عِـشْقٌ سَرْمَـدِيٌّ–هُـوَيْـدَا الـمـاحى
ملوك المستديرة أباطرة الفضيله عباقرة التاريخ فرسان الوطن
استراليا-ملبورن-عشق البلد
الله-الوطن الهلال 1898م
@سايقها “البروف فلوران”..مباراة الخياله تندرج تحت طائلة الاعداد بلا ادنى شك الى جانب قرار المدرب التبارى حبيا امام بطل الكنغو ..وربما افلح فى اداء حبيه اخرى امام فيتا كلوب “يعنى قمة الكنغو” ..وهو يعلم كم سيجنى من ثمارها لتكون زادا له فى مشوار المجموعات.
@دكتور حسن على عيسى ..الامين العام لدولة سمو الهلال ..وقد طال صمتكم..الى ما.. والمثاليه علاما الزائده علاما ..؟
والابحار فى “وهم الكمال”..والحرماتُ قصاص..لا رديتوا ..لماذا يستكثرون علينا الفرح..؟يرومون حياضنا ويرموننا بكل ما هو قبيح ليسوا مشجعيهم ولا كتابهم بل رئيسهم القنصل ونائبه الجاكومى الأرذل..؟
@الجرثومى الجاكومى النغمه ..عدو الزعيم الهلال ..السفيه شتم الباشا يا “غباشة “..لم يكف عن الاسهال ..قال الزعيم الهلال ” مستجد نعمة “يا سبحان الله على بالجذمه انت المسيخ الدجال وان لم تبرز عينك الجاحظة فوق جبينك .. المسيح الدجال “جسيم هجان أحمر البشرة، رأسه أصلة أي تشبه رأس أفعى الأصلة، أجلى الجبهة عريض النحر.. هو (((عقيم ))) وانت العقم ذاته عقيم الضمير والفكر والاخلاق ..عقيم وربى عقيم ياالجاكومى اللئيم “الغشيم “
وهاهو ذا يبرز فى ثياب المتورطين قال للاستاذ الرشيد بدوى عبيد :(محمد سيدات “ادانا” استاد شيكان “مجاملة للمريخ “اى والله- متل ما بقول ليكم كدى ..مجامله يعنى الكاف بكيل بى مكياليين ..وعلى حكومة دولة الهلال ..ولا اقول ليكم دى بلاش منها لانه مجلس السوباط ما بيعملها يا قلبى لا تحزن.!..سمح اخواننا اخواننا ..الاهلى طرابلس..هل اتاكم حديث الاشر الجرثومى ..ولا نغلفه ليكم ..دى شكوى جااااهزة ومضمونه والله يقدرنى على عمل الخير .
@قالوا الكاف ورد فى غرب البلد ..واستنكر الغلط ..واتحفظ على ملعب شيكان “اينما حل المريخ حلت العوارض”..هل يسعف الوقت القائمين على امر الاستاد على سد الثغرات المتمثله فى الاتى :(غرف اللاعبين غير مطابقة للمواصفات2.النجيل الصناعي درجة تانية انتهى عمره الافتراضي-3. المدينة لايوجد بها فندق خمسة نجوم) قبل حلول مواعيد مباراة “المطاريد” على ارضه ..؟
@عاشق سمو الهلال “محمد غرد الفجر” 🙁 اردموا مزورى التاريخ تأسس نادي المريخ 1933تحت توقيع السيد فوراوي /رحمه الله)
@المصور المبدع الفنان عاشق سمو الهلال “مازن حسام” ارمى لى قدام ..هذا الشبل “مازن حسام ” من ذاك الاسد -نمبر ون (1)” المبدع الفنان “محمد دفع الله” وكفى .
@هل تعلم ان اول فريق يتهم برَشْوَة · الحكام في بطولات الكاف هو المريخ حكام الجلكسي.!
@اطلق الاعلام التنزانى على سمو الهلال (ملوك الكرة السودانية)..حقا ملوك واحفاد ملوك ..واباطره..بينما اكدت الصحافه التنزانية..على صعوبة مهمة المدرب النابى ورجاله لبلوغ مرحلة المجموعات..النابى مدرب محترم والشباب التنزانى فريق صعب المراس والملوك لها باذن الله.
@كتب احد كتاب الدلاقين :(ان سمو الهلال سيغتنم الفرصه ليصطاد فى الماء العكر ..وتسجيل مطاريد حازم).. هووووى وتانى هوووووى ..نحنا ما بنمشى “جمب” المستنقعات.. وهى ذاتها المجارى الراكضه والبرك الآسنة.. شن فيها..؟ سوى ألسنتهم مدلاة على صدورهم، يسيل منها القيح ..؟..ياخ البرك الطافحه هرب منها الناموس والباعوض..حتى الطحالب قطعت الزلط..الموت..والضفادع هاجرت..هى نان شن فيها..عشان نفكر العوم والصيد فى مجاريها..؟
اللعيبه ضحايا ..جحت بنسجلهم..(طيرى طياره..الصينى..والتايوانى والسودانى..الطيفورى والكرشومى..وتونى..ولسان حالهم :يا ناس ارحمونى ومن عذاب المريخ انقذونى..بعد انتشالهم “بنشطفهم ونحممهم ونطهرهم ونعقمهم.. ونوزعهم هديه للفرق الغلبانه..ارحم ليهم من المرمطه فى السلاخنه والادبخانه” .
