عِـشْقٌ سَرْمَـدِيٌّ– هُـوَيْـدَا الـمـاحى-هلال الصمود لن يفزعه قرع طبول الشباب- الهلال والفرسان ابطال السودان ..المريخ فى اتون القاع!-وَعْثَاءِ المريخ كآبَةِ الـمَنْظَرِ، وسُوءِ الـمُنْقَلَبِ فِي الـمَالِ والأهْلِ..!

@هلالاب سلاطين العشاق ” الحبان” ..يا رمانة الميزان ..بسم الله مسراها ومجراها ..اى طفره عظيمه “الابالسه”..راصداها..على قول حبوبتى الراحله الملكه اليزابث التانيه “مالكم:..؟ حبوبه قالت لى “ابليس” كان بكره طينة ابونا ادم قبل ما يستوى بشرا سويا والمريخاب كذلك والمنتفعين هنالك ..ما تدوهم الفرصه وما تقسو على فريقنا الآن فهو لم يبارح مرحلة التوليف والتجانس والتفاهم لبزوغ..فجر هلال عظيم يهز الارض ..مافى طبخه بتستوى بين عشيه وضحاها .

@خلايق الله ديل “ججت”..عباره عن راس وقعر “قاع” ..سفح..ومتل ماكم عارفين الراس هو الساس والاساس ..والقعر “للاوباش “..مطاريد المصريين والاحباش ..اكيد عرفتوهن ..!..اها الكلام دا “كوووووله “_”لا شنى “ولاكته شنى ..؟

وكت سألتونى ..سمح “انقول” ليكم ..واى كلام بنقوله حلو “هلالاب والاجر على الله”🙁 لازمة الكلام كاس السودان ..القمه كورة الكاس بين الكبار وعلى رأسهم سمو الهلال “الكبير اووووى” والفرسان ..وفوق القعر والطيش يقبع الملاطيش ..ما بدور اجيب اسمهن زى المرض البطال ..!عظيم يا هلال

@نعشق التحدى ويا سلام على الشباب التنزانى الاتحدانا واتحدانى ..وشحذ الهمم مغازلة جماهيره لمبارة سيد البلاد الهلال ..روح التحدى هلال وارض التحدى هلال وبطل التحدى هلال ..!

@عجبت لامر صحيفة الزرقاء “الخرقاء” وعنوانها التطبيلى ..”للسوباط”..الذى لم يكلف نفسه اعلان امر تجميد امواله عبر الموقع الرسمى ولا حتى عبر “الخرقاء” هذى ولا حتى عبر صفحته على الفيس ..!..بل اختار التسريب عبر ..”مواليه” ..الذين عادوا فاعلنوا على لسانه ان الامر مجرد مكيده خرقاء ..نعم الخبر ارق مضجع امة الزعيم الهلال ..وكان على السيد “هشام السوباط” التواضع قليلا والخروج بتصريح عبر ..اصدارته ..البلهاء “الخرقاء”..وكت سكت راحته ..قروشه وهو حر فيها ..!

لماذا السعى لتصويره على انه البطل الخارق لمجرد اعلان هو نفسه ذهب مطمئنا الى انه خطأ اجرائى..؟

عبثت به بل وعاسته جماعة ذات مأرب ..افلم يعتقل فى نيابة المرحومه لجنة ازالة التمكين مرات ومرات..معليش هل يجوز الترحم عليها “ازالة التمكين”ام انها كافرة ملحدة ..؟ كدا ولا ما كدا ..؟

كان استهداف ولا ما كان استهداف ؟

حتى سيد شباب الزعيم الهلال العليقى كان فى امانة الله ..اول ما السيد هشام اعلن اضافته للجنة التطبيع “طوالى حبسوهم الاتنين..انتوا الصحيفه الناطقه باسم الرجل كان حرى بكم تحرى المهنية وتناول المؤامره الاسنه بصوره ترتقى الى مصاف الاصدارات الرئاسيه ..من تحقيقات صحفيه والقوس فى وجدان سلاطين العشاق وجراء مقابلات واستطلاعات ..وبيان من الريس او الامين العام ..لكن الهيصه والتطبيل ما حبابها ..امة سمو الهلال قالت كلمتها بتتويجه رئيسا على دولتها ..ياخ حللوا القروش “البتلهطوها” دى.

