عاشق سمو الهلال ابوطه قطع أخدر -هزمنا الحبش والمريخاب لزموا الجابرة

عاشق سمو الهلال ابوطه قطع أخدر

هزمنا الحبش وناس والمريخاب لزموا الجابرة

 

صحيفة عشق البلد

هلالاب أنحنا ؛ ووقت

الحارة نحن جبابرة

نحن طوعنا المحال
فرحنا القلوب الصابرة

لعبنا بإصرار ؛ ورجعنا
ذكرى السنين الغابرة

هزمنا الحبش ؛ وناس
النجمة لزموا الجابرة

ابو طه
قطع اخدر
18/ 9/ 2022

=======

عفوا ياحبش ؛ ليلوبو
عاجبنا فيهو رقيصو

جاب التأهل عنوة
الحبشة قعدو يحيصو

حقق لهلالنا مناهو
خلى الجماعة ينيصو

الاثيوبى راقى منظم
ووصيفنا لاقى رخيصو

عفوا ياحبش سوداننا
أقعوا ليمون بارا

روعة هدف ليلوبو
بطعم فواكه انزارا

قالوا الوصيف ؛ يوم
قابل فريق سولارا

ماعرفوا القصة كورة
أم قطة سكت فارا

عفوا يا حمر اثيوبيا
والجوة داخل الداره

نحن التأهل هيلنا
صاعدين بكل جداره

فى كل نواحي الدنيا
معروف هلالنا صداره

نحن بنضرب اللون
ساطور جذرلو عداره

عفوا يا إدارة النادى
منى ليك نصيحة

كان التأهل ممكن
وننقل بطريقة مريحة

هلالنا تربية ووطنية
وإدارته ديمة مليحة

الجبن طبع للنجمة
وفسادها عامل ريحة

========

ابو طه
قطع اخدر
19/ 9/ 2022
مجاراة للرائع ود المجذوب

الزول الهلالى حضوره
دائما طيب

يواجه المعارك دغرى
حربى مامتهيب

تشجيعو من الملعب
مابكون متغيب

عاشق للهلال طوالى
لامن يشيب

ابو طه
قطع اخدر
17/ 9/ 2022