عِـشْقٌ سَرْمَـدِيٌّ– هُـوَيْـدَا الـمـاحى-حبلُ الهلال مفتولُ ..وقد وهنت حبائلُكم -عشنا وشفنا فيك يا دنيا …وكدنا عوازل السوباط-الاسطوره على قاقارين ينعى الاسطوره
عِـشْقٌ سَرْمَـدِيٌّ– هُـوَيْـدَا الـمـاحى
حبلُ الهلال مفتولُ ..وقد وهنت حبائلُكم
عشنا وشفنا فيك يا دنيا …وكدنا عوازل السوباط
الاسطوره على قاقارين ينعى الاسطوره
-استراليا-ملبورن-عشق البلد
@الله الوطن الهلال..1898..هلال الروح..يؤدى سماحة سمو الهلال مباراته الحبيه الفنيه الاعداديه ..سانحة طيبه لتوظيف البدائل فى عيسى رمضان .
@الم احدثكم عن الفوضى “الخرابه”الخلاقه “الحرب القذرة”..التى تحاك فى اضابير العهر الاخلاقى ..وقودها الصراصير والخنازير والافات ..وبعض المقربين من السيد “هشام السوباط”.. جواسيس منتفعين ما بعرفوا الاخلاص والوفاء .
-“أُحْبولة” تجميد الارصده و”فحولة” الرويبضه المترصده..كلنا عارفين ..وكلنا حافظين الانقلاب البرهانى كان من دافعه الاول اى الغرض منه إغتيال وفرتقة وفرزعت وتشليع “لجنة ازالة التمكين “..والله وتاالله يمين غليظ انا كنت عارفه “لانى قاريه” الوضع اول ما استمعت لجزء يسير من تهديد ووعيد “وجدى صالح” للقوات المسلحه ان الانقلاب قادم لا محالة فاعل اسررت واعلنت ..(بقاهرة وعاصرت ومزلة المريخ )..للاخوان بابكر الرفاعى وشقيقه الاكبر “الكوز” بان السودان موعود بانقلاب فى اليومين ديل ..وكان الانقلاب البرهانى بعد فرد يومين اكان ما اخاف الكضب ودخلنا فى دواس “بابكر الرفاعى “راسه وستين الف سيف الانقلاب سيموت لا محالة والمجتمع الدولى وررررب.. ررررب رررب..قت ليهو يا اللخو المتغطى بى شملة المجتمع الدولى عريان و”عبدالباقى الرفاعى “شدة ما فرحان قسمت بى الله قرررربت يقيم علينا الحد والشماته غيرت ملامحه وبدلتها لتسفر عن مكنون احقاد دفينه وشماته سخينه ..بينى وبينكم انا دى لو كنت عسكريه لى فرد يوم ولسه ما لبست” الكاكى “كنت خليت “وجدى صالح” يبيض ويكاكى ..البارحه سرى خبر تجميد ارصدة رئيس دولة سمو الهلال من حساب “من هو حوارى هشام السوباط”..مابين كبوش ومنصور الهادى ..والزعيم الهلال بى قادى يتأهب لاستحقاق قارى ما كان” لالد “اعداء دولة سمو الهلال “الجرثومى الجاكومى” المجاهرة بها لكن نسوى شنو مع السوباط وحاشيته لكن يا السوباط “البطانه” ما عندك قلتى لى يا حبيب ..!
خلونا مع موت لجنة ازالة التمكين من سنه تقريبا هل ماتت ولم تجهض نيابتها ..؟ ولا العشر قام ليهو شوك..؟
كلنا يعلم بان قرار الحجر والتجميد لا يأتى على حين غرة بل مدفوعا باجراءات تتطلب حيزا من الوقت ..الغريبه بعد شويه المشاطات ذاتن بى ذاتن مرقن علينا بخبر فك التجميد ..والله وتاالله عارفين البلد “ام فـكـو” ..لكن ما بالسرعه دى ..ايا كان الغرض من الخبر واشاعته..وكما تعلمون “المريخ” يكمن فى التفاصيل وبالحيل “شلوت” اسامه داؤود كان مزلزل ..(فجخن فجخ)..ان كان الفخ مريخى جرثومى من مكائد الجاكومى فقد طاش سهمهه وضل سعيه
على السيد هشام السوباط ان يعى انه رئيس دولة سمو الهلال وواجب عليه احترام الكيان وشعبه وتمليكنا الحقائق ..لماذا يتركنا السيد هشام السوباط لقمة سائغه للبسوى والما بسوى..؟ ولماذا قام بتغييب صفحته الفيسبوكيه عن هذا الخبر المزعج ..؟
@ابرق معزيا من بلاد العم سام.. “الرمح الملتهب الدكتور السفير على قاقارين..ينعى الراحل ..المقيم صقر الهلال و السودان..الراحل المقيم الاسطوره “سبت دودو”
@فى بريد العشق وانا بريد الوطن الهلال
=من عاشق سمو الهلال “عثمان النعمان”:(هويدا خنجر الهلال المسلول).
المزيد من المشاركات