Take a fresh look at your lifestyle.

بَوْح أساطين العشاق

بَوْح أساطين العشاق

السودان-عشق البلد

@ عاشق سمو الهلال “يوسف الجبادى”:(سلاااام ي عاشقة سمو الهلال..بالامس لى اخ مريخابى استاذ فاهم يختلف عن هؤلاء الدلاقين قال لى انا مريخابى بالفطرة لكن اجل كل احترامى للهلال..فقلت له اقرأ م تيسر لك من هذه الاعمدة..بعد ان قرأ م يحلو له..فقال لى ازيد احتراما جديدا للهلال بهذه الكروانة التى تصدح بعشقها للهلال ي له من هلال محظوظ..فقال مداعبا لى انتى بقيت زول كبير كون اسمك يدرج بقلم هذه الفيلسوفة الافلاطونية..فقلت له والله لقد اخذت بعد طويل عن تشيجع الكرة السودانية بما فيها هلالى المحبوب لنفسى لكن هذه الهويدا الفلتة جعلتنى اعشق الهلال فى نفسها..لاخت هويدا انا شخصيا اصبحت اجهز نفسى لكى اتبارى معك او احاول اجاريك ولو القليل مما تجودينا به عشق كامل للهلال..الشعراء يقولون اخر مرحلة فى الحب هو العشق لذلك انت عشقتى الهلال لذا ارجو ان يحتضنك الهلال..انك ساحرة عبقرية

يظل عشقك ابدى وازلى للهلال..والله صراحة فى بداية الكتابة لك اقول اكتب شنو لكن يأتى الكلام((رغم انو فرق شاسع بين نضمى ونضميك بحاول اشبه بيك لانو بقولوا كان م عملت فعل الرجال اتشبه بيهم)نرجع واقول يأتى جذابا دون ارادتى..لله درك..اتركك فى رعاية الله وحفظه)

@ عاشق سمو الهلال “فتحى كمال الدين احمد”:(الأستاذة هويدا تحياتي لك عرفناك صاحبة قلم متزن وبتار في نفس الوقت ولا تخافين في الحق لومة لائم ..بخصوص لعب المريخ في الجوهرة الزرقاء اصبحت قضية رأي عام ليس لمجلس الإدارة الحق في الموافقة لهم باللعب وان كان لابد من ذلك فعلي رئيس المريخ ونائبه الاعتذار رسميا وعلي الهواء في القنوات الرياضية لما بدر منهم من إساءة في حق الهلال والتآمر مع المصريين وبعد ذلك الحق يمتلكه جمهور الهلال في قبول او رفض الاعتذار علي المجلس ان يعي ذلك جيدا والا يعتذرون هم عن إدارة الكيان لاتهاون ولاخذلان بعد اليوم ولكي حبي وتقديري ونتمني ان يصل صوتنا هذا للمجلس عبرك)

@ عاشق سمو الهلال “عبدو ابو محمد “:(رسالتي الي مزمز ابو القنابل وكل الوصيفاب المتعصبين

الذين افشوا اشاعة استقالة السوباط وترويجها..واليوم التالي تجرع فريقهم الهزيمه من الرابطه كوستي

اذا كنت منشغلا بهدم غيرك..فلن تجد الوقت لبناء نفسك)

@ عاشق سمو الهلال “عوض عبدالقادر ” (الضل اصبح في كوستي الذل..بقي هوان و هجومه جوعان..كسمبر كسر فيهم كم كرسي وبنبر..وباشري فرتقهم ليك نفر نفر ..تاني كضبو في سمو الهلال..دي لعنة كضبكم ظهرت فيكم افتراءكم عي رئيس سمو الهلال اتردت عليكم..جاتكم صاده جاءتكم هجمه مرتده..وخلتهم يطردو مدربهم دايرين يتخلصو من السوباط ما قدرو عليه رجعو اتخلصو من الغرايري الغرايري دا زنبو شنو..انت يا دلاقين جيبو فاطمه الصادق تدربكم..مش بتحارب في سمو الهلال خليها تنفعكم او انتم انفعوها..قال محترفين..انتم عندكم محترفين ولا مرعفين …تعرفو المرعفين …المرعفين دا الحيوان الذي يعيش علي فضلات البشر والحيوانات..انت اسه زي المرفعين دا بقيتو واااااحد معاه جايبين محترفين من وين ما عارف