فى بريد العشق وانا بريد الوطن الهلال
-من عاشقة سموالهلال “ام مكركا”:(هويدتنا.. اعلاميتنا وسيف الهلال البتار علي رقاب الصغار في المقام الكبار في العمر تحياتي لك واضربي بسيفك في كل الاتجاهات وفقك الله دائماً وأبدأ)
-من عاشق سمو الهلال “ابو قصى”السعوديه..:(لله درك ومن لا يشكر الناس لا يشكر الله هكذا تعلمنا ونشانا وهكذا حملت غالبية كلماتك الرصينه وكلمات المعجبين بها عبر هذا العمود الراقي لهذا اليوم وفي غالبيتها تتقاطر الكلمات شكرا لزعيم أمة الهلال و ربانها اشرف سيداحمد الكاردينال هذا الاسم القامه الذي عرفناه وعهدناه مدافعا وداعما لسيد البلد في كل المحافل وقد شهد الهلال في عهده طفرة نوعيه واضحه لا ينكرها الا مكابر في كل المجالات العمرانيه والفنيه والحرفيه داعما بالمال والوقت رقما عن جل ارتباطاته المعروفه للجميع. وان خرج بعض الرجرجه من اهل الوصيف ليوقعو بينه وبين دوله الهلال نقول لهم لقد اخطاتم العنوان ونزكرهم ونقول لهم مثل أعمالكم واحقادكم هذه بإذن الله ستسوقكم من درك إلى درك.
التحيه نكررها لك الصحفيه المجاهده بنت الماحي متمنين لك دوام الصحة والعافيه وان ينصرك الله على من عاداكي وينصر سيد البلد دوما عبر كلماتك. ونواصل)
المزيد من المشاركات
-من عاشق سمو الهلال”د مبارك محمد “:(اختي العزيزة
للأسف بعض كتاب الاعمدة استغل اقالة المنسق الاعلامي بالهجوم علي مجلس الادارة..عزيزتي تاكد لي بان كل مصائب الهلال من يدعون بانهم هلالاب بعض كتاب الاعمدة الهلال اعطاهم الاسم والشهرة والمال وفي الحقيقه الهلال لايعني لهم شي هم خميرة عكننة لايعيشون في جو صحي معافي..بعضهم من كتاباته تظن بان الهلال جزء من ورثة والده..يتدخل في كل الشئون الادارية والفنية..والاخر منصب نفسه خبير في كورة القدم
انها عقول عفي عليها الزمن لاتريد الخير للهلال اقلام قذرة تبحث عن مصالحها الشخصية)
-عاشق سمو الهلال. الكاتب عزالدين حسن الخاتمه:(هدهد كما يحلو للجميع .. خنجر الهلال المسموم .. عاشقة السرمد والازرق الدقاق .. خط الصد الاول المتفلتين و المتملقين . اصحاب الهوى و المصالح المقربين الذين ظننا أنهم الاحرص علي اسرار البيت … اصحاب إيقاظ الفتنة وطبعا الفتنة لعن الله من يوقظها..اوفيتي وكفيتي و القنتي كل الأفواه بحجر وشعب الهلال لن يتهاون علي من يريد أن ينسف
استقرار الهلال و نحن لسه ما دخلنا المجموعات لأن ما حصل يحصل دائما عندما يدخل الهلال المجموعات و السبب أعضاء النجاح
وهناك من يعمل في الخفاء لتعطيل المسيرة و تأخير التتوئج بالبطولة المتمردة و ذلك لشئ في نفس يعقوب و اللليب بالاشارة يفهم وعلي إدارة الهلال تفعيل اللقاءات المباشرة مع الجمهور الزواق لتوضيح الحقائق)
@ غثاء الجرثومى الجاكومى 🙁 لن نلعب في الجوهرة )..القال ليك العب فى الجوهرة منو من اساسه البخليك تقرب من مضاربنا منو ..؟ بطل “هلوسه”..وعلى قول العرب:(“لمّا رأيتُ بَني الزّمانِ وما بهِم خلٌّ وفيٌّ، للشدائدِ أصطفي أيقنتُ أنّ المستحيلَ ثلاثة: الغُولُ والعَنقاءُ والخِلّ الوَفي”..ورابعتهم “الجوهرة المفخره الما مسخره.!)..الجرثومى الجاكومى ارجع لا وراء ..لا تحلم بان تطأ “كرعينك” المكعوجات المدغمسات الملوثات الجوهرة الطاهرة ..موتوا بغيظكم وهضربوا بالجوهرة ..!
