بَوْح أساطين العشاق-جماهير الهلال ماعايزه صحفى يحلل ويقرر-الكراسى مكسره ومكدسه -فى العشق التقينا وسنظل عشقا وهيامافى الجوهرة -ثلاثه اقوان زي لاءات ثورة ديسمبر

بَـوْح أساطين العشاق

جماهير الهلال ماعايزه صحفى يحلل ويقرر

الكراسى مكسره ومكدسه فى الجوهرة 

فى العشق التقينا وسنظل عشقا وهياما

ثلاثه اقوان زي لاءات ثورة ديسمبر

السودان-عشق البلد

@ عاشق سمو الهلال” عبده عبدالله محمد يوسف “ 🙁والله يا هويدا بي حبك للهلال جميع مشجعي الهلال في جميع القروبات الهلال يجد عمودك كل اهتمام لانو جماهير الهلال ماعايزه صحفي يحلل اللاعب فلان مكانة الكنبه ودا ما لعبوه لانو هم لالعبوا كوره درجه اولي لاعندهم شهادة تدريب عشان كده عمودك مهم جدا لأنك لاتتدخلي فاللعيبه وشئون التدريب)

@ عاشق سمو الهلال”عوض عبدالقادر أحمد”:(سلام ثلاثي الابعاد ….وتحيه مثلثة الاضلاع لك يا عاشقة سمو الهلال الاستاذة هويدا الماحي…اول مرة اشوف لي زول يتمني هزيمة الفريقين اللاعبين مع بعض ….دا ما حصل في الكون الا من جماعة امفتفت…اتمنو هزيمة الهلال من الذئاب…واتمنو هزيمة الذئاب من الهلال…دي بس وروني بتحصل كيف النظريه دي …فيثاغورس ما يقدر يحلها ليكم…لا تمشو لي سيد جاكومي ينظر ليكم فيها … او للدكتور ….مش قولتو عندكم دكتور اسمه مزموزي دا بلقي ليكم حل …جماعة امفتفت جو يحضرو الكورة وما عارفين يشجعو منو ولا يقيفو مع منو…بس عمليتهم زي عملية وقف حمار الشيخ في العقبه ….ثلاثه اقوان زي لاءات ثورة ديسمبر …زي لاءات اتفاقية العرب في الخرطوم….ثلاثه اقوان كان فيها حريه….وفيها عداله…وفيها سلام…الكل كان لاعب بكل اريحيه وحريه ودون ضغوط….فيها عداله لان سموالهلال لعب بمزاجيه وبقوة واستحق النصر وكان عدالتا ان ينتصر….
كانت الاقوان الثلاثه حلاااااال مافيها شق ولا طق ومافي زول قال عنده شكوي يعني انتهت ب سلام…عرفتو معني حريه سلام وعداله….لكن في دلاقين زعلانين وحردو العشاء…ابو الاكل جابو ليهم لقيمات من الاتحاد قالو منفوخين…. ادوهم سمك باشري قالو بطنهم طامه من مشوار كوستي…رسلو ليهم امفتفت قالو مافيها دكوة …ومافيها ليمون ماتنفع معاهم…قالو ليهم اكلوها زي ما اكلتوها في الدويم بنجيب ليكم معاها سفن اب ….قالو مابيعرفو سفن اب ….النسي قديمو ضلا الله (يرحمك يا حوتا)سفن ما بتعرفو ..طيب بتعرفو الوحدات الاردني لا نسيتو …انشاء…الله امفتفت تكون اتعلمت وفهمت الفرق بين الكشري والباشري..الباشري .دا حق بحر ابيض…والكشري دا حق سمو الهلال ….امفتفت قالت جاءها رباط صليبي تاني ما بتلعب في الدوري الا يعيدو ليها الكسمبر يلعبو معاهو انتو يا دلاقين قايلين نفسكم لاعبين ليدو ولا كمبلت..لو حيين بنتلاقي انشاءالله..ونرحب باختنا الاستاذة “حليمه عوض الله” بانضمامها لنا في قروب  “نبض الاسياد”..والف تحيه لاستاذتنا الجليله هويدا الماحي صاحبة القلم الرائع ولك مني كل الشكر والتقدير وجل الاحترام“عوض عبدالقادر أحمد”)

@ عاشق سمو الهلال” ابو وليد”:( ياجماعة كراسي كتيييرة مكسرة في الجوهرة وما كانت بهذا الشكل ولكن الظاهر كسروها الدلاقين في بطولة سيكافا المقامة الان في الجوهرة لذلك أتمني من مسؤولي الهلال
واعني مسؤول الملعب أن يحرص علي حفظ ماتبقي منها حتي لو نخاطب الاتحاد بعدم دخول الجمهور للبطولة نعم مستحيل ولازم يكون في لفت نظر هذا.)

@ عاشق سمو الهلال “مامون عبدالرحمن” :(فى حبه التقينا وسوف نظل علي العهد والوفاء لكل أهل العطاء يازرقا العشق فكيف لمن اعطي واتفق وماذال يعطي السواط خط لايستطيع اي كائن كان إن يمسه وأمة الهلال خلفه مضى عهد اغبر ولانريد أن نرجع لعهد كيسو فاضي هذا ألمشروع سوف يستمر حتى تتحقق الأهداف التي تتطلع إليها امة الهلال اليوم الدور على ضارب الوصيف والباقي لينال نصيبه اجتمعت الحسره على التعيس وخايب الرجاء برشلونابي و دلوقتي أمتع وابدع الريال كيف لاوهو الملك على جميع الانديه على مستوى العالم ..في العشق التقينا وبه سنظل عشقا وهياما.)

@ عاشق سمو الهلال”ابوقصى “-السعوديه-:(كلمات لها زنات ورنات وفهمها مستحيل الا لمن تعود عليها وعلي فهم الالغاز بنت الماحي صاحبة القلم الساحر والزاد العجيب للغربال وصحبه الميامين لله درك وانتي تجوبين بنا عبر هذا العمود الرائع وترفعين من قدر سيد البلد وعشاقه رفع الله قدرك أين ما ذهبتي..بحمد الله معشوق الملايين انتصر في مباراه الامس أمام قاهر الوصيف الذي يحلم بأن تكون النتيجه غير ذلك ولكن نقول لهم موتو بغيظكم وكونو في الوصافة وهي شبهكم وان كنت أشك أن تنالوها هذا العام.التحيه مرة أخري لك نكررها بنت الماحي وفقك الله وسدد خطاكي وحفظ حقوق الهلال بجهودك.)

@عصارة البوح:(ما جانا عشقك من فراغ ولا نحن غنيناك عبط)

الجمعه 4/11/2022