Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-الفتنة الدهيماء بَرْدًا وَسَلَامًا عَلَى الهلالاب العظماء..!

عِـشْقٌ سَرْمَـدِيٌّ– هُـوَيْـدَا الـمـاحى

الفتنة الدهيماء بَرْدًا وَسَلَامًا عَلَى الهلالاب العظماء..!

الفوضى الخرابه “الخلاقة”-معاول صناع الأزمات وتأجيج الفتن

صرخة هزار ..وشبح الايقاف..المتضرر الاكبر الوطن الهلال 

تدويل سنوات المريخ العجاف الأزمات العميقة التى عصفت به

استراليا-ملبورن-عشق البلد

الله -الوطن الهلال 1898

@سلاطين العشاق..من الطاف الله ان تنزلت علينا الفتنة الدهيماء بَرْدًا وَسَلَامًا لحمة ووئاما ..إنها الفتنه بام عينها ..لتفتيت عضد دولة سمو الهلال ..من العدو المريخ وحثالات ورمم “نبت شيطانى “فى حرم الهلال الطاهر .كنسهم واخراسهم واجب وطنى مقدس على امة الزعيم الهلال الابيه .. سنوات المريخ العجاف، والأزمات العميقة التى عصفت به يسعون الى تدويلها وبذر بذورها فى دولة المجد الهلال هيهات ..هيهات ..شموخ وعزة واباء ..جلال سمو الهلال ..تجلت فى لحمة شعبه البارحه..عند الشدائد المختلقه ..ونقشعت الغمامة السوداء (صنيعةالمريخاب الاعداء) ..الذين خربوا ديارهم ..ويسعون الى خراب دولة سمو الهلال ارادوها فتنة اشعلوا النار حولنا فغدونا لها دخان..نعى يقينا انها ..سنوات المريخ العجاف..اعوام الرماده ورزمة الأزمات العميقة التى عصفت به..

لن نكابر نعم كانت طعنة نجلاء وغصة فى الحلق ..واسئلة حائرة هل فعلها الكاردينال حقا..كيف واين ولما ولماذا وعلاما..؟الكاردينال عايز يصل لى شنو ..؟ معقوله يضرب وينسف إستقرار وطنه الزعيم الهلال ..؟.. (‏وَيُنَزِّلُ الْغَيْثَ‏)..-اى والله-قال تعالى (وَهُوَ ٱلَّذِى يُنَزِّلُ ٱلْغَيْثَ مِنۢ بَعْدِ مَا قَنَطُواْ وَيَنشُرُ رَحْمَتَهُۥ ۚ وَهُوَ ٱلْوَلِىُّ ٱلْحَمِيدُ) ..(‏وَيُنَزِّلُ الْغَيْثَ‏)..تنزل نفى “الدكتور اشرف سيد احمد الكاردينال” ..بل وذهب الى ابعد من ذلك معلنا ان “واليهم” لم يتبرع بمليم احمر للجوهرة بل العكس هو من تبرع ب50الف دولار لبناء استاد المريخ
@سيدى الرئيس “هشام السوباط “..لجام اخوك فوق ايدك ..الامر بيدك لا بيد اخيك قابيل زمانه ..شيل دا من دا يرتاح دا عن دا ..رجع اخوك الى قواعده ..اقتلعه من محراب سمو الهلال ..اخوك ما بغلبك ..إستئصاله “اخيك قابيل “..بيدك لا بيده..والحكمه انه الكى علاج ..اخير تقتلعه انت براك قبل ما تقتلعه ثورة سلاطين العشاق التى لن تبقى ولن تذر .

