عِـشْقٌ سَرْمَـدِيٌّ– هُـوَيْـدَا الـمـاحى- مُطَارَحَة أساطين العشاق
عِـشْقٌ سَرْمَـدِيٌّ– هُـوَيْـدَا الـمـاحى
مُطَارَحَة أساطين العشاق
الوطن الهلال_عشق البلد -السبت 22/10/2022
المزيد من المشاركات
@ من عاشق سمو الهلال”محمد طه الامين شقدي“:(السوباط في قلوبنا 💙 تيفو جمييييل )
@ من عاشق سمو الهلال”عمر الفاروق الشيخ”:(مباراة برى قيت انتهت ١/٨ وليس ٧ صفر وتانى يوم فنان الكاريكاتير عزالدين عمل كاركاتير فتح كبرى برىمباراة الهروب الكبير لم تكن الاولى سبقها هروب مشابه ففى مباراة للهلال مع المريخ والهلال متقدم ٢ صفر بهدفى جكسا وقاقارين .. اعتدى مدافع المريخ عمر احمد حسين على لاعب الهلال شواطين بالبونية مما افقده الوعى ونقل للمستشفى رفض عمر احمد حسين الخروج من الملعب ولم تكتمل المباراة..المريخ مهزوم من سيمبا فى قبل نهايء سيكافا للاندية تعتدى جماهيره على الملعب وعلى اثر ذلك اصيب صحفى تنزانى وتوفى فى المستشفى وخرجت اللجنة المنظمة برئاسة رءيس الاتحاد العام وقتها ومعروف بمريخيته الصارخة خرجوا علينا ببدعة انه دى جماهير سيكافا وليس المريخ وقرروا اعادة المباراة وانسحب سيمبا التنزانى واعتبر المريخ فائزا وصعد للمباراة النهائية ليفوز ببطولة بت سفاح وراجعين)
@ عاشق سمو الهلال “عوض عبدالقادر”:(نحن مجانين تعرف الزول لما يقولو ليك دا زول مجنون ديل نحن مجانين عديل بالباب لكن عارف مجانين فوق شنو ؟؟؟ مجانين في حب الهلال مجانين في عشق الهلال مجانين بشغف وبعنف..لما الواحد منا ما يشوف الهلال بجن اكثر من الجن زاتو..يغيب عنك اعز حبيب ولا يغيب عنك معشوقك السرمدي سيد البلد وسيد الوطن الهلال دا عندنا زي عيد الفطر لما تنتظره بفارق الصبر..الهلال دا عندنا ما ليهو اي مثيل أو مقارنه بشي اخر ويكفي ظهوره فوق السماء..اي شي ولا الهلال دا بنموت فيه وبنقاتل فيه وانتصار الهلال يعني لينا شي اخر من الجن..دا جن براه دا عشق ابدي ما بتخلي وبنعشقه في الفوز وفي الهزيمه وفي كل الاحوال انت معشوق يا هلالي وانت عشقي السرمدي ولا منتهي له (عوض عبدالقادر أحمد)عاشق الهلال
@ عاشق سمو الهلال “مامون عبدالرحمن الماحى”:(سلام عاشقة الموج الأزرق كلنا في العشق الذي يتدفق ليروي عطش المحبين من فيضه الدفاق الذى نتمني أن يكون هذا العام يحمل بشريات الاميره التي تمنعت أن تكون عروسه الموج الازرق بفساد الكاف وحكامه ألمرتشين وان يكون عام سلام ومحبه على كل الشعب السوداني وتعود الطيور المهاجره لم تتزكي شي يقال في حب الهلال ياخط الدفاع الأول حفظك الله أين ماكنتي مأمون عبدالرحمن الماحي القضارف)
@نبض العشق السرمدى ..نقرات عشق نمة ريد.. غرام الروح ..( ويبقى العشق ما بقى سموالهلال !”)-زرقـاء الـعشق –هُـوَيْـدَا اَلْـمَـاحِى
