Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-إِفْصاحٌ أساطين العشاق

عِـشْقٌ سَرْمَـدِيٌّ– هُـوَيْـدَا الـمـاحى

 إِفْصاحٌ أساطين العشاق

السودان-عشق البلد

الاربعاء 26/10/2022

@ من عاشق سمو الهلال “عمر الفاروق الشيخ “: بالنسبة لهدف الفلاح الاول شلش تدخلت يده في الكورة في جزء من الثانية ما قدرت التقطه كصورة لكنه مشاهد بديك ما ممكن التصوير يكون بكاميرا واحدة اي حاجة في البلد دى تعبانة من الخريان وبتاع الحمير الى اقل بنى ادم 🙃  -ما ممكن التصوير يكون بكاميرا واحدة اي حاجة في البلد دى تعبانة من الخريان وبتاع الحمير الى اقل بنى ادم 🙃من ناحيه اخرى المناكفات الرياضية ان بعدت عن التعصب المبالغ فيه بتكون ظريفة ونحن كلنا اهل اذكر من طرائف التعصب زمن التلفزيون ابيص واسود ولمن تكون فى هلال مريخ با مشينا منزل الفنان ابراهيم عوض او عمك بر او ناس على الصادق او بيت من بيوت اهلنا الكوارته وكانت التلفزيونات قليلة المهم بيت لجيرانا من الكوارتة والسباتة جاهزة والعصير ونحن شفع مشاغبين حضر معنا تلك المباراة نسيب لسيد البيت جاى من السفر وكان مريخى متعصب شديد..بدت المبارة واحرز جكسا الهدف الاول فى نصف الثانية الاولى وهاك يا كواريك عمك ما قصر طردنا طردة عدوك ولم نكمل المباراة وحضرنا ثانية واحدة فقط 🤣😂)

بانقا ده انا بحجز ليه يسافر معاه عيسى المتأمرك … عبد الرؤوف وبوغبا يجيب ليهم سرير في دكة الاحتياطي … بكده فلوران شاف تقريبا معظم اللاعبين والصورة اصبحت واضحة نشوف في مباراة جاية البقية عشان الغربال يشتغل نصفي البوتاب ويفضلوا الفيهم ثمرة … ابراهيما وجارجو ديل اللبنة نبني عليهم .. ليليبو لا يستغنى عنه لديه الكثير بمرور الايام .. صبراً آل ياسر .. مزمل مع شوية تحسينات حيكون رمح الهلال الملتهب زمان قاقارين كان بسجل 2 ويضيع 7 الا ان اصبح هداف الهلال والسودان)

@ عاشق سمو الهلال ” مامون عبدالرحمن “: (ليس للعاشقين حق الاختيار هو سحر سلب العقول شي فوق الوصف والخيال انه الهلال كيف لا فهو المتعه وحلاوه دهس قطار الأزرق الفلاح رغم السلبيات لكن القادم أفضل اليوم هو يوم عيد ميلاد الثورة الَمجيده 25 أكتوبر لكي منى تحيه صادقه بهذه المناسبة الوطنية وكل عام والسودان ينعم بالأمن والاستقرار والحريه والعدالة التي دفع من أجلها دما غاليه ذكيه طاهره)

@ عاشق سمو الهلال “محمد عثمان ادريس”:(بانغا دا مانافع كان في دوري يعمل مع شلس كدا في مجموعات يعمل شنو اول المغادرين من كشف الهلال تاني مافي مجامله)

@ عاشق سمو الهلال ” ابوعلم ” 🙁والله ي استاذه موتا عمرو مابنفع الهلال ..موتا لقي فرصتوا واشرف علي تسجيلات فترتين ..فلوران حاليا في البدايات وجاتو فرصه ذهبيه انو المجموعات بعد التسجيلات واعداد ممتاز جدا من خلال الدوري وباذن الله الهلال شكلو غير مع فلوران)

@عاشق سمو الهلال ” فيصل السنجك ” :(صاحبة العشق السرمدي

الهلال هو جرتق حياتنا وفالنا الحسن ..ومصدر سعادتنا ويوم الهلال يكون لاعب الدنيا تكون غير ونري الضحكة والفرح والسرور وخوتنا في محبة الهلال اجمل احساس ننوم ونصحي علي ذلك الاحساس الجميل ..فيصل عثمان السنجك )

@نبض العشق السرمدى ..نقرات عشق نمة ريد.. غرام الروح ..( ما جانا عشقك من فراغ لا نحن غنيناك عبط -ويبقى العشق ما بقى سموالهلال !”)

 زرقـاء الـعشق- هُـوَيْـدَا اَلْـمَـاحِى

شاركها على
أكتب تعليقك هنا

لن يتم نشر عنوان بريدك الإلكتروني.