عِـشْقٌ سَرْمَـدِيٌّ– هُـوَيْـدَا الـمـاحى-الحَربَ خَدْعةٌ يا سوباط -الكاردينال ﻟﺰﺍﻡ ﺍﻟﺘﻘﻴﻠﻪ يتكفل بعلاج وليد-ابوجيبين يلزمكم الاستتابه وغسل الجنابه ولن تأتَّوا الجوهرة “طايشين”

 

عِـشْقٌ سَرْمَـدِيٌّ– هُـوَيْـدَا الـمـاحى

الحَربَ خَدْعةٌ يا سوباط 

الكاردينال ﻟﺰﺍﻡ ﺍﻟﺘﻘﻴﻠﻪ يتكفل بعلاج وليد

ابوجيبين الاستتابه وغسل الجنابه ولن تأتَّوا الجوهرة “طايشين”

استراليا-ملبورن_عشق البلد

الله -الوطن الهلال 1898م..النصر بجدارة أو الهزيمة بشرف.!

@أساطين العشاق لقد عَقَدَت محبتُكم فؤادى ..كما عقد سمو الهلال افئدتكم الغوالى ..علينا التحسب من” اهلى شندى” الجريح” ونزفه نقاط اخر مباراتين حتما سيرمى بكل “اسلحته” وليس لديه ما يخسره امام الزعيم سمو الهلال .

@ حرب الاستنزاف الهوجاء مستعرة لكسر شوكة رئيس دولة سمو الهلال “هشام السوباط ” ..رسمياً.. تم الغاء قرار تعيين لجنة التسيير الحالية لأصحاب العمل)يعنى اطاحوا بالسوباط من الرئاسة “جنس نجاسه وخساسه ” ..كما ذاع بالامس خبر ابطال قرار فك تجميد امواله ..يلتفون حوله كما و” إحاطة السوار بالمعصم”..لشل حركته ..الخلاف “شخصى” والشر يعم ..وحتى لا تستفحل الامور الحل بيد السوباط وحده..لو كان الشجب والاستنكار والوقفات التضامنيه والاحتجاجيه ستجدى سبيلا مع هؤلاء  لما ظلت الشوارع مترسه ولما سالت الدماء ومسلسل ازهاق ارواح الشباب حلقاته مازالت متجدده لم تكتب له النهاية ..على السوباط الاستماع الى صوت العقل قالها النبى محمد”ص” “الحَربَ خَدْعةٌ” يا “سوباط ” ومن خدع فيها مرة واحدة عطب وهلك..طوق نجاتك بيدك وحدك ..حكم العقل  لتفوز وتظفر بالنجاة .

@”ابوجيبين “لن تأتَّوا الجوهرة المفخره عبر بوابة البروباغندا و”وليد طايشين” ..شوفوا غيرها ..الزاد كان ما كفى ناس البيت يحرم على الجيران..الماعندو خير في أهله م عندو خير في الناس..فريقك يعانى الامرين من “الدين” السلف والغرامات ..و”ياهن داك” المحترف “تونى” يجأر بالشكوى “قروشى شى شى ولا اشتكى للمحكمه .. كمان قالولى فى تطورات فى قروش فاركو الملهوطه وشى شيك على بياض غايتو القضيه وصلت مرحلة البلاغات ياكافى البلاء حولينا ولا علينا ” حللت” ديونكم اولى لك فاولى سيبك من الديون وكت عندك قروش “ادهن” للمحترفين مقابل توفير السكن الذى يليق “بالبنى ادميين”..سيبك من سكن المحترفين القالوا بنأجر من قروشنا عشان نسكن برانا وكت المريخ “رمانا “وسقانا الذل والهوانا ..”سيبك” من فضيحة سكن المحترفين ..هسى فوووق كشف المريخ دا عندك كم لاعب محتاج للعلاج ؟ لاحظ ما سألتك عن قدامى اللاعبين “بتاتا “-بتاتا”..سمو الهلال دولة عظمى لن يعجزها وليد طايشين وعن علاجه مانا مقصرين ..وقد افحمك تنظيم فجر الغد البارحه عبر بيان كانت استهلاليته دروسا وعبر ..بان استغفر الله العظيم من كل ذنب عظيم ..ومن ثم شكروك على الزياره فى يوم الزياره لكابتن السودان ..واستشعروا الغرض غير المعلن من الزيارة وحتى لا يوصم سمو الهلال بالتقصير هاؤم اقرءوا كتابنا :وليد طاشين سفرناهو القاهرة واشرفنا مع أساطين العشاق على علاجه حتى عاد متعافيا ولم نكتفى بذلك بل تكفل تنظيم فجر الغد بسفره لاداء “العمرة” ..والأهلة علي مر التاريخ يعرفون الواجب تماما ولا والف لا ومليون لا للتقليل من شأن الهلال وأهل الهلال ورجالات الهلال ..وقع ليك يا ابوجيبين ..وفى ياتو جيب ..؟

@ الخنفشارية المريخيه

السكلبه والثكلى والجرى “الفريرى”الما جراهو “سيف تيرى”..العرضه جنوب اتقلبت ساحة الحقونا والنجده جاها الف اتصال :الوابل والقنابل يا النجده حرقونا ووهلكونا ناس اسيادنا ناس الزعيم الهلال ..سننقرض كلنا ت عربيات النجده والمطافى ما تديك الدرب والمويه كانت قاطعى المطافى الا استعانت بى قوارير الدلاقين من “الحصاحيصا”..والدلاقين يشيلوا “ويسولولم” ادقشوا الجوهرة حراقة حشانا”..وطبعا لقوها فرصه ما صدقوا يحجوا للمفخره لكن يلقوها عند الغافله الجوهرة محروسه ..قام قائد فرق الانقاذ كلهن”ججت” هووى استنوا فى الفجه دى لازم توضيح لى قايد “الديش” مانى قاصده “الانقاذ” اللت بنى كويز ..النكرها البرهان حطب البارحه برى وبرى غيت كمان يا البرهان ..خلونا فى القيامه القايمه فى محيط جوهرتنا ومفخرتنا ..القائد قال لى حراس الجوهرة لازم ندخل عشان البلاغات الجاتنا من المريخاب بوجود قنابل عنقوديه تهدف الى تصفيتهم “ججت”عن بكرة ابيهم “حراس الجوهرة ماتوا من الضحك وافسحوا المجال للقائد “براهو ” والقايد اول ما وقعت عينه على القنابل قال لى ناس المطافى رشوهم بى موية المجارى دى قاصد الدلاقين المخلوعين المفجوعين القنبله الخلعت المريخاب طلعت “قنبله تقنيه “اى والله-استجلبها مجلس السوباط “آلة تسديد الكرات لتدريب حراس المرمى”..صحى والله الماشاف البحر بتخلعه الترعه “تتخولعوا وتتعولقوا وتتخوزقوا بس يا الدلاقين .

@ تكفل رئيس دولة سمو الهلال السابق الدكتور “اشرف الكاردينال” بعلاج كابتن” وليد طاشين”..حتما ابت عليه نفسه الابيه ان يقف متفرجا وابوجيبين يعلن تكفله بعلاجه لم يتوانى فى التصدى لعلاجه حتى لا يضام سمو الهلال ..السؤال الذى يطرح نفسه هو هل عجزت اللجنه الطبيه بدولة سمو الهلال عن علاجه الذى سبق وان تكفلت به ولا كان شو اعلامى ساااااى ..؟