@دلاقين ملاعين “البارتى” ما عندكم ..اى والله- المدافع البنيني” كونو بارتي”..طلع ديسكو ..ديسكو شنو ..دا “المحط بالسوط” ذاته بى ذاته..لا دخل السودان ولا انضم للمريخ اللاجئ فى الملاجئى ..”ججت”..وبعد دا “كوووله”..”اشتكاهن”..اريته كان “اشتكاهن” لى الله..”ينكن” ..عقابهن يتأخر الى يوم “يهبطون” ..وكيل اللاعبين الأردني “محمدالشوحة” ..غرض النجيمه “الشرشوحه-المفضوحه” .. بطنه “طمت”..قال :(سوداكال شخصٌ غريب الأطوار وما يحدث في المريخ ليس احترافية وإدارة مستهترة وصدمت من طريقة عمل النادى)..يا اللخو شيحه ما سوداكال براهو ..”الدلاقين الملاعين “كلهن” “حسن تسريحه”ونفس الشريحه القبيحه” السنيحه”

@هلالاب سبب العذاب لنا الصدر دون “الدلاقين”.. ولهم “الحفر والحفر”

الشهادة السودانية كالعاده احرزت المركز الاول عاشقة سمو الهلال “أمنية محمد موسى”..ما قلنا ليكم العبقريه والنبوغ عاده ونحنا اسيادها ..واسياد البلد ذاتها ..!

@ “التسوى”الجرثومى – الجاكومى”تلقى “فى كف النقى”..قاليك

“قشطه كف” حنان جوطة كف لما لفت صينية..زى مروحة الطربيز

@ايمن زيدان ..لا..لا لا..كلب السوباط..لالالا..ايمن السلباط..لا..لا

ايمن السمسار..لالا..طيب ايمن الشمشار..لا..لا..ياخ دا (ايمن القوقو)..”ايمن قدر ظروفك “”ايمن مرحوم قدرك”ايمن الخلاء ياخ..والخلاء على المريخ..

المريخ الكان “ابوريسين “بعد ما غرقوا المركب ..بقى ابوا تلاته رجال ولا اقول ليكم تلاته ضراير “ضرات..سوداكاس -حزومى الافلاس..وايمن

ابوجيبين ..والحشاش يكتلوا نجمته يغطس حجرها ويفطسها ..!-اى والله-طبعا..ناس “مزمل جلاب البلاوى”..عشان يضربوا “حزومى بالصرمه القديمه..وما قروا ولا دروا حزومى على قلبه زى العسل واحد بدفع يدفع وبكره حزومى يلحقه الجماعه الفاتوا والرئيس الفخرى الهجمه وكضمه للابد.

– “لقطولم” واحدا كدى عنده “قريشات” متل “لقيطهم ” لى حزومى البكاى ..مافى زولا سمعبوا قبل دا ..على ذات السلم الثنائى “ابوجيبين”-اى والله -اسمه كدى “ايمن مبارك (ابوجيبين”..ظنيته بمرق قريشاته من الجيب دا ..وبقلعن ويختهن فى الجيب التانى.. صاحبنا قال كدى ودق سدره “ما اياها” دقت “حزومى” ذاتها بى ذاتها جابوا وكت الزنقه وبقى ليهم الخنقه والفطسه ” قدر ما شالوا ما بتشال ..حزومى سبب الودار عشعش وكنكش ..خلونا فى الجديد “لنجى” وعلبة “البرنجى” ..القام دفع قريشات التجديد ..للاعب “التش”..المصيبه فى التسريبه قالوا “التش” انشطب من المريخ يا رجاله-اى والله زى ما بقول ليكم كدى ..اخلوا خانته لامن كان مصاب ..اذا تسجيله فى فترة عقوبة الكاف باااااااطل ..!

-سمح يا ناس اتحاد الجرثومى الجاكومى وين عقوبات الفيفا والكاس ووين ومتين مريخكم حيطبقها ..فوقها ايقاف من التسجيلات ولا ما فوقها ايقاف من التسجيلات ..؟؟؟” التش ” معلق فوق السيستم” اريته كان “مطلق”-توقيعه الحالى جريمه لانه وقع برررره السيستم انشوف لجنة الانضباط والغرامات والعقوبات متل ما سويتوا فوق لاعبنا “الصينى “دى حرقتكم ..!

-قام “تالتن ” “ابوجيبين “..اعاد قيد الثلاثى “قيت” ومعاهن “بيبو..

“كيه” فى حزومى ..و”احيييا “..انت ماك عارف انه المريخ واقع فى توريطه بدل اعادة قيد “العواطليه” ديل كنت تسدد غرامة المحكمه عشان ترفع عنه العقوبه يا رئيس الغفله “تالتن”..فى الخرمجه والعولاق مخالطن..!

@فى بريد العشق وانا بريد الوطن الهلال..اى والله..!

