Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-لَنَا الصّدرُ..و لهم اللَّحْدُ والقَبرُ – الاضاءة بارِقة أَمل..عيادة الاسنان طَّفْرَةُ التاريخ-الرشيد المعويه مصاب بجلطه ضميرية و ميته سريره

عِـشْقٌ سَرْمَـدِيٌّ– هُـوَيْـدَا الـمـاحى

لَنَا الصّدرُ..و لهم اللَّحْدُ والقَبرُ 

 الاضاءة بارِقة أَمل..عيادة الاسنان طَّفْرَةُ التاريخ

الرشيد المعويه مصاب بجلطه ضميرية و ميته سريره

استراليا-ملبورن_عشق البلد

الله -الوطن الهلال 1898م..النصر بجدارة أو الهزيمة بشرف.!

@ مليكى المفدى”سمو الهلال ..عشق روحى يا غرام الروح .. ياروح الفؤاد أمذنبة انا اذا هويتك ..؟

@نفاج امل..فرحة اهل ..تعديل أبراج الاضاءة استاد سمو الهلال لمواكبة دورى المجموعات.. ندعوا الله ان يسير العمل بخطوات واثقة لانارة الجوهرة المفخره .

@صحيفة الزرقاء الرياضية لسان حال السيد” هشام السوباط “رئيس دولة سمو الهلال قالت بالحرف ..:( ضربت الهلال في كل الخانات .. الإصابات هاجس يؤرق الجهاز الفنى) ما دايره اقول ليكم بشروا ولا تنفروا ..او لا تعينوا الدهر على سمو الوطن الهلال ..بى طريقتكم ولكن ..النصيحه لى الله الخبر ما بنفات خاصة والموسم فى بداياته ..سمو الملك الهلال خاض مباريات بعدد اصابع اليد الى جانب المباريات الاعداديه والاستحقاقات القاريه اذا جمعت فهى قليلة جدا ..اذا ما السر وراء الاصبات وما حجمها وهل تأثرت بها احدى خانات اللعب دونا عن اخواتها ..؟ تحديد نوع “الاصابه” الاصابت يقودنا لمعرفة المسببات ..اول التبادى ..الاحذيه وارضية الجوهرة المفخرة منها براء ..الا تكون ارضية الاستادات التانيه ماهى مستويه متل اساليب اتحاد السجم الملتويه ..اى والله- فى ملاعب تعمل “فقررررر”عديل..ولا العله فى التشخيص والعلاج..؟ولا يمكن تكون فى التغذيه لالالا برى وبرى غيت كمان ..سؤ التغذيه بشتكوا منه ناس العرضه جنوب يا كافى البلاء لا اكل ولا سكن ولا استقرار الفوضى ضاربه فى كل الجبهات وبالشاكوش كمان …. يكون السبب عدم إخضاعهم لتأهيل تقوية العضلات ..ولا تمارين الإطالة ماها كافيه لاحظوا ما جبت سيرة الصاله الاباها..وسكاها ..ورازاها..وما زال يجرى وراها “الزميل محمد الامين نور الدائم “نوهائى ..او ربما تكمن العله فى تمارين الاحماء..ومن اسباب تعدد الاصابات كمان “المنشطات”نبرا ونستبرا..منها سمعنا وسلمنا ..بستعملوها ناس التواطؤ والمستوى الواطى قبلهم وحدهم ..!  خلونا فى الاصبات اللت سمو هلالنا نتمنى ان تكون طفيفه وخفيفه ويتعافوا منها الفرسان عاجلا .

