عِـشْقٌ سَرْمَـدِيٌّ– هُـوَيْـدَا الـمـاحى-   شَلَعْ اَلْهِلَال فتمَلَّكُنَا سُّكَّرُ وَمَا بِنَا سُكَّرٌ..!..!- الاسيست ودمويس  الغربال هاله لون الدم بساله وكالالالا ..!- عروس القاره زغردى حانت “القيدومه” ليكى ..!

@ عشق الهلال دا برا..الدكاتره…قالوا لا..لا..والف لالا ..ما مرت علينا زى الحاله دى يستحيل..الفصل بينها وبين هلالها ..دى مجنونه نحنا ما قدرها..”هويدا” العاشقه العصماء ..جنك حير النطاس..و جنن العلماء..دحين ودوها للفقرا ..واقروا ليها يا الفقرا..من عشق الهلال الهلال تبرا.. عشق الهلال كتلها..دى بتتشابا لى اجلها..!

@ترجمة السوانح الى فرص محتاجه وقفه من البروف فلوران

اهدر الهلال سوانح كثيره ليس بالامس فقط بل وحتى فى عهد المدرب “موتا”..ظلت صناعة السوانح ماركه هلاليه واهدارها علة هلالية..المحمده فى هز شباك الخصوم فى عقر دارهم من بحر دار لا عن دار السلام..ضاعت اهداف بالجمله..!

@تاج العزه هيلك يا هلال وسيل العظمه نيلك يا هلال

رئيس نادى “سيمبا ” كان حضور فوق المقصوره ..وقف مع الهلال بقوة بشعار النادى..وجماهير “سيمبا” الشجعت الهلال منصوره ..!

@ألأزرق لون الصفاء الروحى والنقاء الفكرى عاشق الأزرق حاد الذكاء شديد الفطنة حكيم القول والفعل وملتزم التصرفات..!

@فى بريد العشق وانا بريد الوطن الهلال

=عاشق سمو الهلال”ابوقصى” السعوديه:(نحمدالله حمدا كثيرا طيبا مباركا فيه وهو يستجيب لاكف الضراعة التى ارتفعت تسأل الله أن ينصر سيد البلد ويسهل طريقه للمجموعات عبر دار السلام ونحمد الله حمدا كثيرا طيبا وهو يستجيب لكل كلمة وردت في عمود الصحفيه الجسورة بنت الماحي وهي تربط السبت بالفرح في كل كلمة كتبتها في عمود السبت ونحمد الله حمدا كثيرا طيبا وهو يسخر مشجعي سيمبا للوقوف مع الزعيم داخل الملعب مشجعين له حتى كانت ساعة النصر اكتمال الهلال فقد كان هدف التعادل بمثابة الفوز الكبير الذي تجسد في هدف نادر ما نجده في ميادين كرة القدم الشرق الأوسط بل حتى لو كانت في الدوري الأوربي فهنيئا لسيد البلد بالغربال واخوته ومذيدا من التقدم والانتسار حتي نبلغ المباراه النهائيه لتقام بالجوهرة بإذن الله.

@عاشق سمو الهلال”فاروق السنى” ناضمنى فوق الماسنجر ورسل لى (معتصم جعفر ……)قمت “كان ردى رديت🙁غصبا عنه وبنحلق برانا دلاقينه ما معانا..الحبيب شموخنا وعزنا “هلالنا” طيب بنضحك برانا ..ونسعد برانا ونعيد برانا الدلاقين واتحادهم السجمانا الرمدانا برى وبرى وبرى ما معانا ..!)

@العليقى الحريقى فوق الدلقون “تصدقوا وتأمنوا بالله يا هلالاب فى لون أحمر سمو “العليقى” اى والله اسمه كدى الاحمر” العليقى”..ودا الجنن الدلاقين وخلاهن “يزوزن” بالعليقى الحريقى ..بمغسهم وبولع النار فى فشفاشهم ذاته “الاحمر العليقى”..!

@البارحه تنزانيا كانت كلها جووووه الملعب ..الشباب حشد البلد ..حتى المساجد ناشدوها تكون بالدعاء ليهم سند ..والاستاد شحنوا بالجمهور شحن ..وشافوا المحن ..!..اسمعى واسمعى يا تنزانيا اول التبادى :(التباهى بالجمهور العريض “هيلنا” مو “هيلكم”..والبون مره شاسع ..انتوا حشدتوا الجمهور ونحنا جمهورنا ما مشحود علينا براهو ..بصارع ويقهر الصعاب ..انتوا شحدتوا الدعاء من المساجد ظهر الجمعه ..والهلالاب اساطين العشاق ..سألوا الله قبال الجمعه دى بى جمعتين تمام ..ودعواتنا صادفة لحظة استجابه والحمد لى الله .!)

@اسياد اللوارى بص المريخ اتعطل تعالوا ..الدلاقين “مشتتين” فى الشارع ..!..قالوا البص وقف ..اى والله اتعطل ووقف فوق الزلط وهن راجعين من مدينة الابيض ..يستاهلن الجهجه..!

@ احسب ان المعارضين للمعسكر القصير بالكنغو قد حدثتهم انفسهم البارحه الكنغو ولا البنقو ..حصدنا ثمارها تعادل بطعم الفوز ما اجمله

@الملك الهلال والزعيم الريال “صنوان” البارحه الفرحه كانت “الغربال” و “ميليتاو”

@”ياسر ود مويس “..خطف الباك خطف ونتف الباك نتف ..الباك اتلحس”..سطوه وعجنته..بشيش..اصاب ” تنزانيا ” رعبا ..دقوا للبوليس تعال الحقنا ..”ياسر “..ادانا بالشلوت خطف الباك عديل ..والباك صبح مفقود ..ياسر ود مويس ..حرام عليك “بشيش”..خلينا ناكل عيش..الشرطه ما نفعت ..لو كررتها “حررررم ” بنستعين بالجيش..!

@تعالى تعالى ..تعالى ..وطفحت المدارى ..مسلسل(كلب السُّرة )..على “زى دلقان” “اففففى”..عفن جنس عفانه بس..!

@اللخو عاشق سمو الهلال”ابوطه قطع اخدر” النظم والنضمى دا مجاره ليك  (ابوطه ” القطع “الجانا من “تنزانيى”..قطعا لونه أزرق غانى.. من ليلة الخميس النوم هجر جافنى.ما غمضت رمش ولا سكت وجدانى..والله العظيم انا لى  ليالى بعانى ..والنوم ضاق ذراع ..والله واتحدانى ..ان ما غفيتى ..انا ما بزورك تانى ..واخيرا  قام  قنع فج وهجر جافانى..منصور يا الهلال..معقوده فوقه لسانى  .والله جن “جنانى “..والدعاء مستجاب لامسنى هز كيانى..ضميته الهلال خبيته فوق وجدانى يا النوم والنعاس انا شنو بدوربك تانى الدخرى الحبيب ..سرانى فرح بالى سيد ريدى الهلال عزانى ريح بالى ..!