Take a fresh look at your lifestyle.

بَوْح أساطين العشاق-طبيب اشبال الهلال انا شهداء اليافطة الهباب وفيتا الكنقولى-ابوقصى نعتب على إدارة الزعيم اغفالها ما حاق بكراسى الجوهرة-هويدا الماحى ما لعبت كوره وخالد بخيت نسف كلام الريح كاريكا 

بَـوْح أساطين العشاق

طبيب اشبال الهلال انا شهداء اليافطة الهباب وفيتا الكنقولى

ابوقصى نعتب على إدارة الزعيم اغفالها ما حاق بكراسى الجوهرة

هويدا الماحى ما لعبت كوره وخالد بخيت نسف كلام الريح كاريكا 

السودان-عشق البلد

@ عاشق سمو الهلال “معتز الهلالابى”:( قروب سيد البلد..امتعتينا في عمودك الرائع والله بقينا مدمنين عليه ..جزاك الله خيرا يا استاذة)

@طبيب اشبال سمو الهلال “السابق”دكتور فيصل ابوزيد -ابومقبل”مساك خيرات عزيزتنا وكاتبنتنا المصادمة الغيورة والقلبها النابض علي الأسياد الأستاذ ة هويدا الماحي مني ليك أسمى التحيات الطيبات والله من اكثر المعجبين بيك وبكتاباتك الجرئية المسؤلة والمحافظة علي الأسياد سيري ع الدرب ونحن علي الدرب سائرون معك طبيب اشبال الهلال “دكتور فيصل ابوزيد -ابومقبل”..فى عهد والعقدة الفريد(“خالدبخيت -جوليت-الضى) واشتغلت مع الفريق الاول زمن الوالي الله يرحمه وسيدا والبقية

وانا من” شهداء اليافطة الهباب” وفيتا الكنقولي مع تحياتي ليك)

@ عاشق سمو الهلال “ابوقصى”- السعوديه-:(ويبقي العشق ما بقي الهلال ودموع الفتي الاسمر جمل الشيل كما قالت الصحفيه الجسورة بنت الماحي الرهيف الحريف الشغيل ستكون تاريخا يتعلمه فتية سيد البلد من المراحل السنيه وحتي بلوغ النجوميه ويا لها من دموع ابكت كل من شاهدها مع تمنياتنا له بحياة سعيده في مقبل أيامه وكم كنا سنكون أكثر سعاده لو كانت هذه الدموع تزرف وهو يرفع كأس السودان متوجا سيد البلد به ولكن ماذا نفعل مع اتحاد كله واسطااات ولا يريد تنظيم النهائي في موعده بعد خروج الوصيف ولكن مع ذلك نقول لهم متي ما نظمتو المباراه وفي نهايتها سيرفع الشغيل كاسها متوشحا زي سيد البلد حتى ولو لم يكن لاعبا المباراه…نعود لثلاثة الرابطه و التي تجرعها وكنا نتمني لوكانت اربعه ولكن لا يهم ما دام أخذنا للوصيف ثاره وليته شكر ونعتب على إدارة الزعيم اغفالها لما لحق بكراسي الجوهرة وستزيد الأحداث في كل مباراه حتي يجعلو الجوهرة منبوذة من الكاف فيا إدارة الزعيم انتبهو لما يحاك من الخونة والاعداء ومن شايعهم من ضعاف النفوس وخذو حزركم وهم يدخلون في المباريات. وخذو من وصايا بنت الماحي خير الزاد فهي تقدم لكم النصح والرائ السديد في كل عمود نقراه لها فلها التحيه ولقلمها النابض بالحق لرفعة سمو الهلال وعشاقه.)

@ عاشق سمو الهلال “على الهلالابى”:(هويدا الماحى ازيك ..عشقك للهلال بكبر مع الايام انتى بالنسبه لينا الملهمة حتى مفردات الكتابه اتغيرت بفضل عمودك ..سمو الهلال ما سبقك عليها اعظم شعراء وكتاب سمو الهلال على مر التاريخ ..وكمان وصفك للهلالاب بسلاطين العشاق كان جميل جدا وماسبقك عليهو زول و كان عظيم تغييره الى اساطين العشاق..بقيتى لينا مزاجنا وكيفنا والله انا بقيت لامن يجينى ضيف عزيز بضيفه بى عمودك وبكون طاير من الفرح  .. لما خالفتى كل الكتاب وطالبتى فلوران المواصلة فى التدوير ..بصراحه انا استغربت خاصة وانى قريت عمود الريح كاريكا طالب فوقه فلوران التوقف عن التدوير ..قلت دا لاعب كوره واستاذه هويدا الماحى ما لعبت الكوره اكيد كلام الريح كاريكا هو الحق وتانى يوم طوالى قريت حوار مع “خالد بخيت ” قال نفس كلامك انهم مستمرين فى التدوير ..وتانى عمودك(الهلال الكاسر لتأديب قاهر المريخ القاصِر) وكلامك عن الفوز باكثر من هدف ودا الحصل بالضبط ..ياخ انتى معلمه والله و”عرابت” سمو الهلال واساطين العشاق عمودك بقى لينا قبله ومزار لانه غير مبتزل وقلمك ما مأجور ..هنيئا لك بعشقك السرمدى وهنيئا لاساطين العشاق بعمودك البقي لينا برهان و “مزار” وهنيئا لسمو الهلال بالعاشقه المتفرده هويدا الماحى .)

@ عاشق سمو الهلال

@عصارة البَـوْح:(ما جانا عشقك من فراغ ولا نحن غنيناك عبط)

السبت 5/11/2022

شاركها على
أكتب تعليقك هنا

لن يتم نشر عنوان بريدك الإلكتروني.