Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى- المآذن لا تستقيم بغير هلال -سِفْر السوباط ..وَزَر الأَوْغاد-الفاضل التوم  هداية الله ما بدقو ولا بيسألو ولا بزعلو 

عِـشْقٌ سَرْمَـدِيٌّ– هُـوَيْـدَا الـمـاحى

المآذن لا تستقيم بغير هلال 

 سِفْر السوباط ..وَزَر الأَوْغاد

الفاضل التوم  هداية الله ما بدقو ولا بيسألو ولا بزعلو 

استراليا-ملبورن_عشق البلد

الله -الوطن الهلال 1898م..النصر بجدارة أو الهزيمة بشرف.!

@ يا قايد “الديش” دى حقيقه بقولها:(إستهداف زعيم دولة سمو الهلال هشام السوباط من الاوباش له اسبابه كما له عواقبه و توابعه الوخيمه التى ستلقى حتما بظلالها على الوطن سمو الهلال..وعلى “البرهان “..ان يكف اذاهم او يستقيل السوباط من رئاسة اتحاد اصحاب العمل ويبقى العمل عمل ربنا ..”عبد الفتاح البرهان” ما اى برهان..انت السبب انت .!

@  الخازوق  اعلي مئذنة مسجد المريخ خوزقهم وعولقهم ..المآذن لا تستقيم بغير هلال .

@ تحتضنها الجوهرة فرسان منتخب الشباب اخوان “أمجد قلق” فى استهلالية مبارياتهم ببطولة سيكافا ينازلون منتخب دولة جنوب السودان قلوبنا معاكم ما “بنأبكم ” ولا “بنحاربكم ” بى “سبة” وضاعة وقبح عمايل وفعايل اتحاد “الكجيمات” ..انتصروا باسم الكره السودانيه وبركات الجوهرة الزرقاء تتنزل عليكم نصرا جميلا .

@ رسالة من عاشق سمو الهلال (برهان محمد) توهان وجننتنى وعذبتنى وجننت حرف الكلام ..ابان زيارتى الخاطفة للسودان فى اواخر مارس الماضى بعد غياب امتد 17 سنه كانت الجوهرة قبلتى وكانوا الهلالاب الاداريين بها والله ما قصروا معاى وكان طواف  العشق فى رحاب الجوهرة..وكانت النجيله خضراء وجميله وكان سؤالى حاضرا لماذا نراها على شاشات التلفزه “صفيره”و (مضبلنه)..اليوم اتحفنى وجع لى فشفاشى “برهان محمد” رسل لى رساله موجعه من داخل الجوهرة النجيله باهته و”مصفرنه”..يعنى بعد بطولة سيكافا الفاتحه على النجيله.

@ معتصم جعفر قال :بخصوص  أزمة الملاعب  تنظيم “سيكافا” واخواتها من البطولات  يجعل الدولة تسهم بفاعلية في التأهيل..يا راجل اختشى انت بتضحك على روحك .. بى إماراة شنو يا اللخو ..وهى وينها مساهمة الدولة وسيكافا ستنطلق اليوم بالجوهرة الزرقاء ..؟ وما شفنا التكتح كلامك دا كان بنبلع لو دولتك افتتح ليها ملعب ان شاء الله فوق المدينه الرياضيه ولا حتى دعمت وساهمت فى تكملة نواقص الجوهرة لا هزة “كانون” لا موية ليمون .

@ الليله والليله الزمالك  والاهلى “غيت” فيس تو فيس الزمالك حامل لقبي الدوري والكأس و الأهلي الوصيف في العاصمة الإماراتية أبوظبي الساعة السابعة مساء اليوم هلمى لعنة الزعيم الهلال يا مراسي الشوق تعالي.!

@ الفارس “عادل العونى” عوفى المجد اذا عوفيت .. متل ما ناس زمااان خابرين لقب فتى الزعيم الهلال بالفارس (وحدث ما حدث وكانت الفجيعة)غادر الفارس معسكر سمو الهلال باحدى الولايات خلسة عائدا الى الخرطوم ويا له من يوم مشؤم العونى من يومها الجاتو.. جاتو ..من الأرض ما جاته من تال السماء المصيبه وما اعظمها..لينتهى مشوار الفارس ومرت سنيين طويله واذا بهاتفى يرن ذات يوم:حق الله بق الله استاذه هويدا الماحى نحنا لجنة مهرجان تكريم عادل العونى..وعادل العونى حالف ومتندر ومتيمن لازم الاساتذه عثمان حسن مكى و هويدا الماحى يقدموا المهرجان ..من يومى صراحتى “جارحه” بقولوا كدى ..طوالى شكرتهم واجبتهم منو دى انا دى برى برى “وبرى غيت والمريخ” بصراحه مافى كيمياء بينى وبينه واتصلت بالزميل عثمان حسن مكى طلبت منه شوف ليهو مذيعه غيرى لكن عثمان اعتذر لانه مرتبط مسبقا فى نفس التوقيت والغريبه عادل العونى اصر على هويدا الماحى ونسقت مع الزميل معتز الهادى لكن حصل طارئ واعتذر معتز وانا فى طريقى للمهرجان المهم قدمته “براى” وكان رائعا روعة سمو الهلال والمحتفى به العونى وكانت إذاعتى  المهرجان استمارة عبورى الى التلفزيون ما قلت ليكم اى نجاح فى حياتى يقف خلفه الهلال العظيم ..”أسأل الله العظيم ربّ العرش العظيم أن يشفيك من جرح العملية ربّ مسه الضرّ وأنت أرحم الرّاحمين.

@ لاعب برشلونا” بيدرو غونزاليس لوبيز”: نشعر بخيبة أمل كبيرة برشلونة لا يستحق الاستمرار في دوري الأبطال والله العظيم انا ذاتى قلت كدى وكدى كدى لليق 

@ من مباراة واحده دا المغطس حجرنا ذاتو ..القمة تبداء المفاوضات لضم قائد الفلاح عطبرة “مصباح فيصل”.. هل تابعت “القمة ” مسيرة هذا القائد ووقفت على كل الجوانب ولا فورة “الاندروس” فرد مباراة كفيله بالجرى واحتدام الصراع لخطب ود اللاعب ..؟

@ إنها لعنة الزعيم الهلال يا ساده..ستطاردك “الخرتيم” حليف “الدليقين” والليق قريب ..والله لنتكيف .. قال ليك الخرطوم الاووطني واصل نتائجه المتواضعة بدورى الدرجة الأولى وخسر من  العزوزاب بثلاثية..ويا بنية جرى القدح الخرطوم اللاوطنى اتفضح واتسلخ.

@ تدشين مسابقة البحث عن “خالد هداية الله”..خرج ولم يعد..اوصافه كالتالى يطلع بحقيبة الاستثمار وتركيب الاضاءة .. أصبح من المستحيل العثور عليه او التواصل معه سريع الحركة “ضبابى الملامح”..نناشد جميع المنظمات الدولية وعلى رأسها المحكمه الجنائية مساعدة امة سمو الهلال فى العثور عليه.. اللهم احلل عقدة من لسانه.! كمان مسعولين من الخير السيد الفاضل التوم خباروا لا حس ولا خبر بخصوص ملف الاضاءة ..ياخ ان شاء الله ام “دلدوم” او “شلوت” ساكت يحرك الساكن ولا دا ما بيسألو ولا بزعلو .. ولا ما كدى ؟؟؟

@نبض العشق السرمدى ..نقرات عشق نمة ريد.. غرام الروح ..ويبقى العشق ما بقى سموالهلال !”)

زرقـاء الـعشق

هُـوَيْـدَا اَلْـمَـاحِى

-الجمعه 28/10/2022

شاركها على
أكتب تعليقك هنا

لن يتم نشر عنوان بريدك الإلكتروني.