عِـشْقٌ سَرْمَـدِيٌّ– هُـوَيْـدَا الـمـاحى(ج2)-هل الهلال وارتعشت  النجوم فى ليلة السبت -الرشيد”المعويه” المحترفين النص كم عزفوا “التُم تُم” دم . تك .دم” ..ولا ما” بتشم”.. !

عِـشْقٌ سَرْمَـدِيٌّ– هُـوَيْـدَا الـمـاحى(ج2)

هل الهلال وارتعشت  النجوم  فى ليلة السبت

الرشيد”المعويه”محترفينا النص كم عزفوا “التُم تُم” دم . تك .دم”ولا ما بتشم”.. !

استراليا -ملبورن-عشق البلد

@طال انتظارى ليلة السبت. حتى ظننت انك لن تأتى..وعندما جئتى حسبتك لن تمضى يا انتى يا ليلة السبت فتكشفتى وتبسمتى “هلالا “كم عذبة انتى..!

@ أساطين العشاق ماكم مشحودين يوم الاحد 16 اكتوبر ..يوم الملحمه ..

.يا هلال المجد والحب والبساله امتك امواج تهب تنصر هلالها .

@الرشيد “المعويه”شفت الطلعات الجويه..المحترفين”النص كم” عزفوا “التُم تُم” دم – تك -دم ..ولا ماك” بتشم”.!..الرشيد “المعويه”مالو ..؟ معذب بالهلال وما عاجبنه ابطاله ..”يهرطق مجهج حالو ..؟بى هلالنا “اشتهرتوا “..والسيره سيرتوا ..هداف العرب “نلتوا” بهلالنا بى فنيلته ..كيف هانت الايام..ونسيتو يا انتو..وجفيتوا -اتنكرتوا ..وجمايله ما صنتوا ..وعهد الهلال خنتوا..!..تبا لكم ..ها زول انقرعى ..الهلال يا بعيد اسم الله سر جلاله وقدسيته وجماله جناس تام مستوفي.اسم الجلاله الله قول (الف ..ولامين وهاء )-(أ-ل_ل_ه)-عظمة الهلال فى الجناس..وللجناس احكامه -هلال(“هاء لام الف لام-“ه ل أ ل” نفس الحروف بالضبط ما قلنا ليك “السبت” العظمه تاجها هلال والعزه سيدها هلال ووطنا ريدنا هلال.. !

@المريخ في ليبيا قال عاوز يعبر للمجموعات..العبور من ليبيا دا الا عبر مراكب الموت والسنابك..!

@ سئى الحال “كان غلبك سدها وسع قدها”

ناس” سبورتاق” سووووا “الفتاك”.. ! ..قالوا “سوداكال” الما قدر يرجع لكرسى الرئاسه بالمريخ ..سوداكال ياخ ا..لقلعوا منه مفاتيح النادى وخلوا بلا مفاتيح ..سوداكال يا راجل ..مكشوف الحال “الشنقلوا” من الكرسى فى وضح النهار وبقى يزازى ..لا- عن- يومى ويومكم دا ..و الرئاسى بقت بالهطرقات والبيانات والتهديدات ..لحدود ما القنصل حازم ..قصدى أكلوا اكل وكتلوا كتل..وخلعوا نتل ..لامن مات وظهر ابوجيبين ..سوداكال العاجز عن انتزاع كرسيهو ..قبل ..حفر لدولة سمو الهلال و”تابعـه” المريخ ..من شان يطيرهم من الابطال قالوا اشتكى اتحاد الدلاقين للكاف لانه فريقي القمة الرخص دون استيفاء الشروط..! والغرض طرد الفريقين من دورى الابطال ..المخلوق دا بطال ولا ما بطال جاوبنى انت يا الطبال ..؟يا قلبى لا تحزن .

@اوووو “سيمبا ” سيمبا سيمبا..جمهوره راقى زى دا ..اووو سيمبا..رد الجميل هلالنا بى ادب !!قالوا التسوى تلقا..هلالنا قدم السبت ..وجماهير سيمبا .. شكرتنا وأزرتنا ونصرتنا يوم السبت وما أحلى السبت سبت الوفاء ورد الجميل ..سبت “الخبط”..ناس فى صباح يوم السبت اتمسخت قرود “الدلاقين والجحود”..وناس السبت بقى ليها عيد ..صادف المولد النبوى المجيد.

@المرايل” أرقتنا وازعجتنا.. أثارت حفيظتنا وسخطنا..فما سكتنا..و “فنان الهلال هيبه وجمال “طلع بالحيل “فنان” طوالى قام “فننت” فنن السؤال لى “مهيار” ..الحمد لله مهيار برد جوفنا وقال :(المرايل دى “اللت”الكاف فرضوها علينا فرض ..الكاف ينقرض يا مهيار والا يحترم مشاعر الاهلة وشعار الهلال ..يجب ان يحترم شعارنا ويفصل لينا “مرايل” بتشبهنا بدل “المرايل”..اللونها ماهو خايل ..”متل ” اللت ريالة الشفع الخدج..يا “العليقى “الكاف كلموهم وعلموهم يا” العليقى” اذا تبسم ولا بنجيب مرايلنا برانا..!