@ هيثم عفيفى الطاعون السرطانى” والسقوط ألاخلاقى”..ظل ينخر فى عضد الزعيم الهلال ..حتى .سولت له نفسه النيل من “ريئس دولة سمو الهلال” وقذفه..الى ان بلغ به الفسق ..:الكتابه:(هذه الشخصية هي بمثابة دواء للصبر علي الرئيس الهوان هشام السوباط رئيس الغفلة)..هيثم عفيفى عنده تار بااااايت مع المنسق الاعلامى أنس محمد احمد” فى القاهرة ابان فعاليات مباراة دولة سمو الهلال الاخيره امام الاهلى المصرى المتواطئ مع المريخ ..هيثم واقف فى بوابة الاستاد ممنوع من الدخول وصلت سيارة تقل بعض افراد بعثة سمو الهلال ..قالوا للعساكر دخلوا معانا وطلبوا من عفيفى يركب معاهم لكن عفيفى رفض ..فما كان من المنسق الاعلامى الا ان قال لهم :ما تدخلوا ومضت العربه فى سبيلها داخل الاستاد ..وكانت للموضوع تداعيات وحكايات مفتعله ..احجم عن سردها فى الوقت الراهن عسى ان يرعوى “هيثم عفيفى “..!

بصراحه العيب مافى عفيفى.. عيب الشوم اخو “هشام السوباط “هيثومى”- قابيل عصره وزمانه ..المريض بشهوة الظهور..والتلميع حتى لو كان مهرها سمعة اخيه ..فلن يمانع “..!!

والله تاالله البرش اخوى بى مويه برشه بالدم ..ازكر فى سنوات خلت اتت لزيارتنا  اختى “مواهب” وزوجها والحبيبه” رؤى ” طفلة رضيعه ..سيد الدكان”الهادى” على التعتره دار نقاش بينه واخى الاكبر “حيدر مدنى” فمضى اخى الى حال سبيله وسيد الدكان شغال يطنطن ..سمعته مواهب بتكلم مع اخوه الاكبر بالقول:(دورت شكله مع استاذ حيدر مدنى دا زول “متعنطز” ..طوالى غيرت مسارها صوب “الكنتين”القت بالطفله غلى الدرج  وهجمت على الرجل ..وجابته من رقبته ..وخنقتوا ..وشغاله اوووووعك تتكلم فى حيدر اخوى وعالجه راجلها بى ام “دلدوم” والمسكين بقى يزبد ..وجانا الخبر ..جريت رفعت الشافعه منا الواطه بينما خلص “حيدر اخوى” الهادى المسكين من قبضة اختى وزوجها .! …علما بان مواهب حينها كانت زعلانه من حيدر اخوى زعل شدييييد مره لكن رمت زعلها وخلعت نعلاتها وقذفت فلذة كبدها وفرحتها الاولى “رؤى” ودافعت عن حياض اخيها علما بانه الهادى المسكين لم يزيد على كلمة “متعنطز” ..هذا غيض من فيض يا عدو اخوك ..نهايته:(هيثم السوباط” لم تكن شيئا ..ولن نستطيع معك صبرا ..!!وتبريراتك الفطيره اردت عليك نغمة انت منو عشان تفصل وتعزل المنسق الاعلامى او غيروا ..؟ ) نعم المنسق ظل عالة على الهلال..وذهابه قد تأخر كثيرا ..ولن ما هكذا يا هذا ..؟-نطالب “الامانة العامة بكنس هيثم عفيفى من محراب الهلال بقرار رسمى.

وابعاد المدعو اخو الرئيس من حرم الهلال ليعس فسادا حيث شاء بعيدا عن الوطن الهلال ..! على قول الزميله “ناهد الباقر”:(العروس سالوها انتي راجلك شغال شنو قالت ليهم اخوهو في السعودية ..دحين هيثم دا شغال شنو في الهلال ..بقوليكم اخو الرئيس البدفع 🤣🤣🤣..واحلى حاجه مابشتغل وداير يطلع قرارات 🤣🤣).!

@”الدليقينه ام روج “

تانى بتطلعى لايف ..؟ غايتو الا تعملى “دق الشلوفه “وترقعيها (بالشتم والدلوكه )”يا حلوفه”.

