عِـشْقٌ سَرْمَـدِيٌّ– هُـوَيْـدَا الـمـاحى- د.حسن كمل جميلك تممو “هيثم السوباط” ما ترحمه..!- ربَّات الخُدور لستن اهلا لوزارة المرأة الهلاليه

@ستغادر بعثة الزعيم الهلال الأربعاء صوب قلاع” مدينة “لوبومباشي” عاصمة مقاطعة كاتانغا الكونغولية ..لاقامة معسكر قصير ..ستجمعه وديه امام فريق “مازيمبي “قبيل مواجهة الشباب التنزانى..ما تكتروا البعثه صحفى واحد لا غير .

3-اقالة المنسق الاعلامى قرار صائب وشجاع اثلج صدور الاهلة ..وانا دى على رأسهم ..”أنس محمد احمد ” طغى وتكبر وتجبر ..وافترى على العالمين ..ولم يتجاوز اسلوبه العقيم فى النشر ..قرار شجاع “دكتور حسن على عيسى” ..كمل جميلك تممو “هيثم السوباط” ما ترحمه ..لحقه المنسق الاعلامى بى جرة قلم لانه خصم على السلطه الرابعه فى المملكه الهلالابيه الزرقاء ..واكان دايرين تكرموا عين لعيون الريس” هشام السوباط” ..ختولوا “اخيو” فى المراسم والخدمات والعلاقات العامه )..سيفيدكم كتييييرا ..!.

واحسب ان “شهاب مغاربه” هو الخيار الامثل لمنصب المنسق الاعلامى يا دكتور حسن .

@العيب فى المسربين والتسريبات..قالوا الزمن دوار والبيوت اسرار..لو لم يبح هذا وهذا لم يسرب لظلت “قاذورات” سقطات “قنصل مزمل ابوالقاسم ..رئيس المريخ حزومى ..والهطله الهبنقه الدلدول السياسى “الماخور المأجور الجرثومى فى طى الكتمان ..!

ولكن الخسه والنداله فى المروجين للقذاره ..مافى “نويدى”سيبك من نادى ..محترم بتتسرب اجتماعاته طواااااالى وتفوح نتانتها زى موية المجارى ..الا المريخ ..!..اعجز الناس من عجز عن كتمان اسرار اجتماعات مجلسه ..سميت اجتماعات وليست لقاءات جماهيريه حتى يعلمها القاصى والدانى حصل شفتوا ليكم يوم بالغلط اى تسريب لاى اجتماع هلالى حتى على مستوى روابط المشجعين الصغرى ..؟

@ حازم ريئس المريخ المستجلب “مزمزيا “قرع طبول الحرب على ولى نعمته مزمل ابوالقاسم انه دين المصريين ..عليا وعلى اعدائى ..ودا كلوووو من شان شنو ..؟ حزومى البكاى شم ريحة عفانه عديل كدا ..صانع حزومى “هامان ” مريخه بقى يلمع فوق شخص تانى ..حزومى استشعر الغدر و “الخطر” ..وفرش الملايه لى مزمل الصنعه وابتلى بيهو المريخ-(اذا اختلف الدافع والقابض في صفة المقبوض فالقول قول الدافع مع الشتيمه).خلونا من مزمل حازم هدد وتوعد :(بفضح شبهات سياسية في ملف صيانة الأستاد ..مدد ..مدد ..مدد ..وشويه كدى قال ليهم :ابردوا يا مريخاب وقفنا الشغل فى “الحفره” لانه النجيل الصناعى “سبوبه” للهط ..لكم ان تتصوروا بعد ما يقارب العام من القومه والقعده حتى الغنمايه “التيس” حشروها فى الموضوع ..ربنا فتح على حزومى بعدم فائدة النجيل الصناعى الهجين ..!

واريته كان” يرحل “..!

قال التكلفه 5مليون دولار ولا اكان مليار ما بعرفه والمريخاب عن بكرة ابيهم ما بدفعوا ولا مليم ..حزومى لمتين يلازمك فى المريخ زل الفقر ..وهو بذلك “يرفس” وينطحه رئيس المريخ الفخرى .