@ الله يكفينا شر الشواكيش.الجماعه بقوا ينوموا على شواكيش الجاكومى ويصحوا على شاكوش المشجع “نصرالدين ابو شاكوش” فوق مجلس “ابوجيبين “الاسامى والالقاب عندكم من ابوسوط وابوشاكوش والفنكوش اها بالمناسبه البنك المصرى لسه ما رد ولا رد والقريشات اتلحست تحت المخده ما مخدة رئيس جنوب افريقيا .؟

@نعى الناعى البارحه اثنان من امة سمو الهلال الكاتب “أحمد الطيب المحينة ” والمشجع المرح فاكهة المجالس الرياضيه ” سيد الازهرى “..تغمدهما الله برحمته وجبر كسر امة سمو الهلال.. مفجوعا بخبر وفاة المحينه كتب الاستاذ “عمر الفاروق الشيخ”:(“الله يرحم احمد الطيب المحينة” تزاملنا فىي صحيفة الهلال ابان فترة شجرابي وعبد المولى الصديق)

@الرشيد المعويه مصاب بجلطه ضميرية ..واحسبها ميته سريره

عنده فوبيا دولاريه ضد محترفى سمو الهلال ..احد عشاق سمو الهلال رد عليه تأدبا وسلاسة وبالمنطق فما كان منه الا ان قام بحظره..”يا سيدى الحسن” الراجل لاسب ولا شتم ولا دلوكه..وما حظره الا دليل على عجزك وافلاسك ايها المشجع المريخى مدحك لمحترفى “القوقو” المريخى لم يشفع لهم ولم يبث فى اوصالهم الاجاده ولا فى ارواحهم العطاء وهم يهيمون بلا مأوى ..وكذا قدحك وانتقاصك من  قدر محترفى دولة سمو الزعيم الهلال لم يلمس شعرة من مردود عطائهم الايام بيننا التنافس القارى المحك لنا الصدر و الدلاقين سيقبرون..!

@التسوى كريت في القرض تلقاهو فى جلدها

“يا حافر حفرة السوء وسع “مداميكك” مراقدك فيها”..نجااااضه وحاره مش ..؟ ولا ما حاره  ..؟ يا الجاكومى ضقت وجع الغدر والخيانه ..؟ ولا يفوق الخيانة ألمًا سوى الحزن لأجل وفاة الأبناء..شربت بل سقوك من نفس الكاس جرحوا سمعتك وقدروا بيك ..؟ خبارك ما صبرت على الاذى يا سبب الاذى ..عندما ظللنا نرد على مؤامراتك وخبثك ودنسك وحربك القذرة على فخامة سمو الهلال بان سمو الهلال ملك صالح ..كنا نعى ونعنى ما نقول ..ربنا سلط عليك شرورك ورد كيدك فى نحورك ..كنت تبقى قدرها وتسكت لكن الحل عندك بالقوة ما بالعقل ولو كنا رددنا على دنس مؤامراتك بادوادتك كان زمااااان شويناك فى سيخ الشاورمه .

@ عاشقة سمو الهلال الزميله الاعلاميه “سهير عبدالرحمن عبدالرسول ” اليومين ديل انا بقيت ليها فوووق العزيزه ..حتى اتتنى باليقين عن مواضيع كتيرات فى سوح سمو الزعيم الهلال ..وعلى رأسها تركيب الاضاءة .. هاتفت البارحه نفر من اركان حكومة سمو الوطن الهلال ..كتر خيرهم وشكرا على رحابتهم وسعة صدورهم .,استنوا استنوا وكمان عرفت منها سبب السفر اى والله- اتاريهو “الثعلب فلوران” سافر  لتجديد جوازه فى فرنسا .

@ اول مره فى التاريخ عيادة أسنان بنادى رياضى فى السودان .. شكرا

“الجنرال البرير” شكرا اجناد وزارة الصحة” بدولة سمو الهلال .. يقينى انها قطرة من محيط فى جعبتكم عقبال مشفى سمو الهلال والعيادات المتخصصه كافه..نرجوا مراعاة الغلابه الكادحين خففوا علينهم التزكره العلاجيه واجذروا اصحاب المال والاعمال جذر ..اوعكم تفهموها كمانا غلظ وتقعوا فوق الاغنياء قلع اسنان تعدموهم الضحاكات ..بوركتم وبورك سعيكم.

@نبض العشق السرمدى ..نقرات عشق نمة ريدهلاليه يا

غرام الروح .. ويبقى العشق ما بقى سموالهلال !”)

زرقـاء الـعشق

هُـوَيْـدَا اَلْـمَـاحِى

الخميس 17/11/2022

 

شاركها على
أكتب تعليقك هنا

لن يتم نشر عنوان بريدك الإلكتروني.