عِـشْقٌ سَرْمَـدِيٌّ– هُـوَيْـدَا الـمـاحى(ج-2)-سوات العاصفه بالشباب التنزانى وفعل السيل وكت يتحدر يكسح مايفضل شئ..!

عِـشْقٌ سَرْمَـدِيٌّ– هُـوَيْـدَا الـمـاحى(ج-2)

 سوات العاصفه بالشباب التنزانى وفعل السيل وكت يتحدر يكسح مايفضل شئ..!

استراليا-ملبورن-عشق البلد

@هكذا تكون بدايات البطل..طبعا  “الما بطل ” تابعنا .ريحته توم وبصل..والله كرهتى فى الدنيا دى “المباراة …اى والله-ما زمان قلت ليكم وكتبت ليكم مع بواكير عصر لجنة “التطبيع”سمو  الهلال عالمى ..وودنوباوى محترم ..لعب الكوره لاجل الكوره دونما من او اذى “اوخرخره”..وكان المشاهد منتشى ونشوان ..كورة الهلال ماشاءالله اتقول الدورى الانجليزى المعتق ..وفلوران زايده حلا ..بالتبارى بالمحليين ياخ خلى “لعاب” مدرب الشباب وتنزانيا “ججت” يسيل وجف حلقومها ..كانوا راصدين ومندسين لكن فلوران طلع ثعلب مكار قال ليهم هاكم اتفرجوا فى المحليين ..!..رباعيه ولا احلى وحتما وبى اذن الله القادم اروع وامتع واحلى ..! 

@20 الف دولار غرامه اوقعها الكاف على سمو الوطن الهلال ..صحى عدو عاقل خير من عاشق خلونا نقول احمق “مـودر”..وظلم ذوى القربى اشد مضاضة على سمو الهلال من الدلاقين الملاعين لو تعلمون يا هلالاب ..ال20 الف دولار دى كان اولى صرفها على ما ينفع الوطن الهلال..لذا ساظل انادى بتعلية السور “السياج” العازل متل قفص المصارعه بينى وبينكم القفص ولا “العفص” والدفس والرفس والعقوبات الما حبابها ..!ومفطزم اللبن ما بسكتوا” اللولاى..!وحاجه تانيه كمان خليكم عادلين “مافوكا”..حاجه لو العشاق جوا داخلين بى قوارير المويه “اللتن” ما القوارير ياهن القوارير وما فرقت لو اشتروها من الباعه المتجولين داخل الاستاد او جوا شايلنها من بيوتهم ..!

وخليكم عارفين”تعليق” حرمانكم من مؤاورة المعشوق سمو الهلال ..وضع مؤسف وقد حففتم دخولكم بالمخاطر ..”النصيحى”..بقت علينا  براى سويتها فى نفسى ..ولن يشفع لكم سوى التوبه النصوح وطلاق الشماريخ والالعاب الناريه ..المرجوعه فى مسماها بعد صافرة النهايه والوجع لى “هنايه” التابعه لينا .!

@بيان من الكومبارس “أيمن المبارك” رئيس لجنة التسير اللت مزمل ابوالقاسم فافقدة الشرعيه والموضوعيه ..المسكين ما لحق يتهنى بالمنصب “المكلفت” واصله الاصل ما ببقى صوره ..! “ابوجيبين”مجرد “كومبارس “لا راح ولا جاء وقام بنفس الدور ومزمل ابوالقاسم سايقه بالخلاء والله” احسن ليك تكون  “ابوكباس”ولا “الكومبارس”..! مزمل عمل من “تيس العبور”..واريته كان عبر ..”حايصلى” سعال ديكى عديل “ناس التش ” التششهم” ابوجيبين حلال على لجنة حزومى ولا حرام ..؟

@قالوا “السمانى الصاوى ” ماهو قاعد فى الضرا ..كبرا”..بالباب الورا ..و”تلفونها “سكرها “وقفلها..عاد يا (تـابـعـنـا ) الخلاء عليكم

@البارحه “فشلونا” قررربت تبقى فى حق الله ونجت من الهزيمه بى اعجوبه ..!

@ عاشقات سمو  الهلال فخر السودان شيمتن” البكور”..وهاهى ذى الاعلاميه رئيس حقبة المناشط بدولة سمو الهلال..“غاده عبدالهادى ” قدلت وسكتت الخشامه وسوت فى الدلاقين” كـى” ..وظفرت باول..مشتركه دائمة فى تطبيق أنا هلالابى..! وبسم الله ماشاء الله..حقيبة  مناشط دولة سمو الهلال ترسل الافراح مع كل صباح..عبر السيطره على المراكز الاولى وحصد الذهب طوبى لك “غاده عبدالهادى  “