عِـشْقٌ سَرْمَـدِيٌّ– هُـوَيْـدَا الـمـاحى(أ)-بوح أساطين العشاق زاد الحبان ليهو أعز مكان

عِـشْقٌ سَرْمَـدِيٌّ– هُـوَيْـدَا الـمـاحى(أ)

 بوح أساطين العشاق زاد الحبان ليهو أعز مكان

السودان-عشق البلد

@هلالاب سلاطين وأساطين العشاق..ازيكم كيفنكم .. “عيمودى” “عيمودين  الجزء الاول منكم  عيمودى حقكم بعتز وبباهى بيهو -اى والله بتفشخر بيهو ..وحريصه بالحيل عليهو .

@من عاشق سمو الهلال “دكتور  احمد العمرابى”..والله يا استاذه هويدا الماحى انتى فخر للسودان والهلال ..اول حاجه فى مفردات عظيمه ما حصل سمعنا بيها الا من عمودك وسارت على كل لسان بداية من الجندلة والوطن الهلال وسمو الهلال وسلاطين العشاق ثم اساطين العشاق والله انتى عرابة كتاب سمو الهلال ولا غرو انك رائدة الاعلام الرياضى النسوى ..لكن ملعون ابوالهجره الحرمتنا وحرمت سمو الهلال من خزائن ابداعاتك والله يا هِـويدا انا بقيت وكت انطق سمو الهلال لامن جضومى  يتنفخن براهن من العظمه والمشيه ذاتها بقت معاها قدله ..وامس قدمتى لينا محاضرة فى ردك على اخونا “ابوعمر”المشفق على “الرشيد المهديه منه لله عدو الهلال ..من واقع تجارب ثره عشتيها وعاصرتيها واتزودتى بيها والله مجلس السوباط محتاج لى ارائك السديده وخبراتك..ومشهد اخر يجسد مدى تفانيكى وسعيك لاسعاد امة سمو الهلال ..والتضحيه لاتاحة معظم مساحة عمودك للعشاق وفى الاخر ..عزيتينا جد وخصصتى لينا عمود كامل نعبر فوقه عن دواخلنا ونبلغ ..رسايلنا..والله بفتش ليكى فى لقب يليق بيكى لكن غلبنى عديل ..الله يحفظك لينا ..”ويبقى العشق ما بقى سمو الهلال ” دى براها لوحه تأريخيه عظيمه وانتى عظيمه يا هويدا الماحى تسلم البطن الجابتك .

@عاشق سمو الهلال ” المقداد عبد العزيز عبدالله”:(بت الماحى سيف الهلال البتار تحية وسلام وحب واحترام بعد اذنك..الهلال داخل علي مباراة فاصلة وبحسابات الكرة لسه لم نتأهل اتمني تصرفي النظر حاليا في قضية المجلس الحاليا والمثول امام اللجنة العدلية الي حين تأهل الفترة دي الهلال محتاج استقرار ودعم من كل القطاعات جماهير اداريين لعيبة وصحفيين..لك خالص ودي واحترامي عاشق الهلال المقداد عبد العزيز)

@من عاشق سمو الهلال”برهان محمد”:(استاذتنا الجميله هويدا الماحي تحياتي لك وانتي واحده من اهم قلاع الدفاع الهلالي نعم اتخذ عمودك الراتب وضعية التأهب القصوي عبر رادار مرعب لكل المرجفين فاصبح عمودك من اولي خطوط الدفاع الهلاليه ولهذا قصدت ان تكون رسالتي عبرك وعبره لان من يدافع عن الكيان بهذه الشراسه والبأس سيستمع لنصحه وحديثه المحبين للازرق الدفاق نعم نريد عمود كامل لمخاطبة الجماهير الزرقاء نريد توعيه وتبصره لنستفيد من اخطاءنا ولايضام الهلال بسبب محبيه نريد جمهور جميل مثقف واعي مختلف في كل شئ جمهور يخاف علي نادقه من سيف عقوبات الكاف نريد جمهور يعلم انه بسبب تصرف ارعن من مشجع دفع الف جنيه يمكن ان يدفع الهلال غرامه لاتقل عن 40 الف دولار اولي بها ملعبنا الرديف او مناشطنا المتعدده داخل النادي ويمكن تكون هذه الاموال راتب شهري لاكثر من لاعب اجنبي او محلي لدينا يجب ان نحسبها بالعقل لا بالعاطفه نريد ثورة وعي في المدرجات تواكب حجم العمل الذي تم في الهلال مع وافر شكري وتقديرى).

@نبض العشق السرمدى ..نقرات عشق نمة ريد.. غرام الروح ويبقى العشق ما بقى سموالهلال !”)

زرقـاء الـعشق –هُـوَيْـدَا اَلْـمَـاحِى