مجادعه بين عشاق سمو الهلال (ابوطه -هويدا الماحى قطع اخدر-نَجَرَ أزرق)

مجادعه بين عشاق سمو الهلال (ابوطه -هويدا الماحى

قطع اخدر ونَجَرَ أزرق)

السودان-عشق البلد

ياجمهور الهلال يوم
الاحد عايزين نستف
دارنا

نقطع لسان النابى
ونرميهو فى جحيم
إعصارنا

نحرق الشباب بلهيبنا
يضوق الويل وينسحق
بنارنا

نحن نصعد المجموعات
نفرح ونغنى نضرب
طارنا

ابو طه
قطع اخدر
13/ 10/ 2022

========

نَجَرَ أزرق

ابوطه الاحد  اقدارنا من افعالنا

نترس من دقش بالروح نفدى هلالنا 

“النابى” الشالف شبالنا ..نكتحه بالهبوب 

حرم يشوف إعصارنا الما شافه من قبالنا..

نهبته ليك هبت و نسقيه من “فنجالنا”

وفريق السشباب ما ظنيته لاقى مثالنا

نلبشه بالعصار وندفنه بى   زلزلالنا

المجموعات سبيل ما غاية لى آمالنا 

التتويج مرامنا  ديمه طامح حالنا

خايضين للحروب ..يارب تطول آجالَنا

 يوم المنى .عروس القاره ربح هلالنا

والعظمه ليك  هلالنا..!

زرقاء العشق هويدا الماحى