Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-مُجادَلة أساطين العشاق -صمت إدارة الهلال مخزي وعار – قنابل بالصح ما زي قنابل مزمز

عِـشْقٌ سَرْمَـدِيٌّ– هُـوَيْـدَا الـمـاحى

مُجادَلة أساطين العشاق

صمت إدارة الهلال مخزي وعار

 قنابل بالصح ما زي قنابل مزمز

السودان-عشق البلد

الله الوطن الهلال 

@ عاشق سمو الهلال “يوسف الجبادى” :(الاخت الفاضلة دوما اننى عاشق اعمدتك حتى الثمالة اننى اشتم بعض من البعض يحاولون مجرد محاولة ان ينتقدوا بعض الاشياء الكمال لله مهما يكون فانتى اميرة وقلمك ولسانك امراء الفصاحة والبلاغة كل عمود يأتى يكون سلسلا من الاخر فاكهة لتحلية تسبقينهم م تجود اقلامهم وفقك الله)

@عاشق سمو الهلال “محمد طه الامين شقدي”:(والله من المؤسف حقا قيام بطولة السيخافا علي استاد الجوهرة … الاتحاد كان يعاين بعيونه ومندوب الكاف يمرمط فينا شمال ويمين اتحاد فاشل لزم الصمت تجاه الهلال ..وعمل المستحيل حتي يلعب الدلقون باستاد الابيض . اتحاد لم يدعم الهلال بدولار واحد في عملية تأهيل الاستاد …صمت إدارة الهلال مخزي وعار ..وماعنده الا معني واحد )

@ عاشق سمو الهلال ” عوض عبدالقادر” 🙁تحيه هلالابيه معطرة بعشق سمو الهلال تحيه زرقاويه مبوتقه بلون الازرق الهادر العاتي الذي لا بتقابل ولا بتهاهظر في عشقك السرمدي الابدي..واصلي واسلم علي سيدنا محمد وعلي اهله وصحبه اجمعين والمبعوث رحمة للعالمين..اما بعد ….اخر مرة طليت عليكم عبر هذا المنبر وحدثتكم عن مدينة عاشقة سمو الهلال اختنا وبتنا واستاذتنا وملهمة مشاعر حبنا وريدنا لسمو الهلال وقوة برق ملبورن المدينه الجميله التي تعيش فيها ومنها تنهمر حروف كلماتها عبر عمودها العشق السرمدي وكل صفحاتها..سمو الهلال اصبح جلاد الفرق ولا يفرق معانا جو الدار او خارجه كل وااااااحد وننتصر علي اي فريق ولو في فنجان قهوة الصباح ولو في كباية شاي مزمز  الاتحاد الدلقوني بدا من عصرا بدري في حماية طفله المدلل المدودل وياجل ليه اي مبارة متي ما اراد ويلغي ليه بطولة كااااامله عشان عمل منها فررررررر..عشان بقولو ما بنطير برانا محن هينييييين وكاس السودان ما دااااايرين لكن البخارجكم من مواسيركم شنو-القولتو ديل قنابل الموسم وطلعو قوقو الموسم بقيتو زي القنبله القذرة في البلد تزرف دموع تطلع بيان تجيب قوقو كل ما يهمنا شوف ليك ملعب من بدري تلعب فيه ولا اقترح ليكم يا دلاقين بحر دار كيف وكيف بتوديك اوكرانيا عشان من الخلعه بتقراها كييف وكيييف ما فيها يمه حليني ضرب زي الضرب وفيها قنابل بالصح ما زي قنابل مزمز..وقلاب الرمله اقترح ليكم ازرعو في الاستاد وادو موية بقوم ليكم رمله كثييييرة وكبيرة تكون وفرتو قروش الدعامه والنجيله ما تعبو نفسكم مواسيركم ديل ما بحتاجو لنجيله مستوردة نجيلة حبيبي مفلس كثيرة عليهم.. والحفر خلوها نظام تصريف للخريف واعتبروها حوض سباحة برضو بتكونو وفرتو حاجه وخشو في صندوق مع الحبش وشيلو اول صرفه هم مقدرين ظروفكم مش وقفتو معاهم ما بيابو يدوكم ليها وبعدين ما تنسو الاتحاد قرر تسجيل المحترفين 8 ولا 9 ماعارف ممكن تجيبو ليكم روساء نفس العدد اصلو رؤساكم قربو يحصلو عدد المحترفين المسموح بيهم دا غير الرئيس بالانابه. ولا بالإماله ماعارف لكن شكلهم رؤساء بالاظهار..مزمز قال ليه ما اختاروهم مع فرق السوبر الافريقي يا وليد دا المي حار ما لعب كعونج تر غادي بصقعك اسه بقلاب رمله يا ضل الضحي والله ضل الضحي ذاته كثير عليكم انتو يا دلاقين ضل ليل تعرف ضل الليل الما بتشاف ديل انتو….قال جاب محترفين قال وفي النهاية كلهم اتنكرو منهم واتبرؤ منهم اي واحد قال انا ما جبتهم بكون جابهم السيل…تعرفو سيل الوادي زي عيونكم..خليتكم في عافيه ولو حيين بنتلاقي..شايفك يا بت الماحي صاحيه ماشاء الله الصبح عندكم جاء..بحبكم كلكم يا عشاق سمو الهلال ويبقي العشق ما بقي سمو الهلال شكرا بت الماحي وفتك بعافيه ولو حيين بنتواصل (عوض عبدالقادر أحمد محمد)

@نبض العشق السرمدى ..نقرات عشق نمة ريد.. غرام الروح ..(ما جانا عشقك من فراغ ..لا نحن غنيناك عبط -ويبقى العشق ما بقى سموالهلال)

– زرقـاء الـعشق- هُـوَيْـدَا اَلْـمَـاحِى

الجمعه 28/10/2022

شاركها على
أكتب تعليقك هنا

لن يتم نشر عنوان بريدك الإلكتروني.