@كافت امه البلاء يخمه ماسكاهو ..”ام فريحانه” يسوى المديده حرقتنى ويمجد فى المنسق الاعلامى “المرفود”..قال شنو قال :عشان شغال بى مهنية ..وين المهنية وامة سمو الهلال لا يُخْفِيَ تَضَوُّرَهُها مِنَ الجُوعِ والتعطش لاخبار المعشوق سمو الهلال ..؟تكاد تميز من الغيظ..وهى بالكاد تجد ما يسد الرمق من القروبات ومواقع التواصل المهنية يا “الجربنديه” تقتضى ان يكون موقع دولة سمو الهلال اولى “القبلتين”..الذى تعود منه بخفى حنين ودموع “حزومى”-اى والله-تنازع الرمق الاخير من شدة العطش.
المنسق الاعلامى هو من يدير دولايب العمل اى تنفيذى لا متنطط و”مشنط”..للسفر ..هو البوصله بل الشريان الاورطى وشغله مكتبى بحت .!..كلنا يعلم ان “الاليه الاعلاميه” هى الحلقه الاضعف فى عهد “هشام السوباط”الماضى والحاضر ..اقالتها برمتها وتعيين “النوابغ” ..امر حتمى لابد منه.. فالإعلام رأس الرمح ..ياخ حتى إشهار الزواج يكون بإعلانه وإظهاره بين الناس.!
@حزومى اشرط ليك هدومى عشان تمسح دموعك ووريالتك وسفالتك ..؟
ولا اكتل ليك الجاكومى ..؟
اعتذارك ما بفيدك ودموعك ما بتعيدك العملتة كان بيدك..تبت يداك وشل فاك..واترمد قفاك ..
لكم ان تتصوروا رئيس الغفلة زرع الفتنه والاحقاد بين اللعبه وهم بمثابة الاشقاء ؟!..دعك عن سب وشتم وقذف اعلام المريخ ورموزه ورجال مجلسه وجماهيره المغلوبه على امرها ..شطح ونطح وبمنتهى السذاجه تانى يوم قام انبطح ..وقال شنو قال صاغ اعتذار ..؟يا سبحان الله ..بعد دا كلو كمان بتبكى وعايز طيفور يرجع يكمل بعد بشعت بى اسرته واشعلت الفتنه بينه وزملائه اللاعبين بالاسم ..؟
@الجرثومى الجاكومى على اثير الاذاعه قال عنده صوره ..سلم فيها “قولد عمه” عبدالله حسن عيسى” اموال للدكتور أشرف الكاردينال) بخ -بخ..وطبعا الصوره بتتكلم وحتكون دليل دااااامغ على انه عبدالله سلم والكاردينال استلم ..ادفق ليك دموع حزومى يا الجاكومى”..سمح رايك شنو عندنا صورة فانيلة ميسى القدمها هدية للبشير ..!
بعدين شنو الدليل على وصول اموالك المزعومه الى الدكتور الكاردينال ..والعالم كله بيعرف انه الكاردينال لن يذل ولن يهان ولن يقبل من الكهنة الاندال..المرق جباههم فوق الواطه فرد مليم .
@فحيح الاجراس وعقيقة السمايه القبل النفاس..!
“الكاتب “محمد الامين نور الدائم”صاحب الاجراس هل داهمك النعاس ام “طاشت الاجراس”..عجبت وربى وانت تطلب من مجلس سمو الهلال اصطحاب “السيد عبدالرحمن “..يعنى انت شايفهم قاعدين خيال “مآته”..,؟ ولا شايفهم قاعدين خيال مآته ..؟ بعدين هم ماشين ينضموا فوق خطوبه ولا زواج ..؟ عبدالرحمن ابومرين هلالى وادارى ترفع له القبعات ولكن لماذا الزج به فى “الفجه” دى بالذات ..؟ والله وتاالله..ما لقيت غير “قسم أبقراط”..احلف ليك بيهو “انت ماك ياكا ياكا”..وطرحك دا وراهو “كاكا”..لو كان “مجلس السوباط “..عاجز عن اداراة البعثات فى المجموعات فعلى المجلس السلام ..سمح يا “ابقراط” وكتين نتأهل باذن الله” لا -عن-قدام) ..بتقترح “يسوقوا” معاهم “كم جيش من جيوش المجالس السابقه واللاحقه معا ..؟
صحصح “وكرطع”ليك فنجان جبنه بى شماله..واقرأ عمودك دا الضحك بشرطك وحال كان مقصدك هو الخطر على بالى إنها الطامة الكبرى يا رجل.!