عِـشْقٌ سَرْمَـدِيٌّ– هُـوَيْـدَا الـمـاحى-طغى الهولُ فابتسم “السوباط “و اقتحمْ- هداية الله “النمتى- (النجمتى)” ولا ام “غمتى”- صرختان عظيمتان شراة العلوية والغبيشا السودانيه

عِـشْقٌ سَرْمَـدِيٌّ– هُـوَيْـدَا الـمـاحى

طغى الهولُ فابتسم “السوباط “و اقتحمْ 

هداية الله “النمتى- (النجمتى)” ولا ام “غمتى”

 صرختان عظيمتان شراة العلوية والغبيشا السودانيه

استراليا-ملبورن_عشق البلد

الله -الوطن الهلال 1898م..النصر بجدارة أو الهزيمة بشرف.!

@” رَبّ دولة سمو الهلال -هشام السوباط “..شموخ  وانفة واباءرابط الجأش  ما خار عزمه ولا كبأ فرسه يبعث برسائل  الطمأنينة والسكينة لامة سمو الهلال ..ومن ثم يعرج مبارزا حساده واعدائه الذين يصطادون بالماء العكر . .وَيْلٌ  للمتربصين ساكشف عنكم  الستر  قريبا ..دا الكلام فى ناس ما بتجى الا بالعين الحمراء .. ياخ اقول ليكم حاجه (وَٱنتَظِرُوٓاْ إِنَّا مُنتَظِرُونَ).

@ اللخو خالد هداية الله غايتو انا ماسكه العداده ..الريس قال ليك تحسم موضوع الاضاءة خلال فرد اسبوع ومن يوم داك لليلى دى ما سمعنا حاجه ولا تم طرح عطاء لتتنافس الشركات على الظفر به ..ولا كمان حيكون “ام غمتى” يا اخوى “النمتى ” ولا ام “غمتى” والله وتالله انا لما اجيب سيرة النمتى دى بتحصل حاجه ما كويسه انت عارف بتاريخ” 13 أكتوبر 2018 .. 

كتبت فوق “عيمودى” دا ذاتو :((حميدتى ولا الجمتى-النمتى) والجمع بين راجلين حرام..واستهليته:(حياكم الحى الذى لا يموت إن في السماء لخبرا وإن في الأرض لعبر)..السنه البعدها طوالى إندلعت  ثورة ديسمبر والباقى  انت عارفه طبعا

@ اللخو العليقى ازيك الله يسلمك الله يبارك فيك ..بدور اسألك عن جائزة ” “فارس” شهر اكتوبر “حددتوا ولا  لسسه ما حددتوا يعنى “اخترتوا “..؟ .. و”فوقكها” شنو اكان بدل فار س الشهر سويتها “فرسان” الشهر .؟

@بالرغم  من علو كعبه وتربعه على صدارة المجموعه يتوجب على “منتخب الشباب”  الفوز على بورندى. 

@ وا معتصماه .. “وا حامداه”صرخت (الحقنى يا حامد اب عصاة سيف)..

بين صرخة شراة العلوية والغبيشا السودانيه..طوالى قام لحقها وفزعها وعرسها كمان عن جدنا الشيخ حامد”اب عصاية سيف”“انا بحكى ليكم عن  ” لقب اب عصاة سيف ” اللت” جدنا “الشيخ”حامد..فى يوم من الايام اساء تلاميد “الشيخ محمد الهميم “ابن عبدالصادق الركابي لتلميذته” -“الغبشا بنت محمد بن عبدالعليم” فاستغاثت بالشيخ حامد الذي وصل وابنه سليمان اليها فلما احس اولاد ود عبدالصادق بحضوره اقاموا حول” الغبيشا “قبة من حديد ضربها الشيخ حامد بعصاه فتطايرت وانقذا “الغبيشا ” تزوج بها الشيخ حامد..وجدنا التجانى الماحى بنى اول” استبالية” “للمجانين” فيك يا السودان فى قلب حى سوق امدرمان  ولصقها “هيته-بالهيته ) يعنى فوووق ضهرها فريق “حى العرب”  ..اها البارحه قالوا حى العرب “انقلب” اكان 10 ولا 12 مانى خابره من “المريخ” ..”جهال “مزمز” بقوا يحننوا الكافر التبارى مع فرق الاحياء المغموره لو كان ابان المعسكر الاعدادى لكنا قد قلنا عادى ولكن بعد قذيفة “باشرى” التجانى الماحى ارحم ليكم .

@ الخندقاوى حفظ ماء وجهه و إنسحب من السباق الرئاسى بدولة سمو الهلال..اعلن عن دعمه للسد هشام السوباط ومجلسه..ومن ديك وعيييك..ما حدثته نفسه ولا “عصبته” بتاتا لتقديم الدعم “اللوجستى” لمسيرة مجلس السوباط..ونفس الكذلك يندرج على “تنظيم فجر الغد”.!

@ الشغيل اعتزل والزعيم الهلال أجزل الشكر

@ ليتني لم أَكُ شيئاً..وليت هذه الرسالة لم ترد الى حياضى من الاستاذ  “يوسف الجبادى “نصها 🙁 والله لقد تزاحم المحبين عليك هذا ان دل انما يدل على انك محبوبة الملاين هؤلاء المحبين بعد سوف يفوقون جماهير الهلال العظيم قدما للامام نقول ما شاء الله ..لقد ظل حبك كل يوم يزيد ألقا ولمعانا فينا)..حتى اصدقكم القول لقد بترت جزءا منها ..النصيحه لى الله الجزئية دى من الرسالة 🙁 “انك محبوبة الملاين هؤلاء المحبين بعد سوف يفوقون جماهير الهلال العظيم”)..خلت الدم يغلى فى عروقى ..اشهد الله تمنيت لو ان حمام الموت كان اسرع الى روحى من رسالتك هذى  ..اى مجد واى عز حتى الجنه ذاتها لن تكون خصما على رصيد عشاق سمو الهلال ..(الا سمو الهلال)