بــيــاض الاشــرعــة -صلاح الدين عبدالمطلب -موقف الهلال في كأس السودان وموقف المريخ مع قرار حجز الممتلكات

بــيــاض الاشــرعــة

صلاح الدين عبدالمطلب

موقف الهلال في كأس السودان وموقف المريخ مع قرار حجز الممتلكات

الخرطوم/ عشق البلد الالكترونية

– ادي الهلال مباراة تنافسية امس الاول(الجمعة)في إطار برمجة بطولة كأس السودان تلك البطولة الشبه منسية، امام مينارتي حلفا كسبها بعدد(٥)اهداف مقابل هدف يتيم اوجعني حد عض الشفة وكاد ان يذهب ببريق(٥)اهداف زرقاء، لان شباك السيد الهلال يجب أن تكون عزراء في كل حين خصوصا مثل هذه المباريات ذات الثقل الخفيف معدومة الشبه والصنو في حضرة كواكب الهلال المنيرة حتي انبهار الخصم وجهره، لم يجد الهلال اي صعوبة ولو بمثقال ذرة في تلك المواجهة المرنة له والمستعصية لخصمه حد السير في الرمضاء ،تبادل في احراز الاهداف كل من:-اجاجون هدفين وموفق مثلهما وهدف لسلمون بانغا، بينما اضاع رماة الهلال اهداف اكثر من تلك التي ولجت شباك خصمة وكانت مباراة الفرص الضائعة، ويتصدر عيد مقدم قائمة اكثر لاعب إضاءة للاهداف. وهذا اللاعب بحاجة لمراجعة مستواه المتذبذب ،فيجب علي فلوران ان يضع اللاعب تحت مجهر المراغبة المفضية للتوجية والعناية حتي المعالجة، عموما استفاد الهلال من هذه المباراة لانها قدمت اكثر من لاعب مثل موفق صديق الحريف النحيف الذي قدم واحدة من افضل مبارياته خلال الموسم حد اقناع المدرب فلوران ،وقدم كتاب اعتماده بيمينه منافسا قويا للجهة اليمني في تشكيل الداهية الكنغولي فلوران ،وكم من لاعب كان حبيس دكة البدلاء سطع كوكبه بنيل نجومية المباريات، دونكم النجم محمد احمد ارنق..يواصل هلال الملايين مبارياته في كاس السودان ويلاقي هلال الفاشر يوم(٢٧)الجاري بالجوهرة الزرقاء. والتي نتوقع ان تجىء بعدة مكاسب من واقع وجود الفريقين بالدورى الممتاذ، لذلك سوف يشهد اللقاء شبه ندية وان عدمت بالمقارنة للثقل الفني بين الفريقين..وعلي صعيد متصل:- سألتكم عن الخير؟ الحال اليومين ديل كيف عند اخوانا بالعرضة جنوب. والله قالوا عندهم دلالة قايمة في اليومين دي مدللين ممتلكات النادي لشنو؟اصلا في قرار صدر من محكمة الخرطوم الجزئيه بحجز ممتلكات ناديهم لصالح شركة(بروموتز) ياخ اصلو ما معقول؟والله جد يا لسلاااااام معقول ناس حازم والجاكومي وصلو الشغلة للدرجة دي، ووين جمهورهم ،عاملين مطنشين، لكن دي حاجة بطنشوها؟تقول شنو، وانت قايل شنو، شنو؟ممتلكات النادي لو مابقت قدر القروش الدايراها الشركة حيحجزوا علي الاستاد زاتو ياخي، لان الشركة دايرة (٢٢٥)الف دولار. لكن كدي دلالة الاستاد جات عدل لانو ما عندهم حاجة بجيب المبلغ دا اللهم الا كن يبيعوا اتنين من اللعيبة .خلاص يا اخوي اكن بقو حجزو الاستاد ودللوه، احجز لي معاك ٤٠٠ متر عاوز اعمل لي زريبة فحم وحطب، كان قلت نعمل ميدان خماسيات لكن الجماعة قالوا لي محل الجماعة ديل ما بنفع للعب الكورة الا زرايب. خلاص كويس انا عموما برقد اضاني قريييييب اكن الدلالة قالت كش بديك خبر. اتفقنا، مع السلامة، تمام يا زول