@اممممك امسكوا الخشب :(نجل قيادى بااااارز فوق لجنة تسيير المريخ يعوث فسادا عينك يا تاجر ..بالسيطره على التعاملات الماليه -والسفر السفر ..التزاكر وعيييك جنس فوضى ..قالوك ابوه خازوق ملزوق بالقطاع الرياضى ..عرفتوا ولا ما عرفتوا ما الجواب يكفيك “علوانه” المعفن ..؟ اها قال ليك ..قال ليك شنو قالتو صحيفة السودانى ولقطته اضانى من عاشق سمو الهلال فاروق السنى ..قال ليك الولى ماضى فى الخروقات الماليه وما كفتوه التزاكر والسفريات كمان قبل على الملفات الاداريه ..فوووق معسكر الفريق..والغريق قداااام ..اللهم مدد ..مدد ..مدد. )

@فى بريد العشق وانا بريد الوطن الهلال

&-رد نارى من عاشق سمو الهلال “محمد طه الامين شقدي”:(هيثم السوباط كاداري وأيمن كبوش كمتصوحف سرطان في جسد الهلال .. يجب اجتثاثه من غير هواده ..يعني مكتوب علينا ملازمة الاوجاع..رئيسنا الهمام الطيب عبدالله ..له الرحمة والمغفرة .عنده مقولة بتقول البحب الهلال ..يحبه من بعيد لبعيد ..بعض التفاصيل بتوجع .اللهم ادم علينا حب الهلال ..أحسنتي قولا في عاشق الهلال ومحبوبه الصادق الذي شيد الجوهره من عرق جبينه ومن ماله الخاص ولوحده كذاب اي واحد اقول دفع ليهو جنيه او ٥٠ قرش بل كان مزمل يسخر منه ووصف الشركة الصينيه بانها شركة ملابس اطفال وحفاظات الا ان برزت الجوهره تسر الناظرين وخسأ مزمزوني ومعاه هيثموني وحزومي).

@من عاشق سمو الهلال “فاروق السنى”:(احسنتي قولا في عاشق الهلال ومحبوبه الصادق الذي شيد الجوهره بعرق جبينوا ومن ماله الخاص ولوحده كذاب اي واحد اقول دفع ليهو جنيه او ٥٠ قرش بل كان مزمل يسخر منه ووصف الشركة الصينيه بانها شركة ملابس..اطفال وحفاظات الا ان برزت الجوهره تسر الناظرين وخسأ مزمزوني ومعاه هيثموني وحزومي..شكرا عاشق الهلال كردنه ، اما بالنسبة لي حنان جوطة كذب بان الكاردينال اعتذر ليهو عشان اغطي عن خيبته بتجاهل مجلس ادارة الهلال وجماهيره عن الرد عليه وتعبيره واعملوا ليهو قيمه لذلك اطلقوا هذه الاشاعة لحفظ ماء وجهه ، وصدق الامين البرير عندما سالوه عن اساءات وتحدي الجكومي لجماهير الزعيم سيد البلد قال لهم في ا لمقابلة التلفزيونية مفروض هذا الجعجاع اشنقوه في السوق العربي واعلقوا جثته في الشارع ليكون عبرة له ولغيره وهولاء هم رجال الهلال

@من عاشق سمو الهلال “سامى حسن”:(بعيدا عن ماسي كردنة في فريق الكرة إلا أنه للامانة كان شجاعا)

& من عاشق سمو الهلال “ابوقصى”المملكه العربيه السعوديه

عبارات التحايا اسوقها شخصيا لهذه المناضله الجسورة القابضه على زناد الحق في الدفاع عن حقوق سيد البلد وهي تدخل كلماتنا البسيطه المتواضعه ضمن عمودها الحر لتجد طريقها لسيل من القراء العاشقين لزعيم الأمة الرياضيه في بلادنا من سكان الداخل ومهاجري الخارج بعد أن تضيف عليها سيل من اقوى الكلمات والعبارات المعبرة عن حب الملايين لسيد البلد حفظك الله بنت الماحي وحفظ يراعك الذهبي المتين وحفظ عبر كلماتك كل حقوق الهلال والتحية عبرك اسوقها لزعيم أمة الهلال الكاردينال ذلك الرجل المتفرد في بحر حبه للهلال واحد صناع النهضه في عالم كرة القدم السودانيه عبر هذه الجوهرة المفخرة.ونواصل

