عِـشْقٌ سَرْمَـدِيٌّ– هُـوَيْـدَا الـمـاحى-فالنرمى باسلحتنا الكوره بتلعب بالاسلحه المشروعه..!

عِـشْقٌ سَرْمَـدِيٌّ– هُـوَيْـدَا الـمـاحى

فالنرمى باسلحتنا الكوره بتلعب بالاسلحه المشروعه..!

النابى هل كان حبا لاهيا..أم كان عشقا كاليقين..؟

منذ الازل المستعمره المريخيه تحت لواء احد رجال دولة سمو الهلال

استراليا -ملبورن-عشق البلد

@الله الوطن الهلال..1898..!..افراح الوطن الهلال..!..يا هلال الروح يا سلاف الروح..!

@ حملت الانباء  عن تعديل وقت مباراة سمو الهلال والشباب لتلعب عصرا ..وهو حق مشروع للخصم الذى يتوجب عليه استخدام كل الاسلحه المشروعه للظفر بالمباراة فى ارضه وسط جماهيره..ليتنا تعلمنا من خصومنا “الحركات ” دى ..ان ننتهز الفرص لنرمى بكل اسلحتنا الكوره بتلعب خارج ارض الملعب بتهيئة الظروف القاسيه للخصم اى الحرب المعنويه التى لا نجيدها للاسف ..يلعبونا عصر نلعبهم عز الضهر ونقول للشمس “اتفقعى”.

@ مكالمتين لبعثة سمو الهلال احداهن من رئيس دولة سمو الهلال واختها من مدرب الخصم مدرب سمو الهلال الاسبق النابى ..هل كان حبا لاهيا… أم كان شيئا كاليقين ..ولا غباش بين الاتنين يا النابى ..؟

@احقا فتحت بوابات الجحيم فى الجوهرة المفخره وتمت مسألة “البروف محمود السر”..؟ فوق ورطة مجموعة (رامى كمال -عوض طاره -الفريق يحي وعلم الدين. ) لاختراقهم الماده 45 من النظام الاساسي..؟ متل ما ناضمنى “الزعيم “..؟.

@ظهور معدات شركة “CATAPULT “عملاق التحليل الرياضي الأسترالي في تدريبات الهلال..خطوه عملاقه تقودنا الى السؤال عن تركيب الاضاءة وماذا اراد الله بالسيد خالد “هداية الله” فى اسبانيا.. ولا احسب ان بحث امر منهدسى التركيب يستغرق كل هذا الوقت الموضوع فى غاية البساطه اما ان توفد الشركه مهندسيها وعمالها الى السودان واما ان تبرم عقدا مع احدى الشركات من داخل السودان ..ولا شنو يا هداية الله ..؟

@فى بريد العشق وانا بريد الوطن الهلال -اى والله-

=عاشق سمو الهلال “يوسف الجبادى “:(بعد السلام عاشقة الهلال دون حدود عاشقته حتى الموت من اجل الهلال قولتى تهون روحى..سؤال لشنو المسئولين عن نصر وهزيمة الهلال لما ﻻ يشعرون بم يحدث لكم وانتم تتجرعون الهزيمه اكثر مرارة الحنضل..ارجو ورجاء خاص ان تكتبى لكل من يتهاون فى الصرح العظيم من لاعبين واداريين والله كل من لاعبين واداريين نال شرف دخول هذا الصرح اصبح يشار اليه بالبنان..عشان كده رد الجميل لازم اكون اكثر من جميل ..والله اخير الملاريا منعتنى الكتابة ..ده لعب شنو ياخ ..؟ ارجو من اللاعبين اشعروا بمرارة الهزبمة قبل الناس)

