Take a fresh look at your lifestyle.

بَــوْح أساطين العشاق-الحمدالله على نعمه الهلال..معركة ذات الشواكيش سياسيه-الهلال نشوان  اهنئ جمهور الهلال العظيم  بكأس السودان

 

بَــوْح أساطين العشاق

الحمدالله على نعمه الهلال..معركة ذات الشواكيش سياسيه

الهلال نشوان  اهنئ جمهور الهلال العظيم  بكأس السودان

البلوز أغرق الخرطوم والوصيفاب خفاف طفحو وغلبن العوم

أنا الجاكومي أكبر بلطجي وعنقالي فيك يا حارة مريخابية

اتحاد السجم واذياله يتامرون حتي في الدوري المحلي لصالح الوصيف

سمو الوطن الهلال-عشق البلد

🔵 عاشق سمو الهلال “ابـوقـصـى “-السعوديه

:(فعلا البلوز أغرق الخرطوم والوصيفااب خفاف طفحو وغلبن العوم.

موتو بحسرتكم لأنه لا جزاء للحسد غير المغسه والموت حسرة ولسسسسه التقيل الجاي وياما حتشوفو بس الحقو نفسكم يا وصيفاب عشان تحافظو على البقاء في الممتاز فحالكم هذا العام لا يسر العدو ولا الحبيب وحتي اقفالكم بقيتو تكسروها بالشاكوش يا كافي البلاء وانزلتم بسمعة هذا الصرح الأرض ومعركة سودكال كان احسن مما تفعلونه اليوم في ساحة معارككم والغريب أن البعض من كتابكم بدلا من الكتابة والبحث عن الحلول في ما لحق بكم يذهبون دائما لوضع المكائد وإثارة الفتن في سيد البلد ولذلك دوما ستكون الغلبة لنا بإذن الله.
نعود ونزكر كما قالت أستاذتنا بنت الماحي صاحبة اليراع الراقي في تناول المواضيع وخاصة في ما يتعلق بأمر معشوق الملايين إدارة الزعيم بالاسراع في صيانة ما دمرة الأعداء والحساد بأرض الجوهرة واثاثها من كراسي فضلا عن تركيب الإنارة الجديده حتى تكون بحلة ذاهيه والمجموعات على الأبواب.)

🔵عاشق سمو الهلال” هندى الزبير –        “ Hindi El Zubair

:(ده علي أساس أنا الجاكومي أكبر بلطجي وعنقالي فيك يا حارة مريخابية بإعتباري محمي من حكومة الإنقلابيين بقيادة دقلو والبرهان ،،والتي لي عليها حق عرب ،بالوقوف معها علي الباطل ضد الثوار وشرفاء ثورة ديسمبر المجيدة ،،،سعياً لتحقيق مصالحتي وأهدافي الرخيصة دون أن أنفق مليم واحد من جيبي كما يفعل حازم وأبوجيبين ومن قبلهما الرئيس طوالي جمال الوالي ،،،)

🔵عاشق سمو الهلال “ ابراهيم محمدنور الدنقلاوى” -جده

:(السلام عليكم ورحمة الله..عاشقة دولة سمو الهلال هويدا الماحي عبرك اهنئ جمهور الهلال العظيم في البوادي والحضر بمناسبة الفوز بكأس السودان..الهلال نشوان الهلال كسبان الهلال فن وتاريخ..كما نلفت نظر الإدارة المحترم بشأن الاستاد وعليهم مخاطبة الاتحاد وتدوين مدي الخراب والدمار الذي حل بالمقاعد بسبب سيكافا الذي خرجنا منه بالباب الكبير..وعلي ادارة الاتحاد معالجة الأضرار فورا)

  🔵 عاشق سمو الهلال”ابو وجيه رشيد عوض صالح”الرياض السعودية

:(اولا نقدم اجمل التهاني والتبريكات بفوز الهلال الزعيم سيد البلد ببطولة كأس السودان ….التحية والتجلة والتقدير ليكي استاذة هويدا…..فخرنا واعتزازنا اننا نشاركك في حب الزعيم سيد البلد الهلال شكرا هويدا لاننا نستشرق عظمة الهلال الزعيم سيد البلد من داخل السطور التي تبهجنا وتبهرنا بها في حضرة الهلال….لو سألت عن امنية او حلم اتمني ان يتحقق….كنت اقول وبدون تردد ان يكون ليك وضع داخل الادارة في منظومة  الهلال الكيان…يقيني ان من يغني ويمجد في الفوز والخسارة فقط ويترك ما هو حاصل خارج المستطيل والكيان فهذا كل ما يهمه الفوز او تمجيد في الاعب او المدرب…ويترك الاخرين يعيسو في الارض فسادا  ولا اجد من يدافع عن الكيان قبل الفريق….انا شخصيا متاكد لو قدر لنا أن نتشرف ببت الماحي الهلالابية بقلمها في داخل كيان النادي….ما كنا وصلنا لهذا الهوان والتامر علي سيد البلد من اتحاد السجم واذياله في فريق الوصيف حتي وصل الامر الي السيد السوباط وتكسير ١٥٠٠ كرسي…وقبلا فضيحة الجاكومي في التسريبات…وللاسف لم يحرك ساكنا ويقيني ان من هم في الادارة او كتاب منشتات الصحف لا يهمهم الا المحترفين ومدرب الفريق فلوران…..كلهم بلا استثناء يتغنون بهم صباح مساء…وتاركين اتحاد السجم واذياله يتامرون حتي في الدوري المحلي لصالح الوصيف….سؤال محير يا استاذة وبه اختم مع خالص التوفيق لك للدفاع عن كيان الهلال من البعد…السؤال هل لا يوجد في الهلال محام يعرف قوانين كرة القدم ؟ الساحة بالكامل مفكوكة لشياطين الانس في الاتحاد واذناب الاتحاد….وفعلا الهلال حقو ضايع ومهضوم….وزمان قالو لا يضيع حق وراءه مطالب)

🔵عاشق سمو الهلال “محمد طه الامين شقدى”

:(شوكشني حاول حس بي … معركة ذات الشواكيش محفوفة بالفساد وديك العدة 🐓 عايز ياكلهم حنك ..هرش زي الهرش ..ليه حق مدعوم وضهره قوي ..وفي اقاويل بتقول حركة سياسية ..الحاجة البتحير..الدلاقين ديل ماتبع اتحاد معتصم الشوم .. السكات لزومه شنو ..الحمدالله على نعمه الهلال….نحن في الدلاقين إخوة نعشق( الطبل) ونهوي واختلاف الراي فينا يجعل (الشاكوش) اقوي)

🔵عصارة البَـوْح:(الله- الوطن الهلال..ما جانا عشقك من فراغ ولا نحن غنيناك عبط)

الخميس 17/11/2022

شاركها على
أكتب تعليقك هنا

لن يتم نشر عنوان بريدك الإلكتروني.