@عبدو بلال” Abdu Bilal””دلقون”..ومتل ماكم عارفين الدلاقين “كلهن” ججت ..مشردين ..لازق ولاصق لى فوق حيطتى متل “الضب”..ويلهط من “عيمودى” يوماتى على الله..ومتل “الجداده” تاكل وتقش خشمها فوق التراب نظام ما اكلته ..هو يلهط وينكر ..وجاحد جنس جحود البارحه ناضمنى 🙁ليه ماكتبتي عن موضوع..سرقة هاتف العليقي من طرف..جماهير الهلال ٩ طويله بدل ماكل..يوم مصدعانا بمواضيع ما جايبه حق الحبر الكتب بيهو 😂😂😂😂😂يا Howaida)-بالله اتقول ماكل سمايتى ..مع الكشرى المصرى والزقنى الحبشى وعقبال تفطسوا بال”البازين” الليبى ” اهلى طرابلس يا حبيببببببى ..قلبى معاك ..!..خلونا فى اللاجئ الدلقون عبدو بلال ردمته ليك :(Abdu Bilal ادام الله عليك الصداع وعلى مريخك التصدع ..لا خليت ليك الباب متاكا ..يا حشرى ..لا عملت ليك تاق لا ..فتحت ليك الرقراق لا سبلت ليك فى الزقاق)..اما عن سرقة هاتف سيد شباب دولة سمو الهلال “العليقى” فهى حادثة تتم فى الكعبه الشريفه بين حجاج بيت الله الحرام والسارق ايا كانت عقيدته الكرويه “مَارِق”..لن اكابر والصق السرقه باهل المريخ وايضا كان الاحباش “حضورا ” والاوباش ايا كان فاعلها ادعو الرحمن ان تفلح مساعى الشرطه فى القبض عليه حتى ينال جزاءه ويكون عبرة لمن تسول له نفسه السرقه.

فى بريد العشق وانا بريد الوطن الهلال

@عاشق سمو الهلال “يوسف زرقاء العشق قلت سنزود عن حياض الجوهرة دون هوادة اى الان لم تزودى السين للتحقيق ولم يأتى الزود كامل

كيف ستزودى وانت شجاعتك وفراستك وقلمك الذى كل يوم يخلف نن الكى على ظهر مريخ الدلاقين وكمان المتملقين من كل الاطراف انك لهم بالمرصاد والله اختى هويدا الجزم افضل لهم ان تسلى سيفك وتبتريهم افضل لقد ضاقت بهم الوسيعة اعلم جيدا انهم ﻻيتمنون يوما جديدا تكتبى فيه هل يأبق الانسان ..كذلك هؤلاء ﻻيخرجون وﻻيهربون من زنانات قلمك

الاخت العزيزة من اين اتيتى بهذه الفضائح التى اذاقت اصحابها عدم النوم

تأبى المروءة أن تفارق أهلها إن المروءة في الرجال خصال ويأبى الشجاع ان جبانا..لله درك طابية الهلال

&من عاشق سمو الهلال @عمر الفاروق الشيخ”اللخدر لونه زرعى

لمن التراس الهلال يعمل التموج بتذكر عربى وصلحى وقائد الجوقة محمدية وهم يموجون اقواس كمنجاتهم بتذكر ود الحاوى الهلالابى فى تقاسيم جديدة على الاكورديون بتذكر “لا تسلنى وسل عنى ليالى” من لحن الهلال الخالد ابوعفان .. حاجة فيك يا الهلال حتى لو كنت عرجون تقطع نفس اى دلقون .. حاجة خلت الخليل يقول بعاين للنجوم وانا بطرى الهلال .. قطع شك كان هلالابى .. ليليبو ورقصة النصر مع الاولتراس جيمس لاست يقود اوركسترا .. بليغ حمدى والحب كله حبيته فيك .. برعى محمد دفع الله.. فى حب يا اخوانا اكتر من كدة . . يا اخوانا الزومى متضايقة وجاكومى متضايقة وحزومى متضايقة .. من شوية ما من جنس ده! تسريب وراء تسريب وسكليب وراء سكليب .. والضل الوقف ما زاد .. بعدين نحن ما فاضين ورانا طابق تالت واضاءات .. وحاجات تانية .. وشباب تنزانيا يا اللخدر لونه زرعى..ونحن معاكم فى معركة شيكان لدحر الغزو الليبى من واقع الجيرة والطبشيرة والمسؤولية الملقاة على عاتق كبير البلد وسيدا وسيد الزعيم ذاته ..هلالابى أحمد الله”عمرالفاروق الشيخ”)