عِـشْقٌ سَرْمَـدِيٌّ– هُـوَيْـدَا الـمـاحى- بسَفْحِ الهلال وميض نار يوشك ان يكون لها ضرام..!-اسامه داؤود”يصيب المريخ “المتردى -النطيح “فى مقتل
عِـشْقٌ سَرْمَـدِيٌّ– هُـوَيْـدَا الـمـاحى
بسَفْحِ الهلال وميض نار يوشك ان يكون لها ضرام..!
اسامه داؤود”يصيب المريخ “المتردى -النطيح “فى مقتل
-استراليا-ملبورن-عشق البلد
@الله الوطن الهلال..1898..هلال الروح أمنتك الله ..فى حلك وترحالك ..قالوا الحكم “مغمور” يعنى ما نستبعد سعيه ليكون مشهورا عبر “القبض”.. والظلم البواح ..علينا توخى الحذر من مطبات الغدر ولنا تاريخ طويل مع “كهن” وظلم التحكيم ..وثالوث الشر والمغربى “لاراش” ..وعمر المهنا..وجور التحكيم المحنا ..ندعو الله ان يخذيهم ويصرفهم عن وطنا سمو الهلال.
@قالوا الدود قرقر..واحييييييييييا سبب لى الم سبب لى اذيه الردم دا ..الرجم دا ..وييى ووووى ووووى”اسامه داؤود”يصيب المريخ “المتردى -النطيح “فى مقتل ..ويصرع مزمل الهلفوت المكفوت :(انا هلالابى مستحيل ادخل حفرة المريخ دخول ساااااكت)..الليله ووب وحى ووووب ..حميدتى ذاته قال ليهم :قنبوا واطه ..انا هلالابى.
@ غايتو الله يكفينا شر قلنا ..قالوا حصل “(دواس )بين إدارة المريخ..وناس الحله “الحيطه وقعت -اى والله-زى ما بقول ليكم كدى ..قالوا :”بسبب الشكله الملعب الرديف وسقوط برجى إضاءة ..وناس الحله اتحركوا لإزالة جدران الملعب بداعي التهديدات المجتمعية)يا كافى البلاء ويا حايد المحن حيثما كان المريخ تندلع الكوارث.
@”عيسى رمضان” هوووووى يا “جنا”..الجن اليركبك “جننتنا..سلامة ابوك ..ولكن ..ولازم يعاقبوك ويأدبوك ولو دعى الداعى “يكرشوك”..ياخ خلينا نقول المبررات الساقه ليك “كبوش” حقيقه ما لميت فى “عبدالمهيمن” انت كنت خارج المعسكر “ا “مغفل”..؟ وين مدير المعسكر لاحظ ما سألتك عن العسكر ..؟ ووين كابتن الفريق ..؟ ولا هو التانى كان مختفى متل عبدالمهيمن ..؟ الموضوع بالجد خطير ..يجب الا يمر مرور الكرام ..ابعادك عن رحلة مازمبى ليس بكاف ..!
@عندما هاتفنى فوزى المرضى :(هويدا الماحى) والدين هرب وانا ما بلعب كورة الترجى من غيره..اتصرفى..كنت لها وتمكنت فى بضعة ساعات من اعادة والى الدين بمساعدة كل من عاشق سمو الهلال “كمال النعيم” وعضو القطاع الرياضى “عاطف خليفه” ..وعندما هاتفنى فوزى المرضى :(هويدا الماحى الرشيد فيصل ما دخل المعسكر ..والهلال مسافر لاداء مباراة قاريه يومها حزمت امرى ويا بيت ناس الرشيد فيصل جاتك هويدا الماحى -اى والله-علما بان الرشيد فيصل حى ما مات عندما هاتفته قال لى تجى وين انا قاعد براى فى البيت يا استاذه وما ماشى المعسكر “قروشى شى شى لى سنين راجيها وغير وعود سراب ما قبضت حاجه..ما (هببتوا ليهو) ..ولقانى “كع ..كع..بخبط فوق باب بيتهم ..وكانت الصوره مقلوبه الرشيد فيصل خايف من رشاش يصيب سمعت كلانا ..والدخل الحمام ..ما اضطره للاستنجاد بالجيران ..اى والله زى ما بقول ليكم كدى بنات الجيران .”رفدن “”واتوافدن”..قسمت بى الله “اتقول ” ..حلت عليهن “زليخا ..بت ملك المغرب هيموس..ياخ امرأة العزيز..والرشيد فيصل سيدنا يوسف بس..!
ولم اغادر حتى اصطحبته معى وكانت ادارة الزعيم الهلال متابعه عبر الهاتف الجوال ..قلتها للرشيد فيصل وهى ديدنى: (لا اعد بما لا استطيع الوفاء به..)..اها وكت وصلنا جوار الهيلتون ..الرشيد فيصل قال لى :(انا بدور احلق شعرى..وبعدها بمشى المعسكر فى المهندسين..قلت الحمد لله ما قال عايز يرتق “قميصه”..فجن جنون فوزى المرضى وقال لى معقوله تضيعى العملتى دا “كوووووله” وتفكى الرشيد..معقوله يا هويدا..؟ فاجبته ابرمت معه ميثاق وقسم غليظ..سيكون فى الموعد ..فابر الرشيد فيصل وعده ..ما انتهزت الفرصه عشان اكتب لتحقيق مكاسب رخيصه ما دفعنى لصياغة هذه الاحرف هو الكاتب “كبوش -قيت”..القاصى والدانى يعلم ان الهوة التى اتسعت رقعتها حتى ابتلعت عظيم انجازات قدمها الدكتور اشرف الكاردينال “كانت” فاطمه “شاش”..لو لاها ..لما اتكسرت قزازة “كردنه” ولا كان “ادفق” الفيها ..وكان كمل مشروعه النهضوى فى البنية التحتيه ..رغم ذلك “فاطمه الصادق” كانت موظفه “مكلفه” فى منصب المنسق الاعلامى والناطق الرسمى “الكاردينالى ” بغض النظر عن اهليتها لاعتلاء المنصب ..لكن” النصيبه” الاسمه “ايمن كبوش” دا وظيفته شنو ..؟ وصفته شنو ..؟ وباى حق “يبرطع”..فى تفاصيل الجسد الهلالى لزرع الفتن والاحن والمحن ..باى حق يسرح ” الذئب” فى وادى “الأسد” الاسود ..؟ اى معلومه تلقاهو ناشره فوق حسابه الخاص بى تفاصيلها الدقيقه ..الصلاة فيها السر والجهر ..ولكن لا قدسية ولا سريه فى دولة سمو الهلال ..التى يستبحها كالسرطان مستشريا فى اوصالها .. على ادارة دولة سمو الهلال ان “تحترم نفسها وعشاق هلالها”.. حتى لا يفت هذا “الكبوش” اوصالها ويكون سببا فى كشف حالها واضمحلالها ثم زوالها .!
المزيد من المشاركات
