عِـشْقٌ سَرْمَـدِيٌّ– هُـوَيْـدَا الـمـاحى- سنزود عن حياض الجوهرة بلا هوادة-يثور حازم يحيض مريخكم جناية مزمل إلاحْنَة..الجرثومى الجاكومى الفتنه
عِـشْقٌ سَرْمَـدِيٌّ– هُـوَيْـدَا الـمـاحى
سنزود عن حياض الجوهرة بلا هوادة
يثور حازم يحيض مريخكم جناية مزمل إلاحْنَة..الجرثومى الجاكومى الفتنه
استراليا ملبورن/ عشق البلد
@جنرالات حكومة دولة سمو الهلال كانوا حضورا زينوا مران الاقمار .
@حكومة دولة سمو الهلال : الروابح –الخواسر ..الامين العام للهلال ومجلسه حققا “فوزا” هزيلا ..يحسبونه انتصارا.. بل هو خسارة عظمى ..تصدى” الدكتور حسن على عيسى”..للطعن فى قرار تخفيض رسوم العضويه بكل ما اوتى من حيله فتحقق له ما اراد ..يحسبونه انتصارا ونراه خذلانا مبينا ..وين نادى الاسره يا دكتور حسن على عيسى ..؟..انت ووين رسايلك ووين كتاباتك اليا ..تررم ..تررم ترررم ..كى يغالى مجلسك فى رسوم العضويه ..؟ كنتوا تتفرغوا لتأسيس النادى بمواصفات اندية الفرق العظمى ورسوم العضويه ..يتم تفصيلها على مستويات تفتكر يا دكتور وانت الامين العام لدولة سمو الهلال على مدار حقبة من السنوات مع العديد من مجالس الادارات المتعاقبه انك احرزت نصرا ..؟ لا وربى ..ماذنب عشاق سمو الهلال فى الاصقاع والولايات الذين لا يرتادون النادى..الذى لم يزل فى رحم الغيب “الما موجود”..عشان يدفعوا ليكم مبالغ خرافيه ..لاكتساب العضويه ما هكذا تورد الابل ..قلنا ليكم اسسوا النادى الاب بمعايير والحقوا به اندية اسرية شتى على مستوى العاصمه المثلثه ومن ثم اصقاع البلاد وبعدها فالتغالوا لمرتادى “النادى” حتما البطاقات الاسريه رسومها غير .
@ سلاطين العشاق.. ما بتتوصوا ..الطلعه دى هيلتنا ..والكلمه كلمتنا والقرار قرارنا ..سنخوضها حربا ضروس بلا هوادة..لردع الدلاقين الملاعين المتلاسنين وهجمتهم الشرسه النتنه على على دولة سمو الهلال ارادوها حربا ونحن لها ..لا بنخاف ولا بنتر ..ولا بنخلى الملاعين “الفقر” يلعبوا فوق مفخرتنا الا على جثثنا..قسما هلالاب لو متنا لحاربت المقابر ..!
-خوار “الجرثومى “”الجاكومى” :انا رئيس المريخ الفعلى (ما هو باين )..بعدين يا عدو الهلال يا شقى الحال .. فالترعوى عن التبخيس من قدر الزعيم الهلال..قال شنو قال : المريخ لن يخاطب سمو الهلال بمكتوب رسمي لأن المريخ أكبر من أن يخاطب الهلال..(شاحده الله الكوكه يا عدو الله..عدو الزعيم الهلال لن نترك لك الحبل على القار..للتَدْنِيسُ.. والعَبَثُ بِقُدْسِيَّة ارضنا الطاهرة الشريفه ..جوهرتنا مفخرتنا نفديها بالروح ..دونها المهج والارواح .
@ سرى ليلا خبرا مفاده الهجوم السافر والتعدى اللفظى من عدو دولة سمو الهلال الجاكومى ..قيل زار مكتب رامى كمال ..وركع ليهو ..(عليكم الله يا اسيادنا ..بعد الحبش طردونا بقينا فى السهله والمصريين ما عندنا وش ..عشان نشحدهم تانى ..بعد فضيحتنا ووصمة العار التأريخيه ..ومدربنا الغريرى فشل فشل ذريع مع دولته تونس فى سبيل الحصول على الموافقه باستضافتنا ..”ترانا” راجعين وقفانا “يقمر عيش”-“شحدونا “ملعبكم يا اسيادنا ..خاصة والريس هشام السوباط مرق “خصوصى” فوق القناة وادانا الضوء الاخضر نظام ختاكم امام الامر الواقع ..قام رامى كمال قال ليهو :(ابينا)..طوالى أَسْفَرَ عن وقاحته من رحِم القبح..فارعد وازبد وهدد وتوعد بالمطالبه بغرامة سابقه وما درى ان الغرامه قد تمت تسويتها فى عهد الوالى ..بعدين خلونا نقول انه الغرامه واجبة النفاد تمرين واحد للاقمار بالتزاكر سلاطين العشاق بسددوها .
