عِـشْقٌ سَرْمَـدِيٌّ– هُـوَيْـدَا الـمـاحى-نحن  فى الشدة بأس يتجلى -ابوجميل خَاسَ “الحمير”..أحقر الأقوام الجاكومى وعصبة الأقزام 

عِـشْقٌ سَرْمَـدِيٌّ– هُـوَيْـدَا الـمـاحى

نحن  فى الشدة بأس يتجلى

ابوجميل خَاسَ “الحمير”..أحقر الأقوام الجاكومى وعصبة الأقزام 

@مسكاجلو..اتحاد مينارتي حلفا ..حللتم اهلا فووق ديار العز  والجود والكرم..سنكرم مثواكم ..ونعز معشوقنا السرمدى سمو الهلال .!

@ناس صفحة المريخ السودانى قالوا :لــوآى سلسلن قآهرآ بلآ تحنيس..درآج عآطلن خـيلآ بجنو دريس..اكيد عرفتوه سيد شباب دولة سمو الهلال “العليقى” مافى غيروا ..اليومين ديل “بكرشم” فى لاعبن “كرشوم” باقيلو..معاهن فرد شهر .. بالله عينى بارده العليقى بقى للدلاقين البعشوم الحماهن النوم ..!

@قال تعالى فى محكم تنزيله :﴿ وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا﴾..ودا بالضبط الحاصل فى المريخ ..مزقوا نسيجه الاجتماعى ..و شلعوا تشليعا ..ياخ “عصبة الشر دى”..من يوم ما دخلت على “حميدتى” الجنجويد تانى ما شموا عافيه .. وحميدتى  اته “انحاش “غربا وقواته ورا ..ياخ السودان كله كان يعج بالدعم السريع ..”شنقلى طوبايا تلقى لى “جنجودايه” -تاكلى لى “لقمايه” تخنقك فى”البلعومايه ” “جنجودايه”..وفى  الغرب ذاته “حميدتى” بقى فاقد البوصله .ولسسسه يا حميدتى( الببارى الصراصير بندفن فى المجارى )

@اللخو الفنان “عادل حسن “..بدور اسلف منك “غنوتك” وبرجعها ليك :(حسدونا “البوم والغراب” الخربوا ديارهم خراب ..ديل اذونا “العن قراب” ..يا خساره ناس معرفه.. ..ولا بنهتم بيهم والقمه مستهدفه..بالواضح بنقولها الماشافوه امبارح بشوفوه الليله.. بالواضح بقولها دلاقين تشد حيلها ..بشوفوا الجفا نتايجه بالملوه والكيله والعندو عندنا حاجه خلى اليجى يشيلها ..الباعنا بنبيعه بى رخسه ما غالى والخت نفسه عدو ..بنرشوا طوالى.. وزى ما شاف كرمنا حيشوف التعالى ..والله يكون فى عونه البيهبش “هلالنا “بنكتلوا طوالى ..الكلام البتقال بصل ما بنكوسه ونفتشه ..والبخونوا العيش والملح ديل خونه ما بختشوا ..للقطيعه عاملين وضع قش ورش..وديل فرشوا..عرفناهم نفر نفر والعرفنا بنفنشوا..!)

@هلالاب فى الشدة بأس يتجلى..وعلى الود. نضم الشمل اهلا..ليس فى شرعتنا “حزومى ولاجاكومى ولا مزمزا)

@ اردم الاقزام وسكت الجرزان واخرس الوسخان يا “جميل واصحى” ..واساهر الليل يا انا يا ” ابو جميل”..ميل وخلى التافه الحقير ..يعرف التاريخ يا

“ابو جميل “..ورى العدو الخرتيت جاكومى الحقير يا “ابو جميل “درسه وجرسه ..واقذف..الجرثومى الحقير يا “ابوجميل “..وحازم الطرطور العوير..ادى بالحته الفيها الحديده..علمه الادب يا”ابو جميل”..وشهد شاهد من منو من اهلها ..!

