عِـشْقٌ سَرْمَـدِيٌّ– هُـوَيْـدَا الـمـاحى- الهلال جراح لن ترتاح يا الفلاح – ما السوباط الا نهر من فراديس الهلال-

عِـشْقٌ سَرْمَـدِيٌّ– هُـوَيْـدَا الـمـاحى

الهلال جراح لن ترتاح يا الفلاح

ما السوباط الا نهر من فراديس الهلال

الوطن الهلال_عشق البلد -الاثنين 24/10/2022

@ اللهم اروي امانينا بماء جودك..اللَّهُم يا نُورُ السَّمَاوَاتِ وَالْأَرْضِ “انر” جوهرتنا نورا يشع فوق ربوع امدر بالاضاءة الجاتنا من اسبانيا ..يا حلال الكرب حل عقدة الاضاءة ..واجبرنا جبرا يتعجب له اهل السماوات والارض يالله .!

@ ﺭﻭﻳﺤﺘﻲ ﻬﻨﺎﻙ  ﺷﺎﺭﺩﻩ.. عند الهلال وارده .. حيث يحط رحل سمو الهلال يكون كنزك  تسكن روحك جوار قلبك..درب الهلال دربك رب الهلال ربك عشق الهلال ادبك ..سمو  الزعيم الهلال فى عطبره  يا “الفلاح”..لن ترتاح  يا حليلك  يا الفلاح جاك  “الضباح “الجراح .. نان لكن هو “هلال” نصاح ..؟ اسم الله عينى بااارده..واهداف هلالنا السمحه اكيد  وارده.!

@ يا القاصدين سمو الهلال فى شخص زعيمه “هشام السوباط” 🙁 لن تمنعوا عدل السماء ..حتى لو دانت لكم وقدرتوا تجففوا “منابع السوباط”..لا سمح الله ..ما السوباط الا نهر من فراديس سمو الهلال ..!..وكمان موقع (

Sports Brief )..سوى الوجع واعلن عن احصائية عن اغنى الانديه الافريقيه و احتل فوقها الزعيم سمو الهلال المركز الاول فى شرق ووسط افريقيا والرابع على مستوى القارة السمراء ومييين زينا وميين زينا ؟

@ امووووت فى التحدى واندفن فى الجوهرة المفخرة ..اعلن “مدرب الفلاح عطبره” محمد عطا “عن مخططهم لاحداث مفاجاة في مباراة الزعيم “الليللى” دى ..وقال متوقع يرجع لى سكة الانتصارات على حساب دولة سمو الهلال ..ابشر آآآآ ود عطا ..اول التبادى المقارنه مع “التابع” المريخ معدومه نوهائى والله وتاالله ما بنصادر احلامك المشروعه لكم احلامكم ولنا تطلعاتنا و”طلعاتنا”.!

@سجمنا “حزومى “كجمنا” -ريمونتادا -جابتها ضقلها يكركب الله يكفينا شر الكركبه :(هدد بكارثة تحل قريبا بالنادي حازم يورط المريخ في نصف مليون دولار)..خشمى وانا ستو.

@جوهرتنا مفخرتنا فال الخير على منتخب الشباب والصبّة خضراء.. سيطرة على الشوطين والفوز بهدفين “الجزولي نوح وعلي عبد الله “..ردموا منتخب بنين عقبال تعزيز الفوز فى مباراة الاياب.

@ وين درب الاضاءة .. يا السوباط واركان حربه ..دا حـــرام عليكمــ عارفين حوجتنا الماسه ليها ..دلــونا على”خالد  هداية الله” يرحمكم الله .جوهرتنا باكيه وشاكيه و لسان حالها :(حارمنى ليه . ليه .. من الاضاءة ..ما شايفين”هلالنا”..بجهز فى عتاده..والجمهور مثالى طامح للمعالى .. .. حـــرام عليكمــ عارفين المجموعات قريبه والمجموعات تنادى دايرين الاضاءة..ومن غير الاضاءة ..ضاع العمر ضاع .. ارقد بسلام ابوعفان .. وأقول ليك يا “خالد هداية الله” :(دأبنا على الصبر والانتظار) ..لكن بعادك طال..وصمتك برضو طااااال .! ياخ حلفتك بسيدك سويت لينا شنو ى  بخصوص تركيب الاضاءة سويت لينا شنو ..؟ سمح اسمعنا مره بس اسمعنا مره ؟ وحتما فى التخزين المضرة قصدى تخزين الاضاءة الشحنوها من اسبانيا على دفعتين خزنوها وين وهل المخزن “المستودع” امين وضمين من تلف الحرارة والبروده والارضه الغلبت “الدوده “والتكسير ..و(الغسيل) قصدى الضمان شنو ما تلحق امات طه وبكره نلقى لمبه ناقصه وسلك عريان جارى فى شمال العرضه امدرمان وآآآه يا زمان..ساعتها  ..نرجع للسيد” الطاهر يونس” ولا نلحق الغرايرى فى تونس ..ولا نترجى ابوناصر ..؟ و(نجوعر “:(انا سرقه ولمين سرقه هذا سرقه انا سرقه ..الخ الخ وطخ طاااااخ طخ )

@ محترف المريخ “موسيس” القادم من  حرس الحدود المصري طلع تومه -اى والله – ولا ذنب للمريخ حال صحت المعلومه بل هى جناية حرس الحدود وسقطه اخلاقيه .

