Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-يا للهلال يا للثقه بالجوهرة تشع نورا  فى ليل المجموعات -فلوران الله معانا ومعاك خسران البتحداك بتك ومرتك حداك والسمراء هناك- معركة ذات الكروش اهدروا كرامة المريخ.. الاقفال كسروا والدم سيلوا 

عِـشْقٌ سَرْمَـدِيٌّ– هُـوَيْـدَا الـمـاحى

يا للهلال يا للثقه بالجوهرة تشع نورا  فى ليل المجموعات 

فلوران الله معانا ومعاك خسران البتحداك بتك ومرتك حداك والسمراء هناك

معركة ذات الكروش اهدروا كرامة المريخ.. الاقفال كسروا والدم سيلوا 

استراليا-ملبورن_عشق البلد

@ يحدونا الامل المفعم المشبع بالثقه فى مجلس حكومة دولة سمو الهلال باكتمال صيانة الجوهرة المفخرة لاستقبال مباريات دورى المجموعات وهى تكتسى حلة زاهية مرصعه بالانارة التى لن يعجزهم تركيبها باذن الله..واهم من يظن ان اللعب عصرا لن يكون خصما على مردود الفريق بل وحتى على حج اساطين العشاق الى الجوهرة المفخرة.

@صرح نائب رئيس اتحاد جنوب السودان لكرة القدم “شارلس ادوار” عن   تطبيق المادة 16الفقرة (2) من قانون الفيفا للانضباط على اتحاد بلاده و الزامه بدفع تعويضات عن كراسى  التى تم تكسيرها و الاضرار التى حاقت بالسور الداخلى  باستاد الهلال. .وتغريمه 100الف دولار  لحساب سيكافا

@التهانى تنهال على الثعلب” فلوران “من السويسرى مارسيل كولر”مدرب الاهلى القاهرى  المتواطئ مع المريخ والعجب الصحافة الكونغولية ما عندها سيرة غير انتزاع الزعيم سمو الهلال كاس السودان من الاهلى الوصيف كتبت على صدر عناوينها :(البلوز يغرق الخرطوم)..البلوز (موسيقى دقدقة المشاعر باللون الأزر )..عزيزتى الصحافه الكنغوليه :ازيدك من الشعر بيتا 🙁البلوز اغرق الخرطوم..والمريخاب غلبن العوم فهلكوا فرد مره يعنى ماتوا حسرة وكمد).

@ النار ولعت فى  والنجيمه اتشلعت ..مسكين  “المريخ (اللهيف)  الوصافه”بين صَّلايَة مزمز ومَطَارِق “مسدسات وشواكيش-الجاكومى النَزِقَ”..سجم ..الما راعوا  “عيالو”لى حالو ..”بشعنبو ” ..ومرقنبوا للربا والتلاف..اتاريهن طلعن كلهن جداد “سااااهى” ما فوقن “ديك” غير “الاهطل الجرثومى”.. ظل الجاكومى يستبيح حياض المريخ بالمسدس والشاكوش فرعنة ورعونة وشيطنه مسنوده بالدعم السريع ..لا زكمان قال شنو:جدادة الخلا الطردت جدادة البيت..جدادة الخلا يا ديك زمانك ..شالت الشيله التقيله من مخلفاتكم و وقصوركم ..بدل تشكرنها جايين تغدرنها ..؟ يا سبحان الله ابوجيبين هلاليته الصارخه يعلمها القاصى والدانى ولكن استجاب لتوسلات مزمز كعهد اسلافه من قيادات الزعيم سمو الهلال ظلوا على مر التاريخ ينقذون المريخ الغريق بالتصدى لادارته ..على الحادبين على ما تبقى من كرامة مريخهم المهدرة اياقف عبث  هذا الارعن الطائش والزامه حدوده يعنى ” افجخوا وقعدوا فووق علبو..غايتو اى زول عنده خونه طبله علبة صلصه ما قادر يفتحها يرجى الاتصال “بالكسار” ..ناس تسعه طويله ذاتهم بحاجه الى الاستعانه بى شاكوشه ومسدسهو”خرشته..و كرشته”.

@ ماذا وراء الاكمه ..؟ اجل اتحاد الكاف  قرعة مجموعات أبطال إفريقيا والكونفدرالية..!

@النفطى نفطهم وفضحهم وقطع عشنهم نوهائى :ما تحلموا بتحقيق اى بطوله. واصغر لاعب فى المريخ” بلدينى ” يولدنى انا دا من بطنه وطمم بطنن نوهائى

@عاشقة سمو الهلال “سهير عبدالرسول ” شايله عشق سمو الهلال زادها ..ابدت فرحتها بشاركة  زوجة الثعلب فلوران وابنته افراح دولة سمو الهلال بحصد كاس السودان من داخل ارض الملعب ..يا سهير انا دى فرحى غير ..اول التبادى تشكراتى على الصور الحصريه تانى حاجى احضار فلوران اسرته الى السودان ضربة معلم ملازمتهم حافز بالجد عظيم حتى لا تتشتت افكاره بين اسرته والعظيم سمو الهلال ..ويا فلوران مرتك معاك وبنوتك فى حماك والله معانا ومعاك لبلوغ منصات التتويج القاريه .

@هل ياترى يكون الثعلب فلوران شد الرحال لى فرنسا لزوم  لاعب باريس “كيليان مبابى”..؟

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سموالهلال !”)

زرقـاء الـعشق

هُـوَيْـدَا اَلْـمَـاحِى

الاربعاء 16/11/2022

شاركها على
أكتب تعليقك هنا

لن يتم نشر عنوان بريدك الإلكتروني.