عِـشْقٌ سَرْمَـدِيٌّ– هُـوَيْـدَا الـمـاحى

من تَذَوَّقَ عشق سمو الهلال هَنِئ 

التاريخ لا يكذب المريخ  بـرى  غيت” ١٩٧٣

 ودنوباوى الاصم والانسحاب من “المنتاز” السجم

الوطن الهلال_عشق البلد -الجمعه 21/10/2022

@ حبيبى سالوطن الهلال_عشق البلد -الخميس 20/10/2022مو الهلال فى موضع الجمال بلاقى ..ضى القمر هلالى ..! فى عطبره الحديد والنار “بـتـاقـى” من “13,013 كم بلاقى الساعه 7إلا ربع “ميعادى”..بالابيض الكامل آسر فؤادى ..فى “ملعب الامل”هلالى .. نورك اكتمل دعائى ..تعود منتصر رجائى..!

@ لم يتناهى الى مسامعنا ما يبث وينعش الامل بين الجوانح عن تلفزة مباراة الوطن سمو الهلال والامل العطبراوى ..سؤالى المره دى للسيد هشام السوباط شخصيتا : كتلة “المنتاز” اجتمعت فى مضاربك لا شنى ..؟ وكت ما امنت على التلفزه ولا على حقوق اندية “المنتاز”..؟ كان الغرض من الاجتماع شنو ..؟ وتمخض عن شنو ..؟ وبى هناك”المهندس القوس بابكر” اعلنها حصرى فوق عيموده عن عزم نادى ودنوباوى الاصم الانسحاب من بطولة “المنتاز” السجم..؟

@ قالوا كلمه لى الله وكلمه لى خلقه ..”اللاعب الصينى “..بعد الغرامه عقوبة الايقاف القاسيه “الفاجره” سببها شنو ..؟ ياربى تكونوا طبقتوا المادة 17: التبعات القانونية لإنهاء العقد دون سبب مشروع..؟ سمح ماشى وماذا بشأن فريق المريخ الموقع عقد مع اللاعب خارج السيستم اوليست هنالك عقوبات بحقه ..؟ المهم ريمونتادا قالت اللاعب الصينى اقتحم الاجتماع رفقة محاميه..مطالبا بتبرئت ساحته.!

@”بـرى غيت” ١٩٧٣”..و(ووترغيت-1968) متل ماكم عارفين تعد أكبر فضيحة سياسية في تاريخ أمريكا..تليه “تواااالى بـرى غيت “اللت” الرشوة المريخيه..اليومين ديل أساطين العشاق قلبوا الدفاتر وافحمونا بالفضيحه الاخلاقيه “المريخيه” التأريخيه -اى والله-التاريخ لا يكذب قال ليك المريخ قدم رشوه 15 جنيه للعيبة برى قاموا “توااالى” انبرشوا وانبطحوا وفرشوا الشباك فرش وخلوا المريخ يغلبهم “بسباعية نظيفه.. دا كلوا عشان شنو .؟”البشتنه وكشف الحال “عشان يشيل البطوله من الزعيم الهلال ..طبعا فاااحت ريحة الطبخه”النتنه العفنه الوسخه”..وما ان كثر الهمس عن تواطؤ وشيك حتى سبر سكرتير دولة سمو الهلال ” عبدالله السماني “شفاه الله وعافاه اغوارها ..حتى لا يقع فى المحظور وريرمى المريخ وبرى زورا وبهتانا وعندما اتاه اليقين ..قام بايصال المعلومه الى رئيس الاتحاد وقتها “كمال شداد” ومن ثم وزارة الرياضه..الامر الذى حدا بالوزارة والاتحاد الى حتمية متابعة سير المباراة من داخل ارض الملعب ..وفريق برى كان فى اوج مجده بعبع مرعب للمريخ ..حولته الرشوه المريخيه الى حمل وديع ..بعد الفضيحه والمؤامره القذره النجسه وزير الرياضه (زين العابدين محمد احمد عبد القادر )غادر الاستاد ما بشوف قدامه من الغضب والنجاسه والخساسه حقت المريخ قام “تواااالى” “كتل الموسم”-” كلووووو” والغى البطوله ..وكان كابتن فريق برى “بكري بخيت” راجل نزيه اقسم الا تطأ اقدامه ارض نادي برى حتي لقى ربه له الرحمه والمغفره ..اتاريها “كلمة ” قد-غت” من يوم التواطؤ داك انتشرت وكمان جملة :(منو دى انا دى برى ..برى ..برى ) مرقت بى سبب العار المريخى التأريخى ..! وبرى وبرى منكم يا نادى الرشاوى والمؤامرات والتواطؤ على مر التاريخ .(المريخ غت” غد).! وفى كل الكفاوى والبلاوى المنيت بيها كرة القدم السودانيه ابحث عن المريخ والرياضه الجماهيريه الاقعدت بمسيرة الكره السودانيه خير مثال وابوكم مين ..؟

@خطأ غريب بجلسة محاكمة مفجرى نادى الامير ببورتسودان بعبوة قرنيت راح ضحيتها  (4) قتلى وإصابة آخرين فى يوليو 2021..الخطأ كان فى اسم المتحرى اعلنت المحكمة عن تصحيح اسم الشاهد كما اعلنت على المحامين تحمل مسؤولية إعلانه وليس المحكمة.!

@ امة سمو الهلال قالت كلمتها والعزاها عز  دستور دولتها  يا المريخ تحرم عليك الجوهرة ..!

@نبض العشق السرمدى ..نقرات عشق نمة ريد.. غرام الروح ..( رحماك يا قدر ..يا نارى قيدى فى الضلوع ذكريني عهد حبي..17 سنه مرت ومروا سنين ..شوق للوطن آه سمو الهلال وربى عزّ عليّ فراقك وطالت بي شجونى ..يا ما أشتقت ليكويا ما بكت عيونى وحيات الأمانى وحيات عهدى بيك زى ما كان حنانى … ديما بحن اليك-ارقد بسلام..عميد الفن احمد المصطفى-ويبقى العشق ما بقى سموالهلال !”)

زرقـاء الـعشق

هُـوَيْـدَا اَلْـمَـاحِى