Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-إيبينغى جاءتهاون لا -تخاذل لا -تعادل لا -خساره لا 18 ما اجملها-مزمز والجاكومى جماعة اللغوثه والتزوير زاروا الإكوادور .؟

عِـشْقٌ سَرْمَـدِيٌّ– هُـوَيْـدَا الـمـاحى

 إيبينغى جاء تهاون لا تخاذل لا تعادل لا خساره لا  18 ما اجملها

مزمز والجاكومى جماعة اللغوثه والتزوير  زاروا الإكوادور .؟

استراليا-ملبورن_عشق البلد
الله -الوطن الهلال 1898م..النصر بجدارة أو الهزيمة بشرف.!

@”  إيبينغى “جاء ..مزمل لا ..تقاعس لا..تهاون لا..تعادل ..7مليون لا ..خساره لا والف مليار لا “النقاطه كامله” مكمله 18 ما اجملها

@ مدرب حى العرب صرح وقال :لن نستنسخ تجربة الفرسان .. احترامنا للسوكرتا ورغبتها فى التمسك بالصداره ..ونحنا ذاتنا ما عايزنكم تستنسخوها عشان تكونوا اخوان بالرضاعه -اى والله- ماعايزين هدف من نيران صديقه نوهاى ..بنلعب بنزاهة وامانه وبنهدف برانا ..ثقة فى الله ومن بعده أجناد سمو الهلال .

@ حلمت وانا صاحيه

 أحلامكم أعلامكم مقوله إحدى نبوءات آخر الزمان..ياربى احلام اليقظه ادرجت فيها ما كوووله حلم فى حلم المهم انا عندى الحاسه السابعه اكان حلمت احلامى بتحصل بالكربون ..ولكن عندى حاسه ما لقيت ليها تفسير اى كلام تقوله حلو منو البسمع كلام بدلو ..اشهد الله الكلام بطلع من خشمى مانى خابره مصدره بقوله وبصدف .. الساعه الشفت ليكم إعادة تجميع وتركيب“إستاد 974” حق كأس العالم فى قطر بعد المونديال طوالى  فووق مدينة سمو الزعيم الهلال الرياضيه عندالله ماهو بعيد ..والعجب لو حكومة دولة سمو الهلال عرضت  الشراء القطريين ما بتوانوا لحظه .

@ شكوى المحترف الكنغولى ” أوليفيه بومال ضد المريخ  “ابوجيبين” حلاها  بالتراضى ..طبعا المحترف ما لقى قدامه  خيار غير اللجؤ الى الشكوى بحق المريخ يا كافى البلاء لا استلم باقى قروش عقده ولا صرف فرد مليم من نهاية السنه الفاتت لحدود مشارف نهاية السنه دى .. يا ابوجيبين :ياما فى المريخ بلاوى سيمطر بالشكاوى لو ما عملتوا للمحترفين سد الحنك.

@ القطرى العنابى ..الحلو مايكملش 

اول  مره فى التاريخ منتخب البلد المضيف  لكأس العالم يتعرض للخسارة فى لقاء الافتتاح ..”العنابى”يا خرابى مسخ حلاوة الافتتاح بالهزيمة أمام الإكوادور بثنائية ..وكان الاداء مخيبا للامال ..ياربى يكونوا استسهلوا مباراة

الإكوادور لانهم سامعين تحت تحت عن احتمالية ابعادهم بسبب التزوير..ياربى يكونوا ما عارفين تزوير الاكوادور لجواز اللاعب انتهى بالغرامه الماليه فى التصفيات ؟ 

..انتوا مسعولين من الخير “ناس مزمز والجاكومى ” ملوك “اللغوثه والتزوير “..حصل زاروا الإكوادور .؟.”-اللاعب “بيرون كاستيو” النسخه التانيه من جواز احمد بيتر “..؟

@ ساديو مانى ..ستفتقدك السنغال اليوم كما سنفتقدك جميعا قاتل الله الاصابه التى حرمتنا من ابداعك وحرمتك من المونديال ..الليله بالليل الليله..عذرا هولندا ..كلنا السنغال ..!

@ قال “عاشق سمو الهلال محمد بن سلمان”:(علاقات الشاب السودانى عبارة عن مباريات “وديه” يختبر فيها _قوتو العاطفيه💃 وفى المبارة الرسميه تختار امو التشكيله الاساسيه 😂😂😂😂😂  )

@إدارة الأزرق تبشر الجماهير بالملعب الثالث..العليقي: سيكافا أضرت بالهلال..والسودان خط أحمر)

اول التبادى براحه على الدلاقين ..تانى حاجى الملعب التالت دا “اراضيهو” ح تكون وين ..؟ بعدين ماذا عن الطابق التالت الذى بشرنا به السيد “هشام السوباط “شخصيتا..؟ ..وكلنا عارفين” الآفه سيكافا “سبب الدمار بالجوهرة.. ..ثم ماذا قدم السودان لسيكافا وماذا قدمت الآفه سيكافا للسودان ..؟ الجواب الصوح و”لا التكتح ” .! ….  الضرورات تبيح المحظورات..يعنى لو كنت انت يا السيد” العليقى ” لو قلت لا.. لاستضافة البطوله” الهايفه” دى لما اضيم السودان ..!!!!! -كما ان درء المفاسد مقدم على جلب المصالح ..وكان الاولى بكم درء “الآفه سيكافا “..ولكن خلينا نقول رب ضارة نافعه وقد علمنا عزمكم استجلاب شركه سعوديه لصيانة الجوهرة المفخره طوبى لكم .

@نبض العشق السرمدى ..يا غرام الروح..نقرات عشق نمة ريد..لا فرّقَ الله فيما بيننا أبدًا..ويبقى العشق ما بقى سموالهلال !”)
زرقـاء الـعشق
هُـوَيْـدَا اَلْـمَـاحِى
الاثنين 21/11/2022

شاركها على
أكتب تعليقك هنا

لن يتم نشر عنوان بريدك الإلكتروني.