عِـشْقٌ سَرْمَـدِيٌّ– هُـوَيْـدَا الـمـاحى-منازلة الجبابرة عز الله مقامك سمو الهلال -النصرى “منكسرى” والحكم شايقى ومشلخ 111 أخوهن بالرضاعى

عِـشْقٌ سَرْمَـدِيٌّ– هُـوَيْـدَا الـمـاحى

منازلة الجبابرة عز الله مقامك سمو الهلال 

النصرى “منكسرى” والحكم شايقى ومشلخ 111 اخوهن بالرضاعى

استراليا-ملبورن_عشق البلد

الله -الوطن الهلال 1898م..النصر بجدارة أو الهزيمة بشرف.!

@”إذا  لم تعشق سمو الهلال ولم تدْرِ مالهوى “فأنت وعِـيرٌ فى الفَـلاةِ سواءُ””.احسنت مدينة بربر استقبال سمو الملك الهلال ..”الناس مقامات” ..وسنكرم “الارسنال” بمثل كرمهم ..تحدونا الامال بالمضى قدما فى حصد النقاط  نحترم خصومنا ..نعم خسر الاهلى شندى اخر كورتين لذا  سيكون نمرا هصورا امام سيد البلد ..سنعض على نقاط مباراة اليوم بالنواجذ ..لا  تهاون البته ولا تفريط فى الصدارة..ثقتنا  المطلقة في فرسان كتيبتنا وادارة بعثتنا والبروف فلوران لا تحدها حدود ..نتوقع دخلا خرافيا ومباراة تأريخيه  تسير بذكرها الرُّكبان.

@بينما جدد الملأ من امة سمو الهلال ولاءهم للقائد “هشام السوباط “وأكدوا وقوفهم خلفه ومناصرته ..كما تسيدت اخباره  الميديا جمعاء..سكت السوباط عن الكلام المباح فى موضوع الاضاءة ولم يكلف نفسه التوضيح عقب انقضاء مهلة الاسبوع الممنوحه للاستاذ “خالد هداية الله” ..هل مازالت لجنة الطوارئى منعقده ام كان الكلام مجرد “طلس” لذر الرماد على العيون ..؟

@المره دى الشكوى ظابطه ..المريخ بكى واشتكى فوق الحكم “الليلل “البارح.. اتاريهو طلع “شايقى “وكمان مشلخ (111)وناس مروى كلهن شايقيه “شوايقه”يعنى اخوهن بالرضاعى ..ولا يجوز شرعا ان يدير المباراة عليه ستعاد المباراة وسيديرها حكم من الخرطوم “من شان” المريخ فريق لاجئ ماهو محسوب من اندية الخرطوم ان شاء الله يحكمها المتقاعد “درمه”عديم الضمير والذمه ..ما فرقت طبعا اتحاد السجم سيقرر اعادتها بالجوهرة المفخره لزوم “عوارة المنافيه وترضية النجيمه المنفسنه”.

@ قلد رئيس بعثة سمو الهلال الى الدامر “الفريق يحى محمد خير”..قلادة فارس الشهر  بدولة سمو الهلال للفارس “ابوعشرين” ..يا سبحان الله البارحه المريخ محل ما يقبل يتلقى وجيعة وفجيعه .. “لون الدم”سبب الهم والوجع ونتحى الجرح و”الوحوحه”..مبروك ابوعشرين وانت تخرس الحاقدين وتفقع مرارة الدلاقين”ججت”

@المريخ رصعوا رايح جاى على يد خريجى جامعة سمو الزعيم الهلال من “باشرى” لى” كويلا “..الضرب بالملوه والكيله..! دى الصغيره راجياكم الكبيره ..النجيمه السجيمه تعبانه شن لقيتى ..شقيانه شن تلقى ..وفنانهم “النصرى” “منكسرى”بربرى وفرمل وفرمط لى الدلقان دا ..واحرق الجازولين “كويلا” بالدقداق وفيكى يا “بربر” ضاقوا كل الويل

@اتحاد اللئام مات وشبع موت من زماااان لكن البلد ما فيها والى للرياضه المؤسف الوزيرة مجرد كومبارس فالحه بس فى تعيين اللجان 

@ الجريمه النكراء العظيمه بحق “مريخ كريمه” وشهد شاهد من اهلها ..”بدن فاجر وقلب كافر ..لا حيلة تصلح مع “الحقير “وكُلما أحسنت إليه ، ازداد حقارةً..طلاق رئيس بعثة المريخ وزفارة لسانه ..اخلاقهم ولا ح يشتروها..؟..جنب كرامتك اللئام، فإنك إن أحسنت إليهم فجروا وتكبروا ثم غدروا..اللَّئيم كذوب الوعد، خؤون العهد، إذا قال أفحش..”الشويفع الجاهل” دا “متل” ما وصفه عضو مجلس ادارة مريخ كريمه..عينتوا كيف رئيس على البعثه ..؟ رئيس بعثه يعنى دبلوماسى و سفير وامير يتحلى بالخلق النبيل ..ما ذنب مريخ كريمه”فى هزيمتكم التى حولها الحكم “حكمكم” بى يا الله ويا اميين لى تعادل غاشم ظالم ..؟ صرف ضربتين جزاء لصالح الاهلى مروى واهداكم هدف من تسلل اوضح من عين الشمس ..فريقكم جنازة بحر ..مريخ كريمه يسوى ليكم شنو ..؟ وكت مضروبين وخجلانيين كنت يا رئيس البعثه تكلف نفسك الاعتذار عن الدعوه بادب وتقول ليهم لو لبينا الدعوة بعد “تفاهت” مستوانا فى الملعب بضبحونا ضبح ..انتوا رسلوا لينا المأكولات واحتفظوا بالشهادات ..سيبك من كدا “يا العره الدلاهة” بدل التفاهة والوقاحه كنت تطلب منهم يعكسوا الايه ويجوا شايلين “الشاى” واللقيمات والشهادات ويقدموها ليكم فى عقر مقر اقامتكم ياخ ان شاء الله فوق الباص.! بمناسبة الباص دى قسمت بى الله شوف عينى جماهير المريخ منعت اللعيبه النزول من البص .

@ الجوهرة طالتها البهدله وجنت عليها”البدعه سيكافا “المهذله..حرقت النجيله حرق ..فيما علمت بالامس ان عمر النجيله الافتراضى ال10 سنوات قد انقضى ..ولازم مجلس السوباط ينقذها ويجددها ..لكن يا منتخب دولة جنوب السودان كراسينا سوت ليكم شنو ..؟ قالوا وقعتوا فوقها تكسير ورجمتوها رجم دا تار بيت ولا غيره دلقونيه معفنة ..؟.