عِـشْقٌ سَرْمَـدِيٌّ– هُـوَيْـدَا الـمـاحى(ج1)

شغـف أساطين العشاق

@من عاشق سمو الهلال انا “عمك “ابو عثمان” ..” سفير سابق في الاتحاد الاوروبي ..استاذه هويدا الماحى والله العظيم والله حبك للهلال خلانى احبك ياخى دا حب عجيب..انا صديق للسفير الراحل “نجيب الخير”له الرحمه..هو قريبك من” جبل ام”..  اذكر فى مره غالطته قال لى ما من الشبه باين..قارن بين صورتى وصورة هويدا الماحى  ..نحنا “العمراب” دمنا واحد وتقاطيعنا واحده ..بصراحه يا بتى حبك للهلال خرافى والله زيك مافى ..قدر ما نتحدى فى حبنا للهلال بنلقى انفسنا اقزام حيال “بت الماحى”..مافى حاجه قدرت تحول بينك وعشقك حتى الغربه وانتى فى اقصى اقاصى الكره الارضيه استراليا والهلال معاكى محل ما قبلتى ..المرحوم السفير نجيب الخير قال لى هويدا الماحى دايما بتقول لى “حملت الهلال وطنا يسكننى” ..عليك الله يا بت الماحى خلينى اجاور الهلال فى دواخلك.. من اى طينة انتى حتى اسم عمودك  طفرة وقفزه نوعيه..”عشق سرمدى” والله اول مره فى حياتى اقيف عند كلمة سرمدى وافحص الفرق بينها وبين الابدى والازلى ..خلال ردك على الراحل “نجيب الخير” ليه ما اخترتى اسم عمودى عشق ازلى ..جاء ردك عاصف :(الأبدى  ما عنده نهاية  و الأزلي بلا بداية..  الأمدي له بداية و نهاية..بينما السرمدى: لا بداية ولا نهاية..انتى بتكتبى بى مداد روحك قوية  وعنيده وصنديده وجبارة ..فى الدفاع عن الهلال لا تخشى فى الحق لومة لائم ..وعمودك مليان بتطرقى لاكتر من موضوع واكبرت فيكى حرصك على رسائل عشاق سمو الهلال ..ياخ كونك تخصصى لينا عمود ما اعظمك وما اعظم مكانتنا عندك مافى زول غيرك فكر مجرد تفكير يفسح لينا مساحات زى دى ..من اللرسائل المؤرشفه عندى ردك على المرحوم النجيب..لا احترم مجنون ليلى البته لانه كان السبب فى ضياعها ..وفلسفتك انه لو كان قيس يعشق ليلى حقا لما تفوها حرفا من الشعر عن ليلى حتى ينال مبتغاه وهو العارف بالعادات والتقاليد مخالفته دليل على بحثه عن الشهرة وليس “ليلى”..اتوسل اليكى هويدا الماحى ارجعى لى هلالك ..!

@عاشق سمو الهلال “برهان محمد”:(استاذه هويدا تحيات وجمعه مباركه عليك ..الموضوع كيفية التوعيه ولمن لايعلم هنالك فئه معتبره من الجماهير ماعندها علاقه بالميديا يعني الهيلمانه الحاصله دي بسبب كاف ولا علي بالهم لذلك نرجو الاتي ان تكون هنالك سياره تحمل مكبرات صوت بالقرب من بوابات الدخول لتوجيه هذه الجماهير قبل المباراه وترديد اناشيد الهلال للتعبئه وشحذ الهمم ونفس الشئ يحدث داخل الاستاد تشتغل الاذاعه الداخليه في الملعب عبر مكبرات الصوت قبل المباراه بساعتين تردد الاهازيج ثم تتوقف لتحذير الجماهير وتوعيتهم مما قد يضر بالهلال من تصرفات غير مسؤوله نعم توعيه مباشره بالصوت وده افضل حل ولك كل الود والتقدير وده مجرد مقترح اتمني ان يصل للمسؤليين في النادي عبر عمودك المقرؤ)

@عاشق سمو الهلال “يوسف الجبادى”:(حسب تجربتى وعمرى القصيرى الذى تبادلت معك فيه م يدور ويخص الهلال انك تكتبى وتتحدثى بكل ثقة ليس كلاما ملفقا كلام بدلائله وثقة نفسك م هى التى جعلت منك هذه الشخصية القوية التى يبحث عنها الماكرون لتدميرها انك تقولى الحقائق وعلى حق ثم انك تحمل بين جنبيك شجاعة فائقة قلما نجدها فى غيرنا..مهما قولت عنك فإنه حقك..لقد حباك الله بعقل سليم..تحياتى لك)

@عاشق سمو الهلال :”ابـوقـصى”السعوديه:( عاشقة سمو الهلال ورافعة الرايه الزرقاء الممزوجه بالأبيض الناصع لك التحيه مني ومن الملايين من عشاق سيد البلد في الداخل والخارج اما عاشق سمو الهلال صاحب الاعتذار المهندس طارق فبالتاكيد جموع الرسائل التي وصلتك كفيلة وزياده لتبين لك مكانة بنت الماحي العاليه داخل وخارج السودان وتدفعك للاعتزار لها في كل عمود تكتبه وان كانت هي قد قبلت اعتزارك من الوهلة الأولى لأنها من أسرة عظيمة كعظمة الأحرف التي تكتبها كل يوم وان كانت معرفتنا لها عبر هذه الأحرف الا اننا نجزم انها صاحبة زوق رفيع ومكانة مرموقه في دنيا الصحافه ويكفينا انها صاحبة العشق السردمدي المتفرد في حب الهلال…نعود لمعركة الأحد ونتمني من العشاق أن يحزرو من ممارسة اي أعمال تضر بالهلال داخل الملعب وان ينتبهو لافعال المندسين والماجورين وأصحاب النفوس الضعيفه وبإذن الله سيكون النصر حليفنا وسنرتقي للمراحل القادمه وتكون لنا مواقف عظيمه في المجموعات وما بعدها فسيد البلد بإذن الله ودعوات العشاق ستكون له صولات وجولات في المنافسات المحليه والقاريه…حفظك الله بنت الماحي وحفظ يراعك دوما للدفاع عن سيد البلد وعشاقه)