عِـشْقٌ سَرْمَـدِيٌّ– هُـوَيْـدَا الـمـاحى(1)-الـزرقـاء الـرعناء الـهـوجـاء الـخرقاء ..آفـة هلالنا..!!

@(الـزرقـاء)  والارزقيه..آفـة هلالنا ..السواقه بالخلاء ما بتشبه هلالنا ..تهويل و”افورة”وتطبيل اجوف ..مانشيتات طويله وعريضه :(مؤامرة كبرى ضد الهلال .. لتكتمل حلقة التآمر على الهلال قبل ..معركة ألابطال..إستنكار هلالى للمؤامرة على الهلالل قبل معركةاألبطال) ..!

لا والله ..قوموا لفوا تبا لكم ..!

هلالاب أساطين العشاق :(ارى تحت الرماد وميض نار ..شعللتوها بخبر تجميد اموال السوباط ..”وانبشقتوا “..جايين تفخموا وتضخموا ممارسه ديمقراطيه عاديه بل ظاهرة صحية ..هل كانت الشكوى بحق الجهاز الفنى او احد اعمدة فريق الكره ..؟ حتى  تقعد بركب سمو الهلال ..)؟؟؟؟؟؟؟؟؟؟؟..دونكم الحكم القضائى الصادر بحق حارس الاهلى والمنتخب المصرى “الشناوى”بالحجز على امواله وحتى بيته لم يسلم .. قريباتى السنه الفاتت ابان زوده عن شباك الفراعنه فى  كأس العرب 2021 فى ربع النهائى كمان ..مرق محامى الحارس وقال نحترم القضاء والشناوى كمل زى الماحصلت حاجه ..!مؤامرة شنو يا جهابذة عصركم ..دى اسمها ممارسه ديمقراطيه عادى جدا فى اى ساعه تتقدم طعون وشكاوى فى المجلس او لجانه المساعده ..وين المؤامره المزعومه هنا ..؟

-لا وكمان عنوان فرعى تانى :(لجنة الانضباط تتجاوز القانون وتقبل شكوى ..فالصو ضد اعضاء المجلس )..فيما تجاوت القانون افتونا يرحمكم الله يعنى الشكاوى مرفوعه عن اعضاء مجلس الادارة ..؟ والقانون حرم وجرم على اللجنه قبولها ..؟ تبقى اللجنه “مهبوله”..سمح وكتين الشكوى فاااالصو “الجقلبه” والجرسه دى لازمتها شنو ..؟

فالصو يعنى ما بتساوى الحبر الممهوره بيهو ..بعدين لو حضراتكم “بتتلبشوا “من شكوى فااااالصو ..وكمان بترتقى عندكم الى مصاف المؤامره شن بتسوا وشن بتقولوا (لو كانت الشكوى ما فالصو ..؟؟؟؟؟

والله ما فالصو الا انتوا ديل ..!

@رحم الله امرأ اهدى الينا عيوبنا..درجنا عليها وتلفناها من لسان”عمربن الخطاب “..سمح من لى ب”واتساب” ابن الخطاب ياخ ان شاء الله “التويتر”..حقه المهم وسيلة تواصل بالعدم رسلوا لى حماميه من الحمام الزَّاجِل “حبوبه و”يكيبيدا “..قالت هو من أصول أفريقية تحديدا( السودان -ليبيا والجزائر) سمح الوداهو لاعن اوربا واسيا شنى ..؟ ما علينا خلونا من الحمام الزاجل “انشوف” بالمكشوف ” حِمَامُ الموت”..والاليه الاعلاميه سبب الاذيه من الله خلقنى ما شفت لى زول عدو نفسه بالدرجه دى ..جهابذة الاليه الاعلاميه تكلموا فاسمعوا الخصم خفايا الزعيم الهلال على طبق من الماس -لما يطلع الموقع الرسمى بتفاصيل التفاصيل عن تمارين سمو الهلال فى الكنغو ..يبقى البنقو ما كعب ..كعب البنقو الكعب ..-اى والله-زى ما بقول ليكم كدى ياخ معقوله تهدوا “النابى” الفوله وقشرتها ..!؟

قال شنو قال وقف التمرين عشان المدافعين ما بعرفوا “الرصه.”..اذا هنالك خلل كبير فى الدفاع ..وهاك يا الشباب التنزانى واحد من عيوب الزعيم الهلال اضرب على الوتر الحساس دا ..! عشان المدافعين ما بعرفوا يقيفوا ..بالله شيف ..؟و”النابى ” بيقرأ ويتكلم عربى ..يا قلبى لا تحزن .

وقباله فلوران جهز المهاجمين فلان وفلتكان وعلان ..”العله التاخدكم”..ارتقوا الى مصاف ان شاء الله حتى المواقع المبتدأة لو جبنا ألـد اعداء دولة سمو الهلال “الجرثومى الجاكومى” استحاله يكون اشد ضررا منكم ..المصيبه مجلس الاداره عن بكرة ابيه عاجبه الحال وساكت وربما عاجز عن سؤال “عيال “السوباط” تبا يوووووخ..خلونا نوفر حسن النيه ونقول انكم ما قاصدين وفى نفس الوكت ماكم عارفين “أبجديات الشغل”..ما اياهو الصديق الجاهل ذاته.!

@البلوله “بلو” اى والله البلوله اتبله وقعد فوق الصقيعى بره ..قالولك خدعوا وجرحوا سمعتوا ..عرفتوا ..؟ البلوله الليلل البليله “اللت ” الكومبارس “ابوجيبين “اتاريهو سمعوا “طنين” بل ارهبوا عديل كدى قالوا لو فى (شخصية سيادية) عايزه تفرض الكزمبارس “أيمن ابوجيبين”..من شان عارفنه رجافه ..وفعلا رجف وتوالى قام عينه رئيس على المتاعيس ..دا كلام العدو الجاكومى ما جبته من عندى ..!

@السفير عبدالعزيز رئيس بعثة الزعيم الهلال لمباراة الشباب التنزانى ..والمتحدث عن الرحله ومتطباتها وبياناتها وقراراتها “سيد شباب الهلال العليقى” دى يبلعوها كيف ..؟

حتى الاتصال بادارة “مازمبى” اعلن عنه “العليقى” مع انه دا شغل رئيس البعثه السفير عضو مجلس الاداره ..وقبلها خرج علينا السيد العليقى وعقب لقاء سانت جورج ببيان ضافى عن قرار عدم التلفزه على انه كان قرار المجلس ..سمح وكت هو قرار المجلس وين الامين العام ..؟ اوليس هو بالناطق الرسمى ..هنالك خلل كبير فى اضابير حكومة دولة سمو الهلال ..اخشى ما اخشاه ان نفيق ذات صباح على انفجار الاوضاع بصوره لا يمكن تداركها ..المؤسسيه مطلوبه والمليارات ما تداوى وقعت الطوبه ان جات فى المعطوبه ؟