@هيثم السوباط انت ماك شبه الهلال..!
والله اخوك كان على حق عندما تمترس للحيلوله دون تنصيبك فى الاليه الاعلاميه لكن نقول شنو ..للطاهر يونس الذى توسم فيك خيرا ..اول حاجه وانت رئيس الاليه الاعلاميه وبتضرب فى الموقع الرسمى بنشر الاخبار الحصريه على حسابك الشخصى لتحقيق مكاسب شخصيه رخيصة جدا ..عامل زى العقرب بتاكل صغارها ..دا كوووله كوووووم وكونك تنزل بوست وانت رئيس الاليه الاعلاميه ردا على الاهطل “حزومى” وتمجد فوقه المريخ دى الطامه الكبرى بعينها ..ياخ استقيل قسما بالله تمشى المريخ ستتوج ملكا عليهم لانهم بشبهوك وبعجبوك كمان ..!؟
@يا الرشد الماك رشيد ..هل اتاك حديث محترف دولة سمو الهلال “جارجو “..منتشل منتخب بلاده ” غامبيا” لإسقاط “بوركينا فاسو” فاس مصدى فوق راسك يا البعيد.!
@”بدرية -صحفيه دلقونيه “اتحكرت” فى مقصورة الجوهرة لمتابعة ملحمة سمو الهلال وسانت جورج ..ولانها جبلت على الجحود شكرت امة سمو الهلال باعفن بوست :(عن مشروع عجول العليقى)..يا “العجله” انتى الجحود بالنعمه الخلود فى النّار..ومن شابه حزومى والجرثومى الجاكومى ابواه فما ظلم .!
@ حازم المريخ وغثاء الألسن
يثور حازم يحيض مريخكم “المحنه” ومزمل أسود السحنه..العملها فى المريخ النجار ما سوها فى الخشب ..بتلميعه للدخيل “حازم” قنصل شنو دا الما بعرف الدبلوماسيه ..رجل فــج ..صخوب بين الدلاقين..يتنطع ب الفظاظة والغلظة..يشتم دا ويطرد داك ..وواك ووواك وااااك ..راكع لى للاعب طيفور شهور وشهور يحنس ويونس فوق ابو اللاعب ولما ما ادوا وش طلع اللاعب اى كلام وفضح اكاذيب عرابه “مزمل ابوالقاسم ” طبعا حزومى حرقه موضوع “ايمن مبارك” وتلميعه من مزمل اللمعه قبل كدى وورط بيهو فريقه ..وشويه كدى قال بالحرف بالله بلا صحافه مريخيه بلا كلام فارغ امانة فى ذمتك يا مزمل ابوالقاسم جلاب المصايب دا رئيس نادى ولا “اندايه “..؟
الغريبه هو ومزمل الجابو ..الاتنين “مطاريد..شفتوا ليكم زول ممنوع يدخل بلده يطلق عليه لقب القنصل ..؟ منو القنصله بعد مزمل حممه وغسله قنصلوا ولا قنصلوا قبال يشطفوا ..؟ وحال افترضنا اب سروالا “بنصل” دا قنصل ..لاى البلدان حتما “الطريد” لن يمثل السودان ياربى يكون قنصل مصر فى الداهية الاسيويه ..؟ ولا قنصل مزمل ابوالقاسم ..؟
@فى بريد العشق وانا بريد الهلال
1\من عاشق سمو الهلال “عبدالغفار عطاية الله”:(واحد مثل حازم افشل شخص وليس رئيس ولن اعتبره رئيس لنادي لان مثل هكزا تصريحات لاتطلع من مشجع ناهيك عن شخص يمثل انه ريس مجلس ادارة نادي علي السوباط الرد علي مثل هذا المشجع المصري اول رساله لي حازم وقبال م يرد عليك ريس النادي عندنا سؤال ليك انت سوداني ام مصري ؟؟ انت شقال دلدول عند المصريين لايحق لك التحدث عن سيد البلد وزعيمها الاوحد)
المزيد من المشاركات
