عِـشْقٌ سَرْمَـدِيٌّ– هُـوَيْـدَا الـمـاحى- -مبروك للسودان الوطن الهلال عِزّ كاسه-الكاس كاسنا ونحنا أهلوا ونستاهلو!!-المنصه العفشه خربت الرصه تتقصه ما شبه الهلال-المنصه العفشه خربت الرصه تتقصه ما شبه الهلال

عِـشْقٌ سَرْمَـدِيٌّ– هُـوَيْـدَا الـمـاحى

مبروك للسودان الوطن الهلال عِزّ كاسه

الكاس كاسنا ونحنا أهلوا ونستاهلو!!

المنصه العفشه خربت الرصه تتقصه ما شبه الهلال

استراليا-ملبورن_عشق البلد

رغم بعدى برسل تهانى تحوى شوقى وعشقى وهيامى ..لو اعيش فى الدنيا ثانيه ليك بهديها بقناعه . ﺍﻟﻤﺤﻴﺮ ﻭﺍﻟﺒﻌﺎﺩ ﻣﺎ ﻣﻤﻜﻦ ﻳﻐﻴﺮ..ﻟﻲ ﻫﻮﺍﻱ ﺍﻟﻤﺸﺘﻮﻝ ﺻﻐﻴﺮ ﻣﻦ ﺟﻬﻠﺘﻲ ﺃﻳﺎﻡ ﻓﻄﺎﻣﻲ ..ﺭﻏﻢ ﺍﻧﻲ ﺑﻌﻴﺪ ﻓﻲ ﻣﻘﺎﻣﻲ ﺍﻧﺖ ﺑﺮﺿﻮ ﻣﺴﺎﺭ ﺇﻫﺘﻤﺎﻣى”من اغنية رغم بعدى”

@هلالاب اسياد بلد إذا ضاقت بنا الدنيا اتسعت لنا السماء كيف يتسلل الينا اليأس واللهُ مَولانَا..و”حيكومة” هشام السوباط والعليقى الحريقى” سُقْياً وَرَعْياً” تتفانى..لا مزايده على عشقنا وهوانا.

@ فى الكون باسره ..تكون الفرحه من نصيب الكيان وعشاقه عدا مع سيد البلد الوطن سمو الهلال البارحه كان لقاء بنكهة وطنية صرفه الهلال الوطن يقتنص كاس السودان الوطن ومن منو ..؟ من وصيفنا الاهلى الاصلى الجندل المريخ من البطوله وانتزع منه لقب الوصافه وما ظنيت المريخ قريب يتعافى ويرجع للوصافه ولكن اضمن للمريخ الصراع فى القاع على البقاء فى الممتاز ومين عارف ربما بردلب وقع المره دى لن يشفع له الكبير الهلال البته .! خلونا مع فرحة السودان والكاس ذاتو فرحان يا ناس ..وما مصدق انه عاد الى احضان فربوع سمو الوطن الهلال عزه وفخار ..موطن اقتناص واجلاس ..(كاسات الدهب ) فى كل العصور والحقب هلالنا صعب كاساته دهب .

@الشركة المصريه الراعية لبطولات اتحاد السجم مجهولة النسب والهوية..قالوا الما بلقى شبهو المولى قبحه وقد صادف اتحاد السجم الشركه الراعيه البتشبهو ..منصة التتويج البارحه كانت فاضحه قبحهم الله لا وكمان يحى ان الشركه طالبت الاندية بفتح حسابات بنكية فى القاهرة ..فاجرة ولا ما فاجرة وكافره ..؟ هذا زمانك يا مهازل فامرحى .

@البارحه طبق سموالهلال كلام الشاعر “دخيل الله الدجيما الثعلي”:(يا ضيفنا لو زرتنا لوجدتنا..نحن الضيوف وأنت رب المنزل)..الاهلى من قولت تيت ترتر لى ورا وقفلها ال11 كلهم مدافعين قفلوا الصندوق ..فخامة سمو الملك الهلال جاراهم وخلاهم يبلقوا مناهم بالوصول الى ركلات الترجيح وخاب ظن الاهلاويه الذين حسبوا ان خبرة لاعبيهم كفيلة بضمان تسديد الركلات للفوز بالكاس .

بينما لم يجازف البروف فلوران بالطلعات الهجومية لاحراز هدف مبكر كما عهدناه فى المباريات السابقه ..ربما كانت ستكون قاسمة الظهر.. رحم الله مدربا عرف قدرات وامكانيات لاعبى فريقه وكان طول قامات مدافى الاهلى خصما على على سمو الهلال بينما تاه “الغربال” الذى اجبره انقطاع الارسال ..صناعة وتهيئة الفرص “الدعم والمسانده المطلوبه “للرجوع الى منتصف الملعب “عشان يصنع لى نفسه براهو يعنى لاعب خانتين فى خانه “..”ليليبو ماكابى” مالو مطرف ..وبعيد عن الصندوق..ما كان فى يومه ولا كان متقيد بتنفيذ تعليملت المدرب ؟غياب القناص صاحب الرأس الذهبية “جون أمانو “كان خصما على دولة سمو الهلال..خلونا نقول لكل مباراة متطلباتها وظروفها .. ويحمد للبروف فلوران انه لم يتهور ويجازف .. سؤال بريئ هل كان استبدال المحترف أجاجون تكتيكى ام لعلة فى الاداء ..؟

@ عاشقة سمو الهلال “سهير عبدالرحمن عبدالرسول” ظلت مهمومة بما حاق بالجوهرة المفخرة من اثار سيكافا و مشجعى منتخب جنوب السودان على وجه الخصوص الذين حكموا وكسروا 1500كرسى قاتلهم الله ..ولم يهدأ لها بال الا بعد التطمينات والبشريات التى تضمنها رد عضو مجلس ادارة سمو الهلال ع “علم الدين محمد عبد الله” بان ادارة منتخب جنوب السودان قد تكفلت بصيانة الكراسى وقد ارسلت مندوبها بالفعل الذى احصى الكراسى المدمره عددا .

@ سيد شباب دولة سمو الهلال “العليقى “”دام عُلا العماد”.. سِرْ فلا كبا بك الفرس”.. فما تبالي السما يوماً إذا نبـحـت .. كل الكلاب وحق الواحد البارى ..لو كل كلب عوى ألقمته حجـراً ..لأصبح الصخر مثقالاً بـدينـار. مغضوب الولدين لن ينال من عرشك ابد الدهر ..”سال اعرابى النَّبِيِّ ” صَ” مَا الْكَبَائِرُ؟ قَالَ: (الْإِشْرَاكُ بِاللَّهِ ثُمَّ عُقُوقُ الْوَالِدَيْنِ.. مَلْعُونٌ مَنْ سَبَّ أَبَاهُ، مَلْعُونٌ مَنْ سَبَّ أُمَّهُ..اثنان يعجلهما الله في الدنيا: البغى وعقوق الوالدين }والعياذ بالله فما بالنا بملعون تجرأ على والدته بالضرب ..؟ “كفتها ” اداها كف “..كفته الله.

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سموالهلال !”)

زرقـاء الـعشق

هُـوَيْـدَا اَلْـمَـاحِى

الثلاثاء 15/11/2022