&من عاشق سمو الهلال “محمد طه الامين شقدى “:(شكرا عاشق الهلال كردنه ، اما بالنسبة لي حنان جوطة كذب بان الكاردينال اعتذر ليهو عشان اغطي عن خيبته بتجاهل مجلس ادارة الهلال وجماهيره عن الرد عليه وتعبيره واعملوا ليهو قيمه لذلك اطلقوا هذه الاشاعة لحفظ ماء وجهه ، وصدق الامين البرير عندما سالوه عن اساءات وتحدي الجكومي لجماهير الزعيم سيد البلد قال لهم في ا لمقابلة التلفزيونية مفروض هذا الجعجاع اشنقوه في السوق العربي واعلقوا جثته في الشارع ليكون عبرة له ولغيره وهولاء هم رجال الهلال)

&من عاشق سمو الهلال “عبدالغفار عطاية الله”:(الكاردنال كبير وهيدا الماحي ابداع-تدخل الكاردنال في الوقت المناسب واحرج الجرثومي كيف يعتزر لك كردنه وانت عدو الهلال وكنت عدو للكردنال في الفتره اللتي قضاها ولاكن ماعجز عنه السوباط والعليقي اتي به بن الهلال البر والفارس اشرف سيد احمد (كردنه) اذا كان ياجاكومي انت متعود تتوعد الهلال وتهدد ناس رامي كمال وديل عاملين شاهد م شافش حاجه هذه الحالات لن ولم تمر علي الكاردنال مرور الكرام.. انت عدو الهلال ولو كان اتي لك السوباط والعليقي ب الرد لما تجرأت ..وخلقت الاكاذيب  عن الكاردينال.. لن ننسي مقولت كردنه ليك الشهيره ( الهلال دا كان راقد فوق شالايتك مابتقدر تنزلو خليك من تنزلو درجه اولي ).. زكرتي اختي هويدا في عامودك الجميل انك كنتي اداريه واعلاميه احب اقوليكي انتي مفروض تكوني كل شي لانك تستخدمي قلمك كسلاح ضد اعداء الهلال مازي الناس العامله نفسها هلالاب وماهم بهلالاب يزرعون الفتن ويخلقون المشاكل في مجتمع الهلال ويهللون لزلك..استاذه هويدا اتمني ان يصل شكري عبرك “للفارس الكاردنيال” ابن الهلال البار ..انتى  دايمآ ابداع واقناع في عامودك الجميل وقلمك الساحر وحبك الخارق وخلاصك لهلالك دمتي جنديآ محاربآ من اجل الهلال عاطر التحايا)

@صرخة هزار ..وشبح الايقاف..المتضرر الاكبر الوطن الهلال 

اعلنت الوزيرة عن اجتماع عاجل لتدارك ما يمكن تداركه حول المصيبه التى لاحت فى الافق من عتبات الفيفا..بخصوص “الجغمسه” بحق اتحاد الخرطوم ..يا كافى البلاء لا الوزيره عارفه القوانيين ولا اتحاد الكره حامل همها ..ولا يحزنون ..التجميد يا هلالاب حال وقع لا قدر الله سيكون الوطن الهلال المتضرر والخاسر الاكبر ..على حكومة الهلال السعى للحيلوله دون وقوعه ويا الست الوزيره الغى قرارك القاضى بالتعيين واريحينا من شرور قراراتك .

@ظننت وقد نسيت ان بعض الظن اثم ان حكومة دولة سمو الهلال ستشكر الدكتور الكاردينال على موقفه الشجاع البار الذى خلصهم من الحرج وابعد عنهم اصحاب الغرض والمرض ولكن (سكتوا سااااى )هذه لما لا تدعنى ..يا قلبى لا تحزن

@نبض العشق السرمدى ..نقرات عشق نمة ريد 

يا غرام الروح (اللهم يا ذا الجلال احفظ الوطن الهلال ..انا نعوذ بك من شر النفوس وسوء النوايا وشر من ينفثون في النار نارا)..ويبقى العشق ما بقى سمو الزعيم الهلال )

زرقاء العشق

هُـوَيْـدَا اَلْـمَـاحِى

شاركها على
أكتب تعليقك هنا

لن يتم نشر عنوان بريدك الإلكتروني.