عِـشْقٌ سَرْمَـدِيٌّ– هُـوَيْـدَا الـمـاحى-نستودع الله “هلالنا” ركيزة  طموحاتنا ..ومحط امالنا -توخَّى حِمَامُ الموت صقر إفريقيا والهلال اشين العرب -هلالابيه خلاسيه شامخه ابيه..اسياد البلد اهلها

عِـشْقٌ سَرْمَـدِيٌّ– هُـوَيْـدَا الـمـاحى

توخَّى حِمَامُ الموت صقر إفريقيا والهلال اشين العرب

هلالابيه خلاسيه شامخه ابيه..اسياد البلد اهلها

-استراليا-ملبورن-عشق البلد

@ الله- الوطن الهلال (1898)..هلالاب سلاطين العشاق .يَمِينُ اللهِ مَلأَى لا يَغيضُها نفقةٌ..وجبين الهلال ضواى …والصبر مفتاح الفرج .. (أخـذًا رفيـقًا )..انا الظافرون باذن الله..نستودع الله “هلالنا” محط امالنا ركيزة  طموحاتنا ..!

سيد البلد عشق البلد ..كل ما تواجه وتنتصر لى نصر تانى يجينا شوق..البارحه السابعه م بتوقيت دولة سمو الزعيم الهلال “3 فجر..عندى” بينما وجلت قلوب بعض سلاطين العشاق ..لخلوا تشكيلة البروف “فلوران” من المحترفين والاسماء الرنانه بصراحه انا كنت منتشيه وجزلانه ..المباراة تنافسيه وفاتحة شهية وفى ذات الوقت اعداديه واتاحة الفرصه للمرابطين كانت حتميه وكشفت العقليه التدريبيه للبروف “فلوران”والمرابطين كانوا فى الموعد..نستودع المحبوب 

@هلالاب سلاطين العشاق :افتونى يا الحبان ..ومدونى بالبرهان :هل يجوز اللعب فى بطولة واحده مع “النجيمه ” الْمُنْخَنِقَةُ وَالْمَوْقُوذَةُ وَالْمُتَرَدِّيَةُ وَالنَّطِيحَةُ ؟ الاكلها الاهلى الخرطومى ..ومرقها من كاس السودان بى فضيحه..؟

@الله يدينا عمره ويوسع قبره ويحسن نزله ومرقده ..رحل صقر الزعيم الهلال و السودان “سبت دودد”..اطلق عليه الملك السعودى الراحل (فيصل) “الصقر الأسود”..بينما كناه الزعيم (عبدالناصر) “صقر السودان الأسمر”

المعلق “طه حمدتو”اطلق عليه (أسبوع تمام”وليس سبت واحد فقط) ..بينما اطلق عليه الرئيس السورى ( شكرى القوتلى) لقب”صقر قريش”..رحل متسربلا بوشاح عشقه وطنا يسكنه ..الساعه فوق ايدو الشمال”أزرق هلال” قلبه الهلال عشقه الهلال ..مولاى يا رب الهلال ..رب السماح رب الجمال ..فاضت اليك روح عبدك “سبت دودو” فهبه اللهم جناحين يطير بهما فى الجنة حيث شاء انا لله وانا اليه راجعون.

@ كل ما نشتل الافراح تجى الاقدار تمد ايدها لازم نقطعها من حدها -اى والله-عليكم الله شوفوا جنس الحاله دى ..؟حكومة السوباط:(لعلكم طيبين ..انتوا اديتوا اللاعب اذن ولا نودى السجن ..؟ وشن المعضله البتخليكم تدوا الاذن ..؟

@ ايا دارَ الجوهرة الزرقاء تَكَلَّمى.. هل غادر اللاعب “عيسى رمضان”الى ماما امريكا دون ان تعلمى ..؟

ما راعَنى إِلّا ان يكون قد هرب على حين غفلة ..حكومة السوباط السكات فى الفجه دى حقاره عديل ما بنرضاها ..طلعوا بيان شافى وضافى ..إن يكون قد هرب فقد فعلها من قبله (الريح كاريكا) عشية ملحمة الوداد المغربى ..فضاعت الكاس بل حملت من ملعب استد دولة سمو الهلال الى دار فاس بعد ما وقع الفاس فى الراس .. تتعدد الاسباب والذنب واحد ..والغدر حاضر..

..والاسئلة المشروعه تترى ..لاعب مقيد فى كشوفات دولة سمو الهلال ..مش جواز امريكى إن شاء الله عنده جواز الكون باسره فهو تحت رحمة دولة سمو الهلال ..كيفن يسافر بره البلد وحكومة الجنرالات تغط فى ثبات عميق..؟ كلامى دا حال تأكد خبر هروبه ..انتوا بترعوا فى غنم إبليس ولا هو التانى كمان “الساده” خان وغدر وسلمه جواز السفر ..وسمو الهلال مقبل على مباراة من نار جحيم عديل ؟ غايتو بدعى الله انه يكون سافر للشدييييد القوى ..بعدين هو وقع عقد ولا “جاء “جربنديه” ساكت ..؟ عشان يكون غادر للاسباب “تافهة الزكر” عايز شقه منفصله ..اوليس هنالك عقد ملزم محكم بشروط ..هل اخل سمو الهلال باحد تلكم البنود ..عشان اللعب يعبر الحدود سمح وين الشرط الجزائى ولا عقده ما مشروط..؟..البعرفهو المفروض جواز اللاعب يكون طرف العلاقات العامه يا سعادة الجنرال “حسن محمد صالح”..والمفروض تكون عيونك فى كل بوابات المغادره “مفنقله” زى الريال “ابوعشرة ” ياخ زمان ويا حليل زمان لاعب دولة سمو الهلال بل المنظومة “ججت” بتكون تحت المجهر والرصد ..قسمت بى الله الواحد لو مشى محطة المواصلات يقابل “جكسويه” فى ثانية التقراير بتصب زى المطر ..صنقر..قام..ابتسم..كشر..عزمها ولا ردمها ..يا حليكم والله يا ناس “هشام محمد احمد” كنتوا رابطين الاحزمه الناسفه ومرابطين فى كل الصقور ..اقول ليكم حاجه والله نفسى قام عشان كدى اخير اسكت الى ان يمن علينا مجلسنا “الهمام” بجلية الامر المره دى ..ولنا عوده..!

@دلاقين ما خبرتوا الدنيا..ضلاليين ما بتعرفوا الدنيا..(سدايه ورضايه)..انكربوا للجايه

@”قضارف الخير”..مسقط رأسى ..الله سبحانه وتعالى كلم النبى “موسى” عليه السلام فى القضارف..ما اعظمها ..تجابه جماهيرها غلاء اسعار التزاكر لارتياد دور الرياضه مشهرة سيف التحدى بوجه اتحادها الكروى اللهم انصر شعب القضارف على اتحادها .