Take a fresh look at your lifestyle.

بَـوْح أساطين العشاق-ما اعظم الحب فى الله والوطن و الهلال العظيم-صاحبة العشق السرمدى..الهلال ” جرتق” حياتنا-هويدا عظمتى الهلال “سموا”..كفايه غربه عشان سموه

بَـوْح أساطين العشاق

ما اعظم الحب فى الله والوطن و الهلال العظيم

صاحبة العشق السرمدى..الهلال ” جرتق” حياتنا

هويدا عظمتى الهلال “سموا”..كفايه غربه عشان سموه

السودان-عشق البلد

@ عاشق سمو الهلال “عبده عبدالله محمد يوسف “:(المضحكني يا هويدا السنين دى كلها المريخ يلعب بي حكام العاصمه في الولايات بس شافوها الليله بس ونسوا مباريات كتيره حكام وزيادة الزمن)

@ عاشقة سمو الهلال :انا خالتك “أميره احمد على “..هويدا الماحى ما اعظمك والله يا هويدا كضاب من لا يذكر “سمو الهلال” كلما ذكرت “هويدا الماحى”..انا يا بتى كنت بحضن التلفزيون يوم الجمعه عشان اتابعك فى برنامج عالم الرياضه ..وسميت بتى عليكى “هويدا”..وطلعت  شاطره شطاره ما عاديه وشخصيتها قويه وحاسمها طبعا زوجى  زميلك  كان بقول لى سبحان الله بتنا “هويدا” شالت كل سمات هويدا الماحى الزوله دى فوقها حاجه لله ..محل ما تكون هويدا الماحى بتسبقها سيرتها وانجازاتها وما بتهاب ولا بتخاف “بتاتا” ..عليكى الله يا بتى ارجعى كفايه غربه ..”سمو الهلال ” زى ما عظمتى واديتى “السمو”لقبا.. محتاج لى امثالك المجردين من المصالح ..انا يا بتى من كوستى وبتمنى الهلال يفوز على الرابطه كوستى 

@عاشق سمو الهلال الاستاذ “الطيب عثمان شرفى “:(سلام من الله واهب الحياة لك بنت الاكابر بنتنا هويدا الماحى..اعجبنى قول الشاعر حين جادت قريحته بهذين البيتين فى الحب الذى هو سر الحياه ( الحب روح الكون لولاه لما..عاشت به الاحياء بضع ثوانى الحب ينبوع الحياة تفجرت من راحتيه سعادة الأكوان )..هنيئا لك بهذا الحب وهذه المحبه من قلوب العشاق قلوب الاهله الطاهره النقيه وما اجمل الحب حين يكون فى الله وفى الوطن وفى الهلال العظيم خاليا من الاغراض والامراض واذا احب الله عبدا حبب فيه الخلق..كل يوم يمر يزداد فيه الناس حبا ومحبة لك و يعبرون عن ذلك بكلمات صادقات افردت لها مساحة كبيره فى عمودك الراتب المقروء الامر الذى جعلهم يفردون لك مساحات اوسع فى قلوبهم الطاهره النقيه والناس اذا احبوا شيئا اكثروا من ذكره..فهنيئا لك بهذه المحبه التى سيسعها قلبك الكبير المتشبع بحب الهلال العظيم الذى جمع الناس حولك وانتى تستحقين ذلك..بارك الله لك سعيك ومسعاك فى اداء ضريبة الكيان التى هى الهم الاوحد لكل هلالى غيور..وحبب اليك الاصفياء والانقياء والاتقياء من امة الهلال العظيم..وحقا الهلال عالم جميل)

@ عاشق سمو الهلال “:(فيصل السنجك “:(صاحبة العشق السرمدي..الهلال هو جرتق حياتنا وفالنا الحسن ..ومصدر سعادتنا ويوم الهلال يكون لاعب الدنيا تكون غير ونري الضحكة والفرح والسرور وخوتنا في محبة الهلال اجمل احساس ننوم ونصحي علي ذلك الاحساس الجميل ..فيصل عثمان السنجك)

@عصارة البوح:(ما جانا عشقك من فراغ ولا نحن غنيناك عبط)

الثلاثاء 1/11/2022

شاركها على
أكتب تعليقك هنا

لن يتم نشر عنوان بريدك الإلكتروني.