=عاشق سمو الهلال “ابوقصى ” السعوديه :(دائما مبدعه بنت الماحي في الوصف لما يدور حولنا وقد كفيتي ووفيتي في ما جري لمعشوق الملايين في وديته الأولي التي كان من المفترض أن تكون أمام مازيمبي وانا لا استبعد أن تكون هناك أيادي خبيثه قد كان لها دور في ما جري والمال أصبح لغة هذا العصر وبه تشتري النفوس الضعيفه ولكن نقول بأننا كعشاق لسيد البلد لا يهمنا النتيجه ما دام المباراه تجريبيه ولا يهمنا مع من نتباري ولكن لا يرضينا ابدا مثل ما حدث لان الهلال دوله والدوله لها قوانين تحفظ كينونتها ونظامها ولكن كما يقول المثل العتري بتصلح المشي ونأمل من إدارة النادي أن تكون في الموعد لأبطال مثل هذه الافاعيل قبل حدوثها.ا ما الشامتين من اهل الوصيف ومن جاراهم نقول لهم بأن هذه الثلاثيه سبقوتنا فيها في بحر دار من فريق نحن من أخذنا لكم الثأر منه واقصيناه من البطوله. نسأل الله أن ينصر معشوق الملايين ولا يشمت الأعداء فينا ويوفق بنت الماحي للدفاع عن سيد البلد واخذ حقوقه وإرشاد القائمين على إمرة لطريق الصواب.)

@مديونيه حازم علي المريخ ٢٨ مليون دولار. بالمستندات ..هل سيتم سدادها ام سيلجأ “حزومى” الى المحكمه ..؟

@معروفين من قديم المستعمره المريخيه بتكون تحت لواء احد رجال دولة سمو الهلال من فوراوى مرورا ب “ابوالعائلة” وجمال الوالى وانت ماشى لحدود “الكاميرا الخفيه” ابو جيبين.. الفزعهم امس القريبه دى طلع ” هلالابى على السكين). .وقال كدى القنصل حازم فرش الملايه لى مزمل ابوالقاسم وقال فوقه مالم يقله مالك فى الخمر ..:(من اقوال حازم : (1-مزمل دا كان مجرد مراسلة في صحيفه الهلال من أين له هذا سنعود إليه وبالمستندات ..؟

2-اي دولار حولته ليهو ح اشيلو منه ..-“الليله وووب” لكن نان هو يجيبن ليك من وين يا حزومى الا تكتر دموعك بس..!

3-دفعت 17مليون دولار ولم أجد كلمه شكر لكن ما بخلي حقى..(عاد الرسول النبى فيك ما تخلى ولا مليم اقلعن “ججت “منه .

4-لو بكره سوداكال حول لي مزمل دولار واحد ح تلقو بالبونط العريض أفضل رئيس )-“اجق اجق اجق “..كويس انك عارفه رخيص ووضيع يباع ويشترى بثمن بخس يخسسسسى .

5-انا داير اعرف مزمل دا لعب كوره وين عشان يحلل ويشرع ..؟

سمح انقول ليك انا مزمل لعبها كوره “طايره” -اى والله تاالله -“فاحت ريحتها سنيحه وكريه” وما زالت فايره الله لا وراك الطايره اللعبها والمصائب الكسبها وصمات عار البدور يخرسه بزكروا بيها طوالى بعمل فوقها ابو” الحميل “-“حمل وديع “.

@ مازمبى لعب ودية سمو الهلال مع مازمبى-اى والله -زى ما بقول ليكم كدى.. ..هن اتاريهن عندهن فريقين واحد رئيسه الاب والتانى رئيسه الابن ومن جاب فريق اباه للتبارى مع سمو الهلال فما غشنا ولا كضب ..ويظل العجب فى كيف تسرب الامر الى الصفحه الجماهيريه قائما  ..!؟

@هانت الزلابيه شدنى العنوان 🙁 الصادق الرزيقى : لقيط الصحافة وربيب الفساد السياسى )) ردا على مقال(الرزيقى) (ما أشرفها من معركه) بابكر المفضل – المحامى – كندا..سمح رايك شنو يا استاذ بابكر فى اللقيط الاحقر منه دا هل تصدق انه تم تعيينه مستشار تحرير لاحدى الاصدارات ليخرج علينا بغثاء معفن عن مقاطعته النشر فى الصحيفه ..وابسط قواعد المهنية ان يدفع باستقالته لكن قاعد محكر مستشار تحرير..يعنى بقبض مرتب على الفاضى وما عارف حقيقة وضعه .. يا قلبى  لا تحزن . الرويبضه يتكاثرون  قاتلهم الله .