@ الإرهاب الإلكتروني و الغرصنه  على حساب المحترف “الغاني إبراهيم إيمورو”واختراق حسابه على”فيسبوك” وقد اخلي اللاعب مسؤوليته من أي محتوى يتم نشره.

@ قالوا الصيد ورد ونطط القرد “ازمة بين نادي الهلال وادارة الضرائب”..ايعقل هذا ان تعتمد الضرائب كلام اصداره صحفيه لا تملك من الامر شيئا يعنى .. لا عندها مستندات ولا “كعوبات” و ” البوابات الإلكترونية..ليست احدى صفحاتها ..حتى تعتمد مصلحة الضرائب “قياساتها” ..ولا حتى عندها “ماسح رمز “QR” عشان نقول اشتغلت “مساحه” ..وحال صدقت الروايه..هذا يقودنا إلى التأكيد على تقازم الاليه الاعلاميه “اللاهطه” مرتباتها والتى من صميم واجباتها نفى الاخبار المغلوطه والمكذوبه لكن نقول شنو وقد فطموا على “سكات وطناش السيد هشام السوباط”..ومن شابه رئيسه فما ظلم..هل يستقيم عقلا يعنى بالفصحى السودانية “اللتنا”-“ككيف” تعتمد مصلحة الضرائب كلامها وتكذب دولة سمو الهلال العلم العلَّامة ..؟

@القوس بابكر إغثاثًا بحق الامانه العامه.. اللخو “الباشميهندس” القوس بابكر ..ياما دقت على الراس طبول عشان كدى بدور اقول:(“عيمودك” الليلل البارح فوقه قول “اشتر”عديل يا استاذ “إت “بتدور.. تهاجم الامانه العامه ممثله فى شخص “الدكتور حسن على عيسى” والعكس صحيح..اول التبادى النواقص بالكوم والردوم لتداخل الاختصاصات وكل زول عامل فيها انا الامين العام فيك يا دولة سمو الهلال..بعدين الامانه العامه علاقاتها شنو بظلم وجور التحكيم والقطاع الرياضى بجلالة قدره ما قال “بغم” يبدوا لى المؤسسيه رايحه عليك” تب” فى زروة انفعالك و”المحرشاتى” الله يجازى سكب تحريضه وتحريشاته فوق مدادك قصدى كيبوردك يا حليل جبنة الضهر والمحبره والحبر كانت لنا ايام وياما وياما “كسرنا” “قلومات” جمع قلم ومحابر و”هديماتنا” صبغها الحبر ..والعجب اصابعنا بالله اتقول “ببصمونا” لى شهادة الزور غايتو كانت جنس “جلبغه”..خلينا فى “الريسو وتيسو” وجيروا وملسوا وبى خسه ونداله عايزين منه يتخلصوا..يا “القوس” القلم امانه وود اللحد ما بدخلوا معاك ناس “فلانه”..ولا حتى بتشفع ليك “بريجيت ماكرون” ولا ماكرونها ذاتو..اى والله..ومعروف المحرش ما بكاتل..لو حاولت تتذكر..و أنا الصابر على المحنة..واى محنة اكبر واعظم من الصمت المريب حول تركيب الاضاءة واختفاء خالد هداية الله من الساحه والامانه العامه( سدت دى بى طينه ودى بى عجينه ) ونحنا أساطين العشاق الله لينا ..اضرب فى الوتر الحساس والقضايا الملحه والدعم اللوجستى لتركيب الاضاءة والنضافه الجوهرة الزرقاء محاطه بمستنقع القمامه والمجارى الاسنه و”الدراب ” وا اكوام التراب “الكترابه”ما تديك الدرب ..بينما تعج الجوهرة من الداخل بالاوساخ وحاجات ما بتشبه جمال الجوهرة سمح هلا سألت يا ابن “بابكر” عن شركة النظافه ..؟ برجع واقول ليك “جروا واطى” ما هكذا يقتلع “الامين العام “وصحبه ولن ينال صاحبنا” خلينا نقول اصحابنا وكبيرهم “هـنـايه” مقصدهم بالطريقه دى لو بتعرف تعوم “الغريق قدام”)..بعدين سعال برئ( وياما كم افلحت ياما المعطل ملف الاضاءة شنو ..قلت اخير اجيك باللفه المره دى ..؟