Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-الهلال المِقْدام أَجْهَزَ على النمور وفرح الايتام- اتحاد حمى الضنك النزفيه رَبِيب الدلاقين-فعاليات منتدى الهلال للاداب والفنون(1) غدا والدعوة عامه

عِـشْقٌ سَرْمَـدِيٌّ– هُـوَيْـدَا الـمـاحى

الهلال  المِقْدام أَجْهَزَ على النمور وفرح الايتام 
اتحاد حمى الضنك النزفيه رَبِيب الدلاقين

 فعاليات منتدى الهلال للاداب والفنون(1) غدا والدعوة عامه

استراليا-ملبورن_عشق البلد
الله -الوطن الهلال 1898م..النصر بجدارة أو الهزيمة بشرف.!
@”الهلال لعاب رغم غياب صانع الالعاب

الثقه أشبه بالحب لا ىتُشترى بل يتم غرسها ..وغرس الثقه بالحيل صعب وقد افلح الزعيم سمو الهلال غرسا لنحصد ثقة ..البارحه غاب صانع الالعاب ..ولم يهتز لى رمش ولم يساورنى الشك قط فى قنص النقاط كاملة غير منقوصه..لم يكن ترويض النمور سهلا ميسورا ..فما رقت عزائمنا ولا وَلا خابَت مَساعينا..وكان النصر حادينا
@شكرا فلوران مجدا الغربال بعد الغياب عاد الغربال عودا حميدا مستطاب ..بعد الراحة تسيد الساحه.

@ ناس اتحاد “حمى الضنك النزفيه” يتأمرون ويمكرون يخططون ويحيكون الدسائس اعلنوا عن نهائى كاس السودان بين سمو لهلال واهلى الخرطوم بالجوهرة الاثنين القادم الساعة 6:45 بتوقيت السودان..!
قلتوا لى وين المؤامره .. انتوا قومتوا الدنيا وما قعدتوها يا أساطين العشاق عشان مباراة كاس السودان ..؟
سمح جيتونا فى ملعبنا والاتحاد فجر غضبنا ..رايكم شنو “العمليه فى- النملية”والعتبه قزاز..؟- اى والله-انتوا ناسيين ولا متناسيين انه اليوم دا يوم حبوبه الفيفا ..وكمان فرسان سمو الهلال مع المنتخب ..وتهريب المريخ من مواجهة حى العرب الصعب والشقلبه بتجبر الزعيم الهلال على مواجهة حى العرب قبل الدلاقين ..وبى كدا فاكرين انهم فصلوا الكاس على مقاس الاهلى الخرطوم وهيت لهم ..؟والله مريخكم دا تهربوا ..تعلبوا .. الفرق كلها ح تغلبه ونحنا ببندقه دق “نفندكوا” و”نغربله “..وما بنهاب ملاقات الاهلى على الكاس فى ظل غياب عدد من الفرسان مع المنتخب..فلوران ما شغال تدوير هبل ولا هبط ..غاب من غاب بغض النظر عن اسباب الغياب الزعيم سمو الهلال ياهو الهلال ..!

@ عزا ومجدا رئيس بعثة سمو الهلال الى الدامر “الفريق يحى محمد خير”..ورفاقه الميامين أنابوا  فاحسنوا التمثيل عنا امة سمو الهلال..فعادوا اشراقا ولحنا عبقريا هلال . 
@ قالوا التور كان وقع كتر البتابت عيب والعذر الاقبح من الذنب العيب ذاتو ..نادى مريخ كريمه وعبر فيديو ..ماهو متل فيديوهات الجاكومى غيت ولاالحكم درمه قلاى الزيت ..وضح واستنكر وشجب “خذلان المريخ الخرطوم” وركله دعوتهم الكريمه ..دا ما الموضوع ولا الخبر لانه التنكر ونكران الجميل صنيعهم والا لما تنكروا للكبير الزعيم الهلال ابد الدهر ..الخبر يا اهلة تبريرات “اخو الريح كاريكا” الفطييره ليته سكت ياخ نحنا فى الالفيه المدججه بالتقنيه لكفتكم رنت تلفون العار الذى لاحقكم ..ولا تلفوناتكم “ججت” -“بطارياتن “نازله متل عربيتكم ومريخكم فريقكم ..؟

@ يستهل القطاع الثقافى لدولة سمو الهلال برئاسة “شادية عطا المنان” فعالياته  غدا السبت 12  نوفمبر عند السابعة مساء  بدار النادى  على مسرح كرومه .. منتدى الهلال للاداب والفنون رقم (1) تحت شعار الهلال وطن التميز وتاريخ الفنون يشتمل البرنامج على اعديد من الفعاليات الابداعية:( معارض -فلكلور وتشكيل- فرقة اهالينا للتراث.. والفنان جمال فرفور) الدعوة عامة
@ “البروف فلوران” يلطم الخدود :””نهضة بركان”ياحسره عليهو يا حسره عليهو “..وفى ذات الوقت فخور باندية الكنغو ” فيتاكلوب -مازيمبى وسانت لوبوبو..ونحنا فخوريين بالبروف فلوران .
@ اقسمناها “قسم” سمو الزعيم الهلال المفدى يسطر التاريخ حيثما ارتحل..قادته يصنعون الحب بتكرم المدفعية وشرطة نهر النيل..و الزيارة التأريخيه لدار “الأطفال فاقدى السند بعطبره”..كان لها بالغ الأثر..على أهل ولاية نهر النيل قاطبه.
@ قالوا الصيد ورد فى حلة حمد.. وكالة الأنباء القطرية تعلن : المونديال بالمجان في السودان .
@ عظم الله أجرى فى أشخاص ماتوا وهم أحياء..ما قتلناهم ..ولكنا اصْطَفَيْنَاهم.. أقاموا صلاة الجنازة على أنفسهم ..فارغمونا على تشييعهم دون اكرامهم ومواراتهم الثرى ..!.

@نبض العشق السرمدى ..نقرات عشق نمة ريد.. غرام الروح ..ويبقى العشق ما بقى سموالهلال !”)
زرقـاء الـعشق
هُـوَيْـدَا اَلْـمَـاحِى
الجمعه 11/11/2022

شاركها على
أكتب تعليقك هنا

لن يتم نشر عنوان بريدك الإلكتروني.