-لم نشاء الخوض فى اضابير ماضى المريخ الذى لم يعرف له دار ولا نادى حتى اواخر ثماننيات القرن الماضى ..وكانوا لاجئين بنادى سمو هلال الامة ..عشراااات السنين لم يضاموا وكانوا محط تقدير سلاطين العشاق حتى ظننا انهم سيرثون دار نادينا العتيق ..لن نعمم الشر ولكن الجات المريخ من عجائب الدهر حثالة ومطاريد وعبيد ساسه نخاسه معاول هدم ..العن واقذر واحط من فيروسات ” فيروس الفدية”..صور لهم خيالهم المريض ان تعفف امة دولة سمو الهلال عن مجاراتهم دنسا ووضاعة ونداله “مسكنه وقلة حيله ..فاستمرأوا الاذى والاذيه ..

الا انهم طغوا وفجروا وتكبروا وتجبروا ..يسبون جوهرتنا ..مفخرتنا المقبره بسوق العيش ..سوق العيش طاهر وشريف ونضيف وعفيف فيه حياة للناس ..والاندايه فيها فسق وفجور ..سوق العيش ولا اوكار الرزيله..؟

على قول المتنبى لا تشترى العبد الا والعصا معه ناس حزومى ومزمز والجرثومى انجاس مناكيد

@ليبيا يا اخت بلادى يا شقيقه..الاهلى طرابلس ..7 أكتوبر (كلنا ليبيا )..وزنقه زنقه

@الجاكومي سواها ولا يخاف عقباها ..اشعل جحيم الفتنه وخلى اهل المريخ يغلوا فى مرجل عجوبه بس !!

@فى بريد العشق وانا بريد الوطن الهلال “.

1/عاشق سمو الهلال “يوسف الجبادى”..اول التبادى وقبل ما افتح رسالتك كفاره وسلامتك اجر وعافيه اخونا يوسف الجبادى ..انشوف رسالتك:(دون مجاملة الهلال يريد الرجل المناسب فى المكان المناسب..الهلال يريد الاقلام الحرة الشجاعة..نريد ان ﻻتدس الناس رأسها تحت الرمال الاعور يقولوا ليهو اعور هذا م يعجبنى فيك اين اتجه صاروخ انفجر فى الناس الجبناء والخونة

انى ارى اناس بعد قراءة هذا العمود اذهلوا واصيبوا وتلخبطت حساباتهم..واصبحوا ﻻيطيقون كتاباتك بتاتا..ارجو ان تقتاليهم وريدا وريدا دون رأفة والله لقد إشرأبت ر وحى..التحية لك وانتى تضربى الاعداء وتنحريهم نحرا..تحياتى لك)..

-اخى يوسف الجبادى ..كتر خيرك وبارك الله فيك ..كلماتك حسامى ..ويقينى بالله يقينى ..لم يُطْفِئُوا شمعتى وانا فى ريعان الطفوله فانى لهم بجندلتى وقد بلغت من العمر عتيا ..رفعتُ لله قنديلي فأوقدهُ، فهل تظنُّ يداً في الأرض تطفئني؟

2 / من عاشق سمو الهلال “ابوقصى”:(لله درها بنت الماحي أيقونة الصحافه الرياضيه دون منازع نجد في هذا العمود ما يثلج الصدور فأصبحت بمثابة جرعة الدواء التي ينتظرها كل مغرم بحب الهلال سيد البلد هذا الصرح القامه التي ترعرعنا على حبه ونشانا نقاتل لأجله في كل موقع فحب الهلال سيظل باقي في قلوبنا رقما عن الآحقاد التي تحيط به من الوصيفاب وانصارهم.)

-اخى “ابوقصى” لله درك عاشقا فارسا”..ثق ان لسمو الهلال رب يحميه ..وسلاطين عشاق يزودون عن حياضه بالمهج والارواح

لن يضام سموه باذن الله .

3/عاشق سمو الهلال “دكتور مبارك محمد” :(اختي هويدا…السلام عليكم انشاءالله تكوني بالف خير ..اختي لي متي يتحكم المريخاب في كل القنوات الفضائية..النيل الازرق ميرفت مريخابيه متعصبه..تلفزيون السودان رضا مصطفي الشيخ مريخابي متعصب..سودانية 24 حاتم التاج مريخابي متعصب..قناة الشماليه..قناة البلد بعد تغيير الاسم من الهلال اصبح طابعها النفاق..الاذاعة السودانيه عبدالرحمن عبدالرسول مريخابي متعصب)

والله يا دكتور محمد سؤالك منطقى والجناة هم اهل سمو الهلال انفسهم تركوا لهم الحبل على القارب ..يعنى ما فراسة دلاقين ولكن العيب فينا ..فقط سازود عن هلالية زميلى سابقا بحوش التلفزيون “رضا مصطفى الشيخ”..فهو هلالى حتى النخاع ولا احسب انه  قد صبأ..!.

@ مباراتنا امام الشباب الاوغندى باكر القريبه دى كلهن يومين تلاته ..وهنالك تسريبات بينة معسكر خارجى واحسب المقصود اداء مباراة حبيه خارج ربوع الوطن ..صحفى واحد مرافق للبعثه يا دولة سمو الهلال ..يمثل الاليه الاعلاميه ويرسل التقارير الى المنسق الاعلامى فى الخرطوم ليقوم بتوزيعها على اجهزة الاعلام كافة ان كنتم تريدون بسمو الهلال خيرا .

@سلاطين العشاق حبانى يا اهلى والله امس المغسه كتلتنى ..اثناء مجاهرة السيد “ابوجميل” وردمه” لصعاليك “مجلس حازم والجاكومى ..المذيع قال  للزميل “كبوتش” ..:لو السوباط اداهم الجوهرة ولا اعلم هل تجاهلها “كبوتش “عمدا ام لا ..؟ لكن السؤال له مغزى وضربه فى الانكل عديل ..سمح يا حضرة “الميذيع” لا نخشى فى حرمات سمو الهلال غير الله ..وكونه “السوباط” انفرد بقرار مباراة “حميدتى ” ومشيناها ليهو على مضض ..هذا لا يعننى اننا سنلوذ بالصمت حال تجرأ بقرار فردى فوقى على الجوهرة ..رئيسنا ومجلسنا فوق راسنا ..ومن يحط من قدر نبراسنا وميراثنا بنفسح ليهو بوابات الوداع من غير وداع .

@كالعاده اتناولت” المشلعيب ” واول ما لقيته “مندى” و”بطوطح”ويتلولح  عرفته سمين لقيت ليك  ماعون عاشق سمو الهلال “محمد طه الامين شقدى” الما “بيغبانى” كاااارب فوقه:(من اقوال حزومي..القروبات أكلت قروش النفرات الخاصة بي..”حمد التش وصيانة الاستاد ..اممممك جابت ليها سرقة) والله وتاالله يا ود شقدى اول مره فى التاريخ اعرف القروبات بتاكل القروش من “الوحوش”

@ طبعا “حوزمى” لما حسه بدنو اجله ..فك اخره وطاش ما طاش ..الثور كان وقع كتر البتابت عيب ..الوليدات الطردهم وشتمهم وشتم اهلهم ديل بعرفوا درب القانون كويس واليتيم ما بوصوا على البكى وابو” عمار طيفور “موعود بقصر فى “واشنطون” من الغرامه الماليه

دا مفروق منه ..!..ونحنا فى دولة سمو الهلال “بنسجلن ” ججت ..ما عشان يلعبن معانا لالا والف لالا ..عشان نتصدق بيهن على الانديه الغلبانه.! ..عفانه ولا ما عفانه ..؟