=عاشق سمو الهلال:”الطيب شرفى”:( الابنه الفاضله هويدا بنت الاجواد

تحيه واحترام ..تابعت اليوم عمودك المقروء كعادتى فى كل يوم وحقيقة لم اجد الكلمات المناسبة للتعبير عن كل مايجيش بخاطرى حيال تلك الكلمات المفعمات بحب هلالنا العظيم وكل ماسكبه مدادك الدفاق المرتوى بذلك العشق السرمدى تجاه الكيان واستخدامك لاقوى راجمات الكلام القوى الموجع ان صح التعبير لضرب الاعداء من الدلاقين ومن لف لفهم الذين أعيتهم الحيله واصابهم الاجهاد والتعب والنصب وهم يلهثون وراء السراب بكل الطرق والوسائل للنيل من الهلال الذى نبت واخضوضر فى رحم الوطنيه وشب وسط القيم النبيله وترعرع فى ميادين النضال الوطنى ومازال على العهد به يسير وفق ما اراده له شعبه ..وانى بالعوده الى ما احتواه عمود اليوم أرى وميض نار تحت الرماد وكما أشرت الى مكايدهم للنيل من رئيس الهلال هشام السوباط اقول ان الاشرار دائما تجدهم يتبعون مساويء الناس ويتركون محاسنهم كما يتبع الذباب المواضع الفاسده ( غير انى ارى ان لا محاسن لهم البته)..ولا اعدو الحقيقه ان قلت انهم ولا أحد سواهم وراء ذلك الخبر بقصد البلبله وصرف الناس عن الاهتمام بناديهم وبالاعداد عن الوقعه القادمه مع الشباب التنزاني ..ولكن الله قد فضحهم وأخزاهم وقبح أفعالهم ..ختاما اقول لك انتى الان تقفين فى المقدمه للذود عن حياض الهلال وضرب الاعداء بالكلمة الصادقه والحجة والبرهان فى كشف مخططاتهم وكل أفعالهم النتنه ..وياليت ان ينتبه كل كتاب الهلال ويتبعون ذات النهج فى محاربة الاعداء وضربهم اينما وجدوا ..والى الامام وليبارك الله مجهوداتك ويعينك على خدمة اعظم نادى فى البلاد..وليخسأ كل من عادى هلال التربيه والقيم الفاضله ومهد الاخلاق النبيله..الطيب شرفى الجمعه ٣٠/٩/٢٠٢٢ م).

=عاشق سمو الهلال”ابوقصى “السعوديه:(عشق سرمدي اسم يقطر ذهبا في عالم الاعمده الرياضيه تجده حافلا بكل ماهو جديد من أخبار معشوق الملايين سيد البلد وانا كغيري من هؤلاء تفاجأت وانا اقرا في الإعلام خبرا عن تجميد ارصدة رئيس دولة سمو الهلال وكلي يقين بأنها مكيده دبرت بليل لتعطيل هذا الكيان ولكن نقول وبالفم المليان لكل من تسول له نفسه المساس بهذا الكيان ومسؤوليه بأنكم خاسرين وسيكشف الله خبثكم ويجعل تدبيركم تدميرا لكم بإذن الله ونسأل الله أن يحفظ الهلال ويحفظ مسؤليه ومشجعيه وانصارة أين ما كانو ويحفظ بنت الماحي هذه المناضلة الجسورة التي تحمل في جنباتها حب الهلال وأهله أين ما كانو ويوفقها ويعينها على هذه المهمة الجبارة فسيد البلد قارة باثرها لمن لا يعرف ذلك من المرجفين والمنافقين والماجورين. ونواصل)

=عاشق سمو الهلال”يوسف الجبادى ..(عزيزتى مساء الخير-اليوم اعتذر لظروف صحية للرد على العمود الشيق على الكلام المنمق ذو الحقائق المرة للمتملقين والمندسين خلف المندسين للذين ﻻ يفقون ماذا تقولين ..والله اعلم جيدا روؤس كبيرة ﻻتعرف وﻻ تعى م تقولى اتمنى واتمنى واتمنى ان يجد حديثك هذا اذن صاغية وعقل مستنير والله هذا قرأته مرتان ولم استوعب بعض الكلمات التى تأتى سهاما على هؤلاء القزرة والله ي بت الماحى حبك للهلال يفوق لحب اى شئ فى نفسك مكحلة بالشطة هنيئا مريئا لك..ارجع لبداية العمود حبل مفتول ووهونت حبالهم عشان كده الناس ديل تذليهم بعبارات قدرهم حديثك هذا للذين يحملون احاسيس فياضة ديل دلم بجم دلاليك يضربون عليها ويرقص كل على هواه..ادعوا لينا بالشفاء..تحيات لك وانتى تبذلين وتضحين وتخاطرين بم يمس نفسك الله يوفقك)-اللهم “يوسف الجبادى”اخى من رحم” سمو الهلال قد اشتد عليه المرض ..اللهم اشفه شفاءً لا يغادر سقمًا.. اللهم أذهب البأس ربّ النّاس، بيدك الشّفاء، لا كاشف له إلّا أنت.