@فضايح الدلاقين زادت..شحدوا الاهلى الليبى من شان يرجعوا معاهن بالطياره “اللتن”..عليكم الله شوفوا “دنائتن”-دناءتهم ..ناس الاهلى كشروا فى و”شيهن ” وركبوا طيارتهم ومشوا مشيهن ..هم ما بتوبوا نوهائى قاموا تانى شحدوا الاهلى الملعب لاداء مباراة ولا اكان تمرين ما بعرفه فوق ملعب المباراة الاهلى قال ليهم البحر قريب ومراكب الموت على قفا من يشيل .

@فى خطوه غريبه حرم اتحاد كوستى المشجع “ود المستر” من الدخول الاستاد 3 سنوات بسبب كتابة ساخرة على وسائل التواصل الاجتماعى..ما هذا الغلو يا اتحاد كوستى ثوبوا الى رشدكم صحى الفاضى بعمل قاضى .

@آرسنال يقهر ليفربول بالثلاثة ويا حلاتها ..اللهم لا شماته ويستعيد صدارة الدوري الإنجليزي.

@من غير ميعاد “تلفن “لى احدهم وانا جنى وجن الزول “البصحينى” من النوم اويتصل من غير لزوم وتالتهم “البنط ” لى كل يوم سلام بلا غرض طيبين بلا مرض..اى والله-..ياخ وكت ما رديت عليك السلام المفروض تحترم نفسك لكن تلقى السنه كلها يشيل ويرسل وانا ما برد..تبا. ياخ..المهم بعد انفعال وثورة قال لى لا حولا..انا عمك فلان وانتى ياكى هويدا الماحى معقول استراليا ما غيرتك..فاجبته:( استراليا غيرتنى وقلبتنى “بوتن”..نووى بس)..قال لى والله يا هويدا الماحى امس كنا فى سيرتك انا وفلان وفلان وفلتكان “وحاتكم يا الحبان مافوقهم واحد ما عاد كالعرجون القديم ..قلت ليهو :(عشان كدى كان ماسكنى ابوالشهيق” يامعشر الشيوخ تبا لكم ..يوووخ ..فضحك ضحكة مجلجلة وانا اعييييط.. وحق الله بق الله وحق سمو الهلال..يا ذا الجمال..معقوله انتى يا هويدا الماحى..ست الفهم فى الكوره ما تتناولى الجوانب الفنيه؟..“قت -لو”..سيدى “الفاضل العاقل” التناول امانه يعنى قصدى”النقد” وليس “النكد”..انا عشان اشخص او اقيم لاعب او اداء مدرب الامر يستوجب المشاهدة والمتابعه والالمام “بتكات” وتفاصيل كتيرات صغيرات وكبيرات ..انا لم اشاهد ملحمة الزعيم الهلال فى تنزانيا ..انى لى بالتقييم الفنى اذا ..؟..عليه لن اقوم بتشخيصها فالقلم امانه..قام طوالى قال لى انتى زوله متناقضه ..!-منو دى انا دى ..؟ايوه انتى الخلاكى قبال سنين ترشحى الحارس على هاشم للهلال من خلال مشاهدتك للاعب فى اقل من شوط بخليكى تحللى المباراة..عاد يا يمه يحلنى الحل بله من القيد والزله و”الصينى “لاعبنا من” جريوات الحله ” انا لا جبت سيرة المريخ ولا الله قال ..المهم فى قادم المواعيد انا بحكى ليكم يا سلاطين العشاق حكاية خطف حارس كوبر على هاشم من معقل امن الدوله للهلال والمطاردات والله كوبر بقت بس مطاردات شوارع “المكسيك” وانا دى والامين البرير وفوزى المرضى بالله اتقول “عصابة لوس زيتاس” ذاتها ..مطاردات عنيفه وخال الولد مريخابى ومدير جهاز الامن وقتها وبعد دا مرقناهو ..من معقل جهاز الامن “معسكر تسجيلات المريخ وقتها “..(زى الشعره من العجين )هلالاب ما بنهاب الموت .. !

@نبض العشق السرمدى ..نقرات عشق نمة ريد.. غرام الروح ..(من الأعماق ناداني حنينك وعيش كمان حياتي سنينك كل جوارحي تقول أهواك -ويبقى العشق ما بقى سموالهلال !”)

زرقـاء الـعشق

هُـوَيْـدَا اَلْـمَـاحِى