عِـشْقٌ سَرْمَـدِيٌّ– هُـوَيْـدَا الـمـاحى(أ)

بوح أساطين العشاق زاد الحبان صمام الامان

استراليا-ملبورن-عشق البلد

@من عاشق سمو الهلال مهندس”طارق عبدالماجد”:(والله يا استاذه هويدا الماحى )انا كنت بكرهك موت ..وكنت بنال منك مع اى مخلوق يجيب سيرتك ..للاسف الشديد كنت مشحون من قبل عدد من الاشخاص عكسوا لى عنك اوسخ صوره ..حتى فى استراليا وصفوكى بالعاهرة ..وغيرها من الصفات المذمومه..امس جمعتنى الصدفه برجال عاصروا هويدا الماحى من وهى طفله ..كسبت التحدى ومضت فى سبيلها زولها واضحة لا تخشى فى الحق لومة لائم ..وخاضت معارك تهد الجبال طلعت منها مرفوعة الراس وهى فى بداية طريقها فى المرحله الابتدائية ..سبحان الله غيروا لى صورتك تماما ..وحكوا لى عنك الاساطير ..وبالادله ..قمت طوالى اتصلت فيديو قدامهم باحد اعداءك وخليتهم يسمعوا بقول عنك شنو ..وكانت المواجهة شرسه والله قال الروب واقسم انه ما حصل قابلك ولا مره ..وكل ما اشاعه عنك من راسه ..الله ياخده ..عليكى الله اعفى لى وانا اخدت درس مهم جدا فى حياتى والله تانى عمرى ما بسمع كلام زول عن زول الا اشوف بى عينى والله توبه سامحينى يا هويدا الماحى والله انا لا قادر اكل ولا قادر انوم واتصلت على اى زول شوهت ليهو صورتك وضحت ليهم انى كنت عميان حتى فى القروب حق الهلال كنت مانع نشر عمودك دخلت وضحت ليهم كل الملابسات وكمان حظرت تلاته اشخاص لانهم ضللونى وخلونى اشيل ذنبك سنين طويله ..اعفى لى يا هويدا الماحى عليكى الله اعفى لى انا ندمان والله ندمان وانتى قلبك كبير .)

@من عاشق سمو الهلال “يوسف الجبادى”:( تقبلى شوقى اليك..فليتقيأ المندسين والحاقدين والمتملقين بعيدا عن ثوب الهلال سيد البلد لانى اشتم فيهم هذه الصفات التى هى بعيدة عن صفات الرجولة ظل  هؤلاء يتقيأون منذ زمن بعيد على مائدة وصحن اكلوا منه حتى تشجأوا ..عليهم ان يحلموا بعيدا عما يصبوا اليه انهم اعداء يجب عزلهم لانهم ليس صنو للهلال اطلاقا ﻻ يشبهوه انهم يقفون على تل من الاقذار التى تبعدهم حتى عن ملامسة الجدار الخارجى للهلال انهم كوم من الانتهازين كما قيل سالفا انهم يمتازون ببرود مشاعر غير عادى انهم يعضوا الايادى التى تمتد اليهم نتمنى من الله ان يبعدوا عن الهلال حتى ننجز  ما نصبو اليه)

@من عاشق سمو الهلال “هشام ايوب”:(استاذتنا هويدا خبرك ان شاء الله بخير طبعا انا عارف جمهور الهلال بسمع منك وعبرك ارجو شاكرا توصيل رساله لجماهيرنا الكرام انو يبطلو نقد اللاعبين والاداره لحين الإنتهاء من معركة الأحد لانو انا شايف في انتقادات حاده تجاه اللاعبين بزات الغربال وابوعشرين وانا شايف انو دي أمور دلاقين متواجدين داخل القروبات الهلاليه ومع الأسف في جمهور هلالي يساعدهم علي ذلك ولك مني خالص التحايا والاحترام)

باش مهندس “طارق عبدالماجد “ يقينى بالله يقينى-وثقتى فى الله أنه يحمينى..ويرد عنى المظالم . اللهم إني أحسنتُ بكَ الظَّن فاجبُرني..رفعت لله قنديلى فأوقده فهل تظن يداً في الارض تطفئني؟لا وربى ..ومليار لا ..لن اطيل ولن ازرع فى حرثك الاباطيل ..اوجعنى ظلمك وجورك وجع شديد بالحيل ..وامثالك كثر..وفرحت بان هداك الله عن اكل لحوم البشر ..بالغيبه والبهتان ..ابشرك لقد عفوتُ حتى لا يكون لنا عند الله لقاء..!

=عاشق سمو الهلال”عمر دهب”:(عاشقه هلال الملايين بت الماحي الرشيد المهديه ليست المره الأولي ولا الاخيره في مهاجمه لاعبي الهلال لديه حقد دفين وتعاون وسهل الدلافين الكثير ويعني ما بقول وكان متكبرا واسالوو أصدقاؤه إن كان لديه صديق في زمنه والهلال لا يحتاج لمثل الرشيد ليحلل لنا نحن والله في غني عنه وأمثاله اردميه ما وجدتي الي زبك سبيلا يتحدث بخبث ومكر ودهاء لايفوت علي عقل بشر والسلام. عمر دهب الحلفاوي)

@عاشق سمو الهلال “ابوقصى” -السعوديه:(لك التحيه بنت الماحي صاحبة القلم الذهبي المميز وانتي تتفردين بهذه الاعمده المعطاء وتتجولين بها يصحبك الملايين من عشاق سيد البلد وانا واحد منهم نجد كل ما لذ وطاب من أخبار الزعيم على طبق من ذهب فيها كما نكون أكثر سعادة وانتى تزودين بكلماتك القويه عن حقوق الهلال ضد كل من تسول له نفسه العبث بمقدرات سيد البلد حتى ولو كان من المندسين وسط المشجعين. الذين باعو تاريخهم في الهلال.)