Take a fresh look at your lifestyle.

بَــوْح أساطين العشاق-الهلال فيهو رجال الاضاءة والصيانه والغرامه 140 الف دولار-الجاكومى فضحهم مادفعوا غرامة الفيفاو ابوجيبين ما عنده قروش

بَــوْح أساطين العشاق

الهلال فيهو رجال الاضاءة والصيانه والغرامه 140 الف دولار 

الجاكومى فضحهم مادفعوا غرامة الفيفاو ابوجيبين ما عنده قروش

سمو الوطن الهلال-عشق البلد

@ عاشق سمو  الهلال “محمد طه الامين شقدى “

:(حزومي لما قال الهلال فيه رجال ماكذب …140 ألف دولار تندفع في رمشة عين (في رمشة عين بعدوك ياحبيبي )دا لو ماكان اندفعت اصلا … الهلال رجل صالح…ملف الإضاءة والزي شايفهم اتحركو شوية ….نحمدالله علي نعمة الهلال)

@ عاشق سمو  الهلال ” فاروق السنى “

):محمد طه الامين شقدى..والجكومي اليوم فضحهم قال لحدي الان مادفعوا قروش محترفى المريخ بناء على طلب الفيفا وكشف بان ابوجيبين كضاب ماعنده كلمة ولا عنده قروش ، ههههه..الف مبروك للزعيم سيد اسياد البلد صاحب الجلالة والفخامة والسمو الهلال العظيم الصدارة بجدارة)

@ عاشق سمو الهلال “يوسف الجبادى “

:(السلام عليكم الاخت هويدا…احب ان اجيش بخاطرى عن حبك للهلال من خلال اعمدتك الاخت هويدت وكتابتك السلسة عن حبك للهلال اتضح مما ﻻيجعلنا نشك فى حبك الجنونى للهلال وسموك وعشقك جعلنى ان اجزم ان ﻻ أحد يضاهيك فى حبك للهلال شئ مبالغ اسطورة ظننته يفوق حب ابن الملوح للعامرية هذا نسمع به فقط؛اما حبك للهلال احسسته احساس وشعرت به خلال كتاباتك و—لكن مهما كتبنا لك عن حبك للهلال ﻻ نفيك حقك..الاخت هويدا اصبح المبدع فى بلادى ﻻ يكرم وﻻ تنال ابداعاته الاهتمام لكن انا اعتبره جهل بهذا الابداع كم مبدع اصبح فى عالم النسيان اتمنى ان يكرموا هؤلاء المبدعين ﻻن التكريم يمثل لمسة وفاء تحمل الفخر والتقدير..عزيزتى ان شعبى شعب ﻻ يرى مزايا الاحياء..لك شكرى وتقديرى..لنا عودة اخرى فى مثل هذا الموضوع )

@ عاشق سمو  الهلال ” حسين ابراهيم “

“(استاذه هويدا الماحى منك نتعلم العشق ..انتى بتكتبى بصدق بعيدا عن المصالح ..رايك دايما فى محله ..تدافعين عن الهلال دفاع مستميت ..وتطرحين الاراء والحلول ..حتى على مستوى كاس العالم انا افتكرتك غير سمو الهلال والملكى الريال ما عندك شغله بالكوره ولكن عمودك بالامس جاء شافيا وزى ما كتبتى كاس العالم يا دابو دخل مرحلة الاثارة ..وانتصار المغرب كان من ضمن المفاجأت وكتها اتزكرت عمودك وقلت  استاذه هويدا الماحى قالت مع الافارقه والمغرب فريق عربى ..ابوى قال لى ..المفرب فريق افريقى عربى يا ولدى ..)

@عصارة البَـوْح:(الله- الوطن الهلال..ما جانا عشقك من فراغ ولا نحن غنيناك عبط)

الاثنين 28/11/2022

شاركها على
أكتب تعليقك هنا

لن يتم نشر عنوان بريدك الإلكتروني.