تاني تعالو اهبشو السوباط..والله لو هبشتوني انا الهييييين دا لعنتي بتصلكم..لو افتريتو علي احدث مشجع عندنا لعنته بطير منكم زول فيك..امس قالو حردتو العشاء..ابيتو الاكل..مساكين يا دلاقين..امس ما مشيت اشيل الفاتحه مع بني دلقان اتاخرت …كان عندي مشوار للكسمبر…عندي دولاب النجار قال داير ليه مسمار خاااااص…قولت ليه القي وين …قال لي الا تمشي الكسمبر..مشيت الكسمبر ياااازول ناس ماشاء الله كريمين كرم ديك يا الضبايح والشاي والزلابيه..بعد ما قامو بواجب الضياف والكرم..وانا اتململ وداير ارجع سريع..قولت ليهم والله داير لي مسمار وصفو لي عندكم هنا…قالو لي ما لونه

قولت ليهم اخضر قالو لي ما وزنه.. قولت ليه وزن قلاب الرملة … قالو لي انا والله المسمار ادينا لبني دلقان العصر

جيت لبني دلقان لقيتو بلع المسمار😇😇

والله يا هويدا بتي دا الحاصل… الدلقان بلع المسمار… والمسمار دايرو النجار…والنجار بقي حيران…ومزمز بقي حيران..

وين يدس وجه من الحبان…وفطومة الصادق في خبر كان…واختفت من العيان…والغرايري المسكين انطرد بالبمبان…

ومرقو من السودان… ودعتكم الله وكان حييين بنتلاقي في بيت البكاء تاني عمكم (عوض عبدالقادر) الجعلي)

@ عاشق سمو الهلال “الصديق النعيم الاسطوره” :(مساء الورد ي هلالبية ي غيورة وانا معجب كتير جدا بكتاباتك الرائعة والجميلة جدا في زاويتك (عشق سرمدي)

@ عاشق سمو الهلال ” ابوقصى ” السعوديه _:( كفيتي ووفيتي يا بنت الماحي ولعشاق الزعيم ارضيتي.

كانت مفرحه لكل عشاق سيد البلد نتيجة الرابطه وما سيلحقها بإذن الله من اهلي شندي ليتوسع الفارق ويجوب الوصيفاااب بحثا عن الوصافه هذا العام فسيحسم سيد البلد البطوله بإذن الله هذا العام قبل نهايتها بخمسه اسابيع ولا نبالغ فلكي التحيه بنت الماحي وانتي تدافعين من وراء البحار عن معشوق الملايين وهنيئا لنا جميعا بهذا اليراع القوي الذي لا يضاهيه يراع في اعمدة الرياضه.)

@ عاشق سمو الهلال “فاروق السنى-Fa Alsunni” :(احسنتي ، مقال رائع وسررنا جدا باجتماع حكومة سلطنة الهلال برئاسة نهر السوباط الجارف ومما زاد سرورنا منافشة وحسم موضوع الانارة الذي كان لك السبق في تحريكه ومناشدة المجلس في اكماله والحمدلله ان هدي الله خالد هدايت الله وظهر وبشر امة زعيم الامة الهلال العظيم ، فلك التحية يامهيرة الهلال وان شاءالله الزعيم موعود بانجازات كثيرة قبل بدأ منافسات البطولة الافريقية ، وبوركتي)

@عاشق سمو الهلال”عباس الطيب الامين-Abbas Eltaib”:(خبر اجتماع الحكومة خبر سعيد لان ملفات كتيرة عايزة الحسم وأهمها نهائي كأس السودان والإضاءة والمحافظة على أرضية الملعب الذي بدا في الاصفرار)

@ خاتمة البوح:(ما جانا عشقك من فراغ ولا نحن غنيناك عبط)

الاثنين 31/10/2022

شاركها على
أكتب تعليقك هنا

لن يتم نشر عنوان بريدك الإلكتروني.