Take a fresh look at your lifestyle.

بَــوْح أساطين العشاق-ما أروع الانتصار وما اجمله واكتمال الهلال بدرا في سماء امدرمان-الله الوطن الهلال شعار يصعب على أهل الوصيف سماعه-الف مبروك يا جميل الكاس رقم 8 ..الاهلى فرقة محترمة-الزومه أذهلت اتحاد اللقيمات وصعدت للممتاز رجاله وحمرة عين 

بَــوْح أساطين العشاق

ما أروع الانتصار وما اجمله واكتمال الهلال بدرا فى سماء امدرمان

الله الوطن الهلال شعار يصعب على أهل الوصيف سماعه

الف مبروك يا جميل الكاس رقم 8 ..الاهلى فرقة محترمة

الزومه أذهلت اتحاد اللقيمات وصعدت للممتاز رجاله وحمرة عين 

سمو الوطن الهلال-عشق البلد

عاشق سمو الهلال “محمد الكندو-Mohamed Elkando”

:(الف مبروووك ايمن عبد الله يبكي بهناك قال هلال شنو الحصه وطن وهو ناسي ان الهلال نادي الحركه الوطنيه واسس اصلا لمقاومه الاستعمار)

@ عاشق سمو الهلال”ابو قـصـى ” -السعوديه-

ما أروع الانتصار واجمله واكتمال الهلال بدرا في سماء ام درمان بعد أن يقوم بكامل برامج الضيافه في سهرة ممتعة وشيقه تابعها الأعداء أكثر من العشاق وكلهم امل ان تذهب البطوله للفرسان ولكن إرادة الله غالبه.
التحايا والتبريكات نسوقها بالجمله لكل عشاق سيد البلد إدارة ولاعبين وجهاز فني صراحة هو مفتاح النجاح بهذه السياسة الفنيه الرائعه التي برمج عليها اللاعبين وخاصة حسن الختام في تنفيذ ضربات الجزاء. التحيه للاعب الرائع الفارع ابوعشرين الذي أصبح يمثل وجوده في حد زاته هو نقطة الاطمئنان لدي العشاق..التحيه للبروف فلوران الذي ادخل علما في كرة القدم الحديثه يستفيد منها كل عشاق كرة القدم من لاعبين ومدربين في بلادنا..التهاني نسوقها بالجمله للصحفيه الراقيه بنت الماحي التي نالت ما أرادت من امنيات ظلت تسوقها حبا في الهلال وعشاقه..نبارك للفرسان هذا الأداء الرائع الذي ظهرو به ونتمني لهم التقدم ليصبحو وصيفنا في الممتاز لهذا العام

-الله الوطن الهلال شعار يصعب على أهل الوصيف سماعه بعد أن فقدو الوصافة في الكأس التي تحمل اسم الوطن وحاول الاتحاد المنحاز لهم وضع العراقيل لتعطيل قيام النهائي خوفا من ذهاب الكأس لسمو الهلال ولكن قوة الله أعظم واقوي من مكائدهم.
فقدو الوصافه هذا العام من بطولة قالو هي المحبوبة لديهم ولدي مشجعيهم وبإذن الله يفقدو الوصافة من البطولة الام هذا العام وربما يفقدو التمثيل حتي في الكونفدرالية القادمه وهذا ما نتمناه لأنهم لايستحقون مرافقتنا في البطولات القاريه بعد الحقد والحسد الذي ظلو يمارسوة تجاه زعيم الكرة السودانيه وقائد مسيرتها رقما عن أنف كل من يكرهه.
التحيه لبنت الماحي وليراعها الراقي الحاضر في الدفاع عن حقوق سيد البلد وعشاقه. مع تمنياتنا للفرقة الزرقاء بالنصر المؤزر علي الفرسان لأنهم لن يكونو صيدا سهلا في مباراة اليوم خاصة وأن الاتحاد في مساعده واضحه لهم برمج المباراه في غياب الكثير من لاعبي معشوق الملايين ولكن اي لاعب ينزل الملعب قادر على تمثيل الهلال في وجود ثعلب المدربين البروف فلوران.)

@ عاشق سمو الهلال”عباس الطيب  ” Abbas Eltaib

:(نحتفل زي ما يحلو لنا ونزيد الآلام والجراح دوري وكأس والدلقون صفري وهذا المشهد دا حيتكرر كثيرا خلال المواسم القادمه بإذن الله وناس افراحها زايدة وناس بتالموا)

@ عاشق سمو الهلال “ محمد كيمو المغربى “

:(الفرحه ناقصه اتمنينا نلاقى بنى دلقان )

@ عاشق سمو الهلال “ زورق الألحان “

:(الف مبروك يا جميل الكاس رقم 8..حقيقة يا محمد الاهلي فرقة محترمة)

@ عاشق سمو الهلال “محمد طه الامين شقدى”

 🙁 الهلال وكفي 💪💙 💪..المنظر دا بإذن الله ح يتكرر كتير 💪..ساهرنا بيكم يادلاقين 🤔 تبكو بس 😂)

@ عاشق سمو الهلال “احمد ابراهيم –” Ahmed Ibrahim

 ) :قالوا متألم شويه ياخي بعد الكأس عليك )

@ عاشق سمو الهلال” ابراهيم النور Ibrahim M Nour-  

:(ماشاء الله منورة استاذتنا Howaida Almahi عاشقة سمو الهلال ..الهلال وجماهيره قادرون علي الضغط لانصياع ااحاد اللقيمات وسيرهم في الطريق الصحيح وبإذن الله اليوم الهلال منتصر)

@ عاشق سمو الهلال ” طارق اندرو “

:(بالتوفيق دائمًا، هويدا رعاك الله بعينه التي لا تنام وحفظك من كل مكروه، وأدام عليك نعمة الفهم والتفوق، من نجاح إلى نجاح..امنياتي للهلال) 

@ عاشق سمو الهلال “عبدالله التكينة التكينة “

:(ما شاء الله تبارك الله ربنا يحفظكم ان شاء الله ويرد غربتك بت الهلال كلام طيب وجميل نتمن الكاس للهلال ان شاءالله وعمنا عبدالرحمن يفرح مع الغربال واخوان روفا )

@ عاشق سمو الهلال “الطيب عجبين النفيدي “

:(والله فاقدين وضيفنا وضلنا الدائم.. الدوام لله)

@ عاشق سمو الهلال”سامى حسن –  Sami Hassan

بالله شوف بنو دلقون يتمشدقون بالهراء قال شنو قال اتحادهم السجم اجل مباريات “المنتاز”عشان خايفين على سماحة سمو الهلال من اللعب ..و(قرقر..قرقر)..نحمد الله المسامير ماها “هيلنا” ..ما جندلونا “بالباشرى “و “فجخونا” فى بربر ولا “كرشونا” من كريمه وبقت علينا الاتنين عار الهزيمة والنكوص بالوعد المهين لمريخ كريمه و”كر يا يابا كر” ..!-الكرم “جعلى ” و”مشلخ T”..ويا “الزومى “عدى عدى.. الزومه التاريخ والعراقه “الزومه ابن سمو الهلال” اى والله وتاالله ..الزومى ما صعدت للممتاز بى اخوى واخوك بتاتا وضعت فى طريقها المتاريس لتتخطاها فى شموخ وعزيمة واباء افشلت الدسائس والمؤامرات واذهلت اتحاد اللقيمات وصعدت للممتاز رجاله وحمرة عين ..)

@ عاشق سمو الهلال “فاروق السنى Fa Alsunni –

 ) :ماشاء الله تبارك الله علي الاطلالة الجميلة التي تفتح النفس وتشرح الصدر من الصباح الباكر..واليوم وفيتي وكفيتي في مقالك الجميل تمجيدا وتعظيما لسيد البلد وردم دلاقين اتحاد الفساد واللقيمات وخاصة وانتي لك القدح المعلا في تثبيت اللقاء اليوم الذي اراد له الدلقان الكبير ضعيف الشخصية الغاؤها لاجل غير مسمي ارضاءا لدلاقينه وحتي لايظفر الهلال العظيم ببطولتي الدوري والكاس ويتسيد الساحة ، ولكن النصر والغلبة للهلال ان شاءالله)

@ عاشق سمو الهلال ” عبدالرحمن على ” الهلال دا “الامم المتحدة “ل غالب مغلوب واحد ما فى فرق)

@عصارة البَـوْح:(الله- الوطن الهلال..ما جانا عشقك من فراغ ولا نحن غنيناك عبط)

الثلاثاء 15/11/2022

شاركها على
أكتب تعليقك هنا

لن يتم نشر عنوان بريدك الإلكتروني.