عِـشْقٌ سَرْمَـدِيٌّ– هُـوَيْـدَا الـمـاحى- قَلبى اليَومَ مَتبولُ ..ضَوْعُهُ العطر الهلال.!-يا”سبت” فرح “هويدا”.. وابقى للعشاق هلال..!

@ يا”سبت” فرح “هويدا”.. وابقى للعشاق هلال..!..يا”سبت” ابقالنا عيد” ..وهلال مجيد ..(ضَوْعُهُ العطر الهلال).. ابقالنا عنبر “ما تبقى خنجر..!يا “سبت “ما تبقى قاسى سوقنا لى فرح الاماسى ..”الشباب ” لو لى ربه ناسى ..وللحكم زى “الدلاقين”..جيبه “راشى” “..! سقت لى الله التماسى .. ربى اخذل كل راشى ..الله بمهل  ماهو  ما هو غافل وماهو ناسى.. ! ..بى جوده يهدينا المراسى .. !-يا “الشكه” ليك التماسى ..ابقى واحه ريدنا الهلال نسمة هواها ..يا الله زلل كل قاسى.. بيك تعم الفرحه دارنا وبى هدف انصر هلالنا .. حُجَّتنا دعواتنا واملنا  وهلالنا عمادنا ..يا الله حقق لى مرادنا .. الفرح لو فارق  هلالنا ..حسره علينا وغصة فى وجدان صغارنا ..يا “سبت ” ابقالنا اخضر ..ابقالنا انضر وابقى محفل ..النصر الهلالى اكيد حلاوة العيد ..!! والمولد النبى المجيد..من جكسا لا عند الغربال واخوانه هلالنا نوره شلع والله زانه وعلا من شانه..!

@”روميرو” والاجر على الله ..قال للبرغوت “ميسى” مافى طريقه ترجع برشلونه نوهائى مفلسين ومقحطين ..غايتو انا دى سمعت تحت تحت قالوا ناس فشلونا حالنا يحنن الكافر “حال الدلاقين بس” ماعندهن التكتح .مفلسين ومتجرسين -اى والله- ..هسع دى يجيبوا ليهن “كومبارس “..سيد اللبن” من وين..؟ غايتو الا يتشاركن “ابوجيبين” مع الدلاقين” ويشربن “سيما” ويبقن “اخيات” من الرضاعه ..والله تاالله “مغستى” من “نياصة” عيال الاهلى طرابلس البارحه كتلتنى عديل وكالعاده لم استغرب شراء ذمة “الحكيم” “اللئيم “..ياخ دا شدة ما “سقوا” حليب لحدود ما “اتمبل ” ابوتمبله” عليكم الله حصل شفتوا ليكم حكم ببدد “يهدر” فى الزمن ..؟..دا حليب ولا “عرديب “يا عشه كشب ..والله اخييير “حرجل محاسن “..”انتوا “مسعولين “من الخير ..”حزومى” امس دفقت “دميعاته”..ولا ما جوعر و”بكى” ..؟ غايتو انا بشوف المفروض يتوحدوا الاتنين “حزومى وابو “اللبين”..ويقول كدى حزومى يدوب لبن البودره بى دميعاته والدلاقين “يتحنطروا”.

@قلوبنا معاك هلال الساحل..لن يعجزك بيراميدز باذن الله..!

@فى بريد العشق وانا بريد الوطن سمو الهلال

=استاذه هويدا صباح الخير عبرك نرسل رساله لادارتنا معقوله الدلاقين المفلسين تنقل مباراتهم مجانا ونحن ادوها لعزام ويحرمونا من عشقنا السرمدي ولك كل التحايا والاحترام غايتو نحن عندنا الساعه عشره مساء عشان كده قلتا ليك صباح الخير)

=عاشق سمو الهلال “ابوقصى” السعوديه:(لله درك ومبتغاكي الصحفيه الجسورة بت الماحي فكل عمود تكتبيه يعتبر ذاد يفيض خيرة على عشاق الأزرق يتقدمهم الاداريين ثم اللاعبين ويسندهم جميعا كما قلنا من قبل قرابة الثمانين في المائه من سكان البلاد فكم اتمني لو تكون هذه المناضله الجسورة ضمن إدارة هذا الصرح العظيم فكل ما تكتبه يخدم مصالح الزعيم ويبعث الطمأنينه في عشاقه بل كل كلماتها هي بمثابة جرعات من الحماس علي لاعبي سيد البلد أن يستفيدو منها ليفرحونا نحن عشاق سيد البلد ومريديه.نسأل الله مخلصين متضرعين له أن يحفظ الهلال لاعبين واداريين ومشجعين وان يجعل الفوز حليفهم ويتوجهم بكأس البطوله لهذا العام.

@عندما تعزف يا قلبى الاناشيد القديمه ..نحنا وكتين نضمنا واخونا “محمد احمد قال الزعيم سمو الهلال بحاجه الى ادارى “شفت” كلامه ما وقع واطه نوهائى ..تنزانيا بااااارده ..بدل ما نلعبهم فى الجوهرة عز الضهر والشمس “صهراجه” عليكم الله شوفوا ناس السوباط ..كمان مددوها ساعه قال شنو قال عشان السوبر الافريقى ..يا قلبى لا تحزن..اى والله-الكوره الساعه 8بالليل والكاف قال للزعيم الهلال امين ..يعنى شلنا اصبعنا وطبزنا بيهو عينا..عليكم الله يا العليقى ركبوا ليهم تكييف مركزى فوق حوش الجوهرة المفخره الرسول ما تقصروا “يوجع ينى لامن يغنى” والغنى خشم بيوت ..!..غدوتنا الرسول “ص” قال: «الحَرْبُ خَدْعَة»كما قال :(نُصِرْتُ بالرُّعْبِ مَسِيرَةَ شَهْرٍ).!..انها الحرب حكومة السوباط والقائد الميدانى المدجج بالخبرات نورها ووقودها ومفاعلها النوووى ..!

@شوف بالله :(أئمةالمساجد يناشدون الملصليين الدعاء لنصرة الشباب التنزانى) ..سمح خلونا بدل خوف نسمى حب..وشتان ما بين حبكم لفتيتكم وعشقنا السرمدى لهلالنا ..ونفحات الأرواح..للدعاء لاجل نصرة غرام الروح سمو الهلال عبق خاص يتنشقه العالم باثره..تشدو  المآذن وتخشع القلوب..اللهم اروى أمانينا بماء جودك وكرمك وحقق لنا الأحلام..هلال. !

@حاكو..حاكو:(الزعيم الهلال : عروض القنوات السودانية ضعيف و لا ترتقى لمكانة الهلال 2022/09/15م-المريخ : عروض القنوات السودانية ضعيف و لا يرتقي لمكانة المريخ ..2022/10/07م “عقدة الدونيه متجزره..!..يا سبحان الله تصادف ان تم السطو البارحه على “لازمتى” للحبيب الهلال” (يا غرام الروح)..!-اى والله-

@من اقوالهم :

-فخامة السوباط:مهر التأهل على حساب الشباب التنزانى ..حافز قيمته ” 3″ آلاف دولار لكل لاعب )