشتهى النوم اااابخلى ..كل شويه بطمن على تزكرتى ..تزكرتى الباركود الما خمج تزكرة هويدا الماحى مسمار جحا بس دام عزك يا هلال .

@نبض العشق السرمدى ..نقرات عشق نمة ريد هلاليه

يا غرام الروح :(رأيت الهلال ..سمو الهلال ..ووجه الحبيب فصارا هلالين عند النظر . فلم ادرى ايهما قاتلى هلال السماء ام هلال البشر)- “ويبقى العشق ما بقى الهلال.حفظ الله سمو الهلال

زرقاء العشق

هُـوَيْـدَا اَلْـمَـاحِى

 

شاركها على
أكتب تعليقك هنا

لن يتم نشر عنوان